Mus Tshawb Nrhiav

Kawm Kom Koj Paub Yehauvas Zoo

Thaum peb nyeem phau Vajlugkub, peb siv ntau yam twj los pab kom peb to taub zoo txog tej ua peb nyeem. Tiam sis tsis yog peb lam kawm kom peb paub Vajlugkub ntau ntxiv xwb. Peb kawm los twb yog peb xav paub Yehauvas zoo kom peb haj yam xav hlub nws ntxiv. Yog li ntawd thaum peb nyeem phau Vajlugkub, ua tib zoo xav li no, ‘Phau Vajlugkub qhia li cas rau kuv txog Yehauvas?’

Thaum peb kawm Vajlugkub, ua zoo tshawb nrhiav txog Yehauvas txoj kev hlub, nws lub laj lim tswv yim, nws txoj kev ncaj ncees, thiab nws lub hwj chim. Tiam sis Yehauvas tej yeeb yam tsis yog tag rau plaub qho no xwb. Yog li, koj yuav mus tshawb nrhiav Yehauvas tej yeeb yam ntxiv nyob rau qhov twg?

Yog koj xav nrhiav Yehauvas tus yeeb yam uas koj tab tom nyeem txog ces mus nrhiav “Vajtswv Yehauvas” ces “Yehauvas Tej Yeeb Yam” hauv phau ntawv Yehauvas Cov Timkhawv Phau Ntawv Tshawb Nrhiav Vajlugkub.