Siv Tej Twj Tshawb Nrhiav

Yehauvas muab ntau yam xws li tej yeeb yaj kiab, tej ntaub ntawv loj ntaub ntawv me, thiab phau Vajlugkub los pab kom peb txawj qhia lwm tus. (2 Timautes 3:16) Nws kuj muab tej twj zoo li Watchtower Library, JW Library^®, Watchtower LUB VEJ XAIJ TSHAWB NRHIAV VAJLUGKUB, thiab Yehauvas Cov Timkhawv Phau Ntawv Tshawb Nrhiav Vajlugkub los pab kom peb nkag siab phau Vajlugkub zoo.

Yog peb siv tej twj no los pab peb to taub Vajtswv Txojlus kom tob ces peb yuav muaj kev zoo siab heev. Yog li, yeej meem qhia cov uas kawm kom lawv txawj siv tej twj no, lawv thiaj yuav muaj siab tshawb nrhiav tej uas lawv xav paub hauv phau Vajlugkub.

SAIB ZAJ YEEB YAJ KIAB COJ TIBNEEG LOS UA THWJTIM YUAV UA RAU PEB MUAJ KEV ZOO SIAB​—CIA YEHAUVAS PAB KOJ​—TEJ TWJ TSHAWB NRHIAV VAJLUGKUB, TOM QAB SAIB TAG, TEB COV LUS NUG NO:

• 

  Iab hais li cas txog tej yam uas nyob puag ncig nws?

• 

  Maiv Xis mus tshawb nrhiav kev pab qhov twg los qhia Iab?

• 

  Maiv Xis ua tib zoo nrhiav li cas nws thiaj nrhiav tau ib lub ntsiab los pab Iab?

• Maiv Xis puas zoo siab thaum nws siv tej twj tshawb nrhiav los pab Iab?