Zaj Nkauj 148
Koj Pub Koj Tib Leeg Tub
Peb Leej Txiv Yehauvas,
Peb sawvdaws tos ntsoov koj.
Tus nqe txhiv koj pub dawb
Tso tau peb dim plaws.
Peb cob lub neej rau koj,
Yam zoo tshaj peb muab hlo,
Peb yuav qhia koj lub ntsiab
Ua raws li koj siab nyiam.
(TXAIS)
Koj pub koj tib leeg Tub,
Txhua tus thiaj seev suab hu
Zaj nkauj qhuas koj mus ib txhis,
Vim koj tau pub koj tib leeg Tub.
Koj siab dawb koj siab zoo
Koj lub npe nrov ncha moo;
Peb thiaj xav los cuag koj
Nrog koj sib raug zoo.
Tiamsis yam tseem ceeb tshaj
Uas muaj nqes dua lwm yam,
Koj muab Leej Tub cov ntshav
Los txhiv tibneeg txojsia.
(TXAIS)
Koj pub koj tib leeg Tub,
Txhua tus thiaj seev suab hu
Zaj nkauj qhuas koj mus ib txhis,
Vim koj tau pub koj tib leeg Tub..
(XAUS LUS)
Peb Leej Txiv Yehauvas, peb thov los ua koj tsaug,
Ua koj tsaug Yehauvas uas koj pub koj tib leeg Tub.
(Rho ntawm Yh. 3:16; 1Yh. 4:9.)