Twv Txiaj Puas Txhaum?

Phau Vajlugkub qhia li no

Txawm phau Vajlugkub tsis qhia ntau txog kev twv txiaj los, tej uas phau Vajlugkub qhia ntawd yeej pab peb paub tias kev twv pov twv txiaj txhaum Vajtswv txoj cai.​—Efexus 5:17.a

• Lub hauv paus ntawm cov cag kev twv txiaj yog qhov uas ntshaw luag tug thiab siab hlob. (1 Kauleethaus 6:9, 10; Efexus 5:3, 5) Ib yam nkaus li ntawd, cov neeg twv txiaj lub hom phiaj yeej yog vam ntsoov hais tias lawv yuav tau luag tug, tiam sis phau Vajlugkub qhia tias Vajtswv ntxub cov neeg siab hlob thiab ntshaw luag tug li no.​—Khiav Dim 20:17; Loos 7:7; 13:9, 10.

• Kev twv txiaj txawm hais tias tsuas twv me me xwb los yeej ua tau rau lub siab qaug lais mus rau seem uas ntshaw nyiaj txiag, thiab vam ntsoov kom tau qhov uas yus twv. Tsis tas li ntawd haj tseem yuav ua rau lub neej puas tas.​—1 Timautes 6:9, 10.

• Cov neeg twv txiaj feem ntau tso siab rau lawv txoj hmoo. Tiam sis Vajtswv suav tias qhov uas tso siab li ntawd yog kev teev dab teev mlom. Vajtswv tsis xav kom cov uas teev tiam Nws coj li ntawd.​—Yaxayas 65:11.

• Phau Vajlugkub txhawb kom peb siv zog mus ua hauj lwm, tsis yog mus ntshaw tej uas peb twb tsis tau khwv los. (Tej Lus Qhia 2:24; Efexus 4:28) Cov neeg uas coj raws li phau Vajlugkub qhia yeej “noj tej uas lawv ob txhais tes khwv tau los.”​—2 Thexalaunikes 3:10, 12.

• Kev twv txiaj yuam pov tsuas ua rau neeg sib khib sib tw xwb, tsis pab dab tsi li thiab tseem hla Vajtswv tej lus thiab.​—Kalatias 5:26.