Peb Yuav Thov Vajtswv Txog Dabtsi?

Phau Vajlugkub qhia li no

Peb yuav thov dabtsi los tau tsuas yog thov raws li Vajtswv tau hais tseg hauv phau Vajlugkub. “Yog peb thov tej uas raws li Vajtswv lub siab nyiam, Vajtswv yeej yuav mloog peb tej lus thov.” (1 Yauhas 5:14) Ua li, Vajtswv puas xav kom peb thov txog peb tej kev nyuaj siab? Nws yeej xav, rau qhov phau Vajlugkub hais tias: ‘Qhia nej lub siab rau Vajtswv.’​—Phau Ntawv Nkauj 62:8.

Peb thov Vajtswv txog tej yam twg?

• Thov kom peb muab siab rau ntseeg Vajtswv.​—Lukas 17:5.

• Thov Vajtswv pub lub hwj huam dawb huv rau peb xwv peb thiaj ua tau qhov ncaj.​—Lukas 11:13.

• Thov Vajtswv pub lub zog kom peb nyiaj dhau tej teeb meem thiab tej kev sim siab.​—Filipis 4:13.

• Thov kom peb muaj kev kaj siab thiab muaj lub siab tus.​—Filipis 4:6, 7.

• Thov Vajtswv pab peb muaj tswvyim txawj txiav txim siab zoo.​—Yakaunpaus 1:5.

• Thov txog tej uas peb tu ncua.​—Mathais 6:11.

• Thov Vajtswv zam txim rau peb.​—Mathais 6:12.