Xav Yam Dawb Huv Thiaj Coj Tau Dawb Huv

Peb qhia tias peb muaj siab npuab rau Yehauvas los ntawm tej uas peb hais thiab tej uas peb xav. (Phau Ntawv Nkauj 19:14) Yog li ntawd, phau Vajlugkub thiaj txhawb kom peb xav txog tej yam uas tseeb, yam uas tsim nyog hwm, yam uas ncaj ncees, yam uas dawb huv, yam uas ntxim hlub, yam uas txhawb zog, yam uas zoo kawg nkaus, thiab yam uas tsim nyog qhuas. (Filipis 4:8) Tej thaum, peb yeej yuav xav txog tej yam uas tsis dawb huv tiam sis peb yeej tswj tau peb txoj kev xav, kom xav rau tej yam uas zoo. Yog peb txoj kev xav dawb huv ces tej uas peb ua kuj yuav dawb huv thiab. ​—Malakaus 7:21-23.

Tom qab nyeem ib nqe Vajlugkub tag, sau seb nqe Vajlugkub ntawd qhia kom peb zam txoj kev xav twg:

Loos 12:3

Lukas 12:15

Mathais 5:28

Filipis 3:13