ZAJ NKAUJ 54
Cia Vajtswv Coj Txoj Hau Kev
(Yaxayas 30:20, 21)
1. Yav puag thaum i,
Kuv lub neej yeej nyob tsaus ntuj nti.
Kuv tig sab twg,
Los ua rau kuv lub kua muag ntws.
Vajtswv Txojlus,
Qhib tau kuv nplooj siab ntsws zuj zus.
Kuv pom kev nrig,
Kuv thiaj ua lub neej nyob luag ntxhi.
(TXAIS)
Vajtswv hais tias: “Koj txhob tso kuv pov tseg,
Koj nrog nraim kuv, kuv yuav coj txoj hau kev.
Kav tsij rau siab kam tiag tshuav tsis ntev,
Kuv twb yuav los mus txhim kho lub ntiajteb.”
2. Yav puag thaum ub,
Kuv lub neej tsis muaj tus yuav hlub.
Kuv nroo hais tias,
Tav twg kuv mam li tsis nyuaj siab.
Txij ntua hnub kuv,
Los mus ua Yehauvas ntiag tug.
Nws cov tibneeg,
Yeej sib hlub thiab nyob sib haum xeeb.
(TXAIS)
Vajtswv hais tias: “Koj txhob tso kuv pov tseg,
Koj nrog nraim kuv, kuv yuav coj txoj hau kev.
Kav tsij rau siab kam tiag tshuav tsis ntev,
Kuv twb yuav los mus txhim kho lub ntiajteb.”
3. Kuv ua neej nyob,
Tsis muaj txojkev ncaj ncees ib qho.
Kuv ua zaj twg,
Los kuv yeej ib txwm yog tus swb.
Kuv hnov hais tias,
Vajtswv yuav kho txhua yam dua tshiab.
Zoo siab kawg li,
Zaum no kuv yuav nyob mus ib txhis.
(TXAIS)
Vajtswv hais tias: “Koj txhob tso kuv pov tseg,
Koj nrog nraim kuv, kuv yuav coj txoj hau kev.
Kav tsij rau siab kam tiag tshuav tsis ntev,
Kuv twb yuav los mus txhim kho lub ntiajteb.”
(Rho ntawm Pnk. 32:8; 139:24; Paj. 6:23.)