ZAJ NKAUJ 135
Yehauvas Xav Kom Peb Xyaum Ua Neeg Ntse
(Pajlug 27:11)
1. Kuv cov me tub ntxhais hluas
tig siab ntsws los cuag kuv.
Kuv tus yeeb ncuab saib ntsoov
seb nej puas yuav hlub kuv.
Nej yuav tau qhia rau txhua tus paub
nej txojkev ntseeg.
Vim nej lub neej hluas yuav muab los
pe kuv ib leeg.
(TXAIS)
Xyaum ua neeg ntse, kuv cov tub ntxhais hluas,
Yog coj qhov zoo ces kuv yuav qhuas.
Lub neej hluas los nej yeej tsis khuvxim,
Vim tias nej hlub kuv kawg nkaus li.
2. Txaus siab hlo ua txhua yam
rau kuv li nej xav tseg.
Txawm yog nej qaug zog lawm
los kuv yeej yuav rub tes.
Yuav muaj tibneeg cem thiab hem los
tsis txhob ntshai li.
Vim kuv yuav nrog nraim nej ib sab
mus tas ib txhis.
(TXAIS)
Xyaum ua neeg ntse, kuv cov tub ntxhais hluas,
Yog coj qhov zoo ces kuv yuav qhuas.
Lub neej hluas los nej yeej tsis khuvxim,
Vim tias nej hlub kuv kawg nkaus li.
(Rho ntawm 2 Kev. 6:5; Tlq. 11:9; Yay. 41:13.)