Ua Siab Ntev

1. Yehauvas tus muaj siab ntev,

Rau txhua leej txhua tus hauv ntiaj teb.

Txawm tib neeg yuav niaj hnub cem,

Thiab thuam koj rau ntiaj tog qaum pes,

Los koj yeej ua lub siab ntev,

Hlub txhua tus nyob hauv ntiaj teb.

Koj nco ntsoov neeg yog hmoov av,

Thiab ua tsis tau qhov ncaj.

Koj thiaj niaj hnub ua txhua yam,

Vim koj pom neeg tsis muaj chaw vam.

Yehauvas tus muaj siab ncaj,

Koj thiaj tsim nyog tau koob meej tshaj.

2. Cia peb xyaum ua neeg siab ntev,

Yam li koj ib txwm tau qhia tseg.

Txawm leej twg yuav thuam thiab cem,

Los cia peb rub lub siab kom ntev.

Koj yeej ib txwm tau hais tseg,

Kom peb xyaum ua neeg siab ntev.

Yog peb coj li tau hais no,

Yuav txhawb sawv daws lub zog.

Cia peb hlub lwm tus li koj,

Peb thiaj yuav ua qhov zoo qhov yog.

Yehauvas tus muaj meej mom,

Thov kom peb ua siab ntev li koj.