ZAJ NKAUJ 110
Yehauvas Yog Peb Txojkev Zoo Siab
(Nehemis 8:10)
1. Tshuav tsis ntev lawm lub sim ceeb no twb yuav ploj,
Peb yuav mus tshaj rau txhua tus hnov.
Cia li zoo siab thaum Yehauvas tso peb dim,
Ces peb yuav nyob mus tas ib txhis.
(TXAIS)
Peb txojkev zoo siab yog ntseeg Yehauvas,
Nws thiaj li yog peb qhov chaw vam.
Peb yuav nco ntsoov txhua yam nws tau ua huvsi,
Thiab yuav pe hawm nws mus tas ib txhis.
Yehauvas tus txhawb peb lub dag lub zog,
Zoo siab kawg nkaus peb los paub koj.
Koj ib leeg thiaj yog tus Vajtswv peb teev tiam,
Thiab koj ib txwm ua rau peb zoo siab.
2. Peb yuav tsum rau siab ntseeg Vajtswv Yehauvas,
Vim nws pab peb kov yeej txhua yam.
Cia peb tsa suab hu nkauj qhuas peb tus Vajtswv,
Thiab hu kom tag peb lub siab ntsws.
(TXAIS)
Peb txojkev zoo siab yog ntseeg Yehauvas,
Nws thiaj li yog peb qhov chaw vam.
Peb yuav nco ntsoov txhua yam nws tau ua huvsi,
Thiab yuav pe hawm nws mus tas ib txhis.
Yehauvas tus txhawb peb lub dag lub zog,
Zoo siab kawg nkaus peb los paub koj.
Koj ib leeg thiaj yog tus Vajtswv peb teev tiam,
Thiab koj ib txwm ua rau peb zoo siab.
(Rho ntawm 1 Xvn. 16:27; Pnk. 112:4; Luk. 21:28; Yhs. 8:32.)