Cov Raws Yexus Qab Thiab Kev Tsov Kev Rog—Phau Vajlugkub Hais Li Cas?

Ntsuj rog hauv teb chaws Yus Khees qhia meej tias tej thawj coj Khixatias yeej txhawb kev tsov kev rog. Lawv nyias txhawb nyias lub teb chaws li cas?

• Metropolitan Epiphanius I of Kyiv [Merhauphalitees Epifani-as Tus Ib Hauv Lub Nroog Khij] tau hais tias: “Peb ris peb cov tub rog uas tiv thaiv lub teb chaws Yus Khees ntawm yeeb ncuab txiaj ntsig kawg li thiab qhuas lawv heev . . . Peb mob siab nej, peb thov Vajtswv rau nej, thiab txhawb nej tsis tseg.”​—The Jerusalem Post, Lub 3 Hlis tim 16, 2022.

• “Hnub 7 no, tus thawj coj rau txoj kev ntseeg Russian Orthodox [Lav Xias Authados] tau nrog cov tub rog Lav Xias pe hawm Vajtswv ua ke. Lub sij hawm no Moscow [Moxokaus] tab tom ua rog rau Yus Khees. Nws txhawb kom lawv tiv thaiv lawv lub teb chaws li ‘cov Lav Xias yeej muaj peev xwm ua tau.’”​—Reuters, Lub 4 Hlis tim 3, 2022.

Puas tsim nyog cov raws Yexus qab koom kev tsov kev rog? Phau Vajlugkub hais li cas?

Phau Vajlugkub hais li cas tiag

Phau Vajlugkub qhia tias cov uas raws Yexus Khetos qab tiag tiag yeej tsis koom kev tsov kev rog.

• “Cia li muab koj rab ntaj ntxig rau hauv hnab. Txhua tus uas siv ntaj yuav tuag rau hniav ntaj.”​—Mathais 26:52.

  Yog leej twg pom zoo kev tsov kev rog los sis mus ua tsov ua rog, nws puas ua li Yexus hais tiag?

• “Nimno kuv yuav muab ib txoj kevcai tshiab rau nej: Nej ib leeg yuav tsum hlub ib leeg ib yam li kuv hlub nej. Nej ib leeg yuav tsum hlub ib leeg. Yog nej ib leeg hlub ib leeg, sawvdaws thiaj yuav paub hais tias nej yog kuv cov thwjtim.”​—Yauhas 13:34, 35.

  Yexus hais tias nws cov thwj tim ib leeg yuav tsum hlub ib leeg. Ua li, tus uas txhawb kev tsov kev rog puas muaj txoj kev hlub uas Yexus hais no?

Yog xav paub ntxiv mus nyeem zaj, “Is War Compatible With Christianity?”

Cov Khixatias thiab kev tsov kev rog tiam no

Puas muaj cov Khixatias uas tsis ua tsov ua rog? Yeej muaj. Phau Vajlugkub qhia tias nyob rau tiam no, uas yog “tiam kawg,” yuav muaj ib pawg uas tawm hauv txhua haiv neeg los uas yuav “tsis kawm txujci ua tsov ua rog dua li lawm,” ib yam li Yexus tau qhia.​—Yaxaya 2:2, 4.

• Yog xav paub ntxiv mus nyeem Phau Tsom Faj uas muaj lub ntsiab “How Does God View War?”

Tshuav tsis ntev xwb Vajtswv Yehauvasa uas yog tus “Vajtswv uas pub peb muaj lub siab tus,” yuav siv nws lub tseem fwv saum ntuj los cawm tib neeg “dim ntawm cov neeg tsimtxom thiab cov neeg limhiam.”​—Filipis 4:9; Phau Ntawv Nkauj 72:14.

• Yog xav paub seb yuav muaj tau li ntawd li cas, mus saib zaj yeeb yaj kiab, Vajtswv Lub Nceeg Vaj Yog Dabtsi?