Cov Tsiaj Ntawv Me

Nyob rau hauv Vajtswv Txoj Lus Rau Cov Nyob Lub Qab Ntuj Tshiab, muaj ib co tsiaj ntawv me uas qhia kom mus saib rau lwm nqe uas hais thooj li koj nyeem. Ib tug tsiaj ntawv me twg muab sau npuab tom qab ib lo lus. Yog koj siv phau Vajlugkub luam tawm ces koj yuav tau muab ob tug tsiaj ntawv zoo sib thooj coj los tim ua ke ces koj mam li mus nyeem nqe Vajlugkub uas muab sau tseg rau hauv nruab nrab. Nyob rau hauv lub vej xaij jw.org los sis lub twj JW Library^® ces koj cia li nyem tus tsiaj ntawv me ces yuav coj koj mus rau cov nqe Vajlugkub.

Cov tsiaj ntawv me pab tau li no:

Tej Yam Zoo Sib Thooj: Yuav coj koj mus rau lwm phau ntawv hauv phau Vajlugkub uas tham txog tib lub ntsiab lus. Xws li 2 Xamuyees 24:1 thiab 1 Xwmtxheej Vajntxwv 21:1.

Siv Tib Hom Lus: Yuav coj koj mus rau ib sob lus los sis cov lus ntawd xub hais rau qhov twg. Xws li Mathais 4:4 thiab 2 Kevcai 8:3.

Muaj Tshwm Sim: Yuav coj koj mus rau tej lus faj lem uas muaj tshwm sim. Xws li Mathais 21:5 thiab Xakhaliyas 9:9.