ZAJ NKAUJ 97
Nyeem Yehauvas Txoj Lus
1. Tej Vajtswv Yehauvas sau tseg,
Hauv nws Txoj Lus rau peb.
Yog peb coj raws li nws qhia tseg,
Peb lub neej yuav ruaj ntseg.
Yuav cawm tau peb txoj sia ib txhis,
Kom peb ua neej mus li.
(TXAIS)
Nco ntsoov nyeem Yehauvas Txoj Lus,
Yam li noj mov txhua hnub.
Qhov yuav pab kom peb muaj txoj sia,
Yog ua li Vajtswv qhia.
2. Cov ntseeg uas nyob puag txheej thaum ub,
Yeej mloog Vajtswv tej lus.
Lawv hais tias kom tuav rawv kev ntseeg,
Peb thiaj yuav nyob ruaj nreeg.
Cia peb khaws lawv tej lus tseg cia,
Peb thiaj muaj kev cia siab.
(TXAIS)
Nco ntsoov nyeem Yehauvas Txoj Lus,
Yam li noj mov txhua hnub.
Qhov yuav pab kom peb muaj txoj sia,
Yog ua li Vajtswv qhia.
3. Yog peb nyeem Yehauvas Txoj Lus,
Yuav txhawb tau peb txhua hnub.
Thaum peb ntsib kev nyuaj siab ntxhov plawv,
Los peb thiaj tsis nco txhawj.
Khaws nws tej lus rau peb nruab siab,
Peb thiaj ua li nws qhia.
(TXAIS)
Nco ntsoov nyeem Yehauvas Txoj Lus,
Yam li noj mov txhua hnub.
Qhov yuav pab kom peb muaj txoj sia,
Yog ua li Vajtswv qhia.
(Rho ntawm Yas. 1:8; Loo. 15:4.)