Peb Ua Yehauvas Tsaug Rau Nej Txojkev Hlub

Txawm cov nyob hauv lub koom txoos Thexalaunikes raug kev txom nyem los lawv tseem nrhiav kev los qhia lawv txojkev hlub rau cov kwvtij nkauj muam. (2 Thexalaunikes 1:3, 4) Yehauvas cov tibneeg niaj hnub no los yeej nrhiav kev los qhia lawv txojkev hlub rau peb cuab kwvtij thoob qab ntuj thiab. Lub vej xaij jw.org muaj ib lub ntsiab Askiv uas hu ua “How Your Donations Are Used.” Lub ntsiab no qhia tias lub koom haum tau siv nej tej dej siab mus pab peb cuab kwvtij thoob ntiajteb li cas rau lub sijhawm uas muaj kev nyuaj siab no. Peb ua nej tsaug rau nej txojkev hlub thiab nej lub siab dawb siab zoo.

SAIB ZAJ YEEB YAJ KIAB “PEB NIAJ HNUB UA VAJTSWV TSAUG” TIAS MUAJ NEJ,” TOM QAB SAIB TAG TEB COV LUS NUG NO:

• Lub koom haum tau siv nej cov nyiaj siab dawb mus pab ua tej yam twg?

• Yog peb cov kwvtij nkauj muam raug kev txom nyem, peb yuav xa nyiaj mus pab lawv li cas?​—Mus nyeem zaj “Surplus Offsets a Deficiency” ua lus Askiv hauv jw.org