Siv JW.ORG Ntu Hauv Paus Thaum Mus Tshaj Tawm

Thaum koj qhib peb lub vej xaij, koj yuav pom muaj ntaub ntawv thiab yeeb yaj kiab. Cov ntaub ntawv thiab yeeb yaj kiab no yog tso tawm rau cov tsis ntseeg uas xav paub ntxiv txog Vajtswv. (Tes Haujlwm 13:48) Kuj tham txog tej xov xwm uas tib neeg ntau tus tham txog.

Koj yuav siv ntu Hauv Paus hauv lub vej xaij jw.org li cas thaum koj mus tshaj tawm?

• Ib sij mus saib lub vej xaij. Mus saib kom koj paub tias muaj tej yam tshwj xeeb twg tshwm sim ib ziag no, thiab xav seb koj yuav siv li cas mus pab ib tug neeg. (Yog xav paub seb muaj tej yam tshwj xeeb twg tshwm sim ntxiv, mus nias qhov tias “Saib Ntxiv.”) Yog koj ib sij mus saib lub vej xaij kom koj paub tias muaj dab tsi tshwm sim tam sim no ces yuav pab tau koj txawj siv mus tshaj mus qhia rau lwm tus.

• Siv tej ntaub ntawv thiab yeeb yaj kiab ntawm ntu Hauv Paus mus nrog tib neeg tham. Tej ntaub ntawv thiab yeeb yaj kiab no yuav pab kom peb paub tias tej neeg zej zog xav thiab txhawj txog tej yam twg.

• Qhia tib neeg txog ntu Hauv Paus hauv peb lub vej xaij. Qhia tsi ntsees txog ib lub ntsiab thiab qhia nws tias yuav siv lub vej xaij li cas.

• Xa mus rau lwm tus. Muaj ib txhia neeg tsis tshua xav nrog peb tham tim ntsej tim muag tiam sis yog mus saib peb lub vej xaij ces lawv yeej kam mus saib. Yog li, cia li xa peb lub vej xaij, ib phau ntawv, los sis ib zaj yeeb yaj kiab mus rau tus uas xav paub ntxiv.