Yuav Siv Cov Qauv Lus Li Cas

Peb lub hom phiaj yog ua raws li Yexus cov lus sam hwm kom mus tshaj tawm txog Vajtswv txoj kev kav. (Mathais 24:14) Lub koom haum yeej ua tib zoo xav txog cov qauv lus uas peb siv. Coob tus tshaj tawm pom tias hauv lawv koog cov qauv lus yeej qhia raug tib neeg siab. Txawm li los thoob qab ntuj tib neeg nyias muaj nyias ib txoj kev xav, kev txhawj xeeb, thiab nyias tham nyias lawm ib yam. Yog cov tshaj tawm xav tham txog lwm yam yoog lawv haiv neeg los yeej tau. Tiam sis yog muaj kev tshaj tawm tshwj xeeb no, cov tshaj tawm yuav tsum ua raws li phau kawm qhia los sis cov kwv tij hais.

Thaum koj muaj feem qhia saum sam thiaj, siv lub ntsiab ntawm cov qauv lus los tham. Yog phau kawm tsis qhia tsi ntsees kom ua ib yam twg ces txawm koj yuav tham li cas, nyeem nqe Vajlugkub twg, tshaj tawm rau qhov chaw twg, thiab yuav xaiv lub ntsiab twg rov mus tham los yeej tau. Tsuav tej koj tham pab tau cov uas nyob hauv koj koog xwb. Qhov no hloov cov lus qhia hauv Lub Neej Thiab Tes Hauj Lwm Phau Kawm lub 6 Hli xyoo 2020 sab 8.