Rau Siab Tshaj Tawm Txog Vajtswv Lub Nceeg Vaj!

1. Rau siab tshaj txog Vajtswv lub Nceeg Vaj

Rau neeg nyob tej roob tej hav.

Vim peb hlub tshua txog tibneeg zej zog,

Thiaj xawb nrhiav cov neeg siab mos.

Peb txoj haujlwm no tshwj xeeb kawg li,

Cia li qhia txoj xov mus kom txhij.

Kav tsij tawm plaws mus tshaj ua ntu zus,

Nws lub koob lub npe yuav nrov lug.

2. Peb sib koom siab qhia txog lub Nceeg Vaj,

Cov xaiv tseg thiab lwm pab yaj.

Cov laus, cov hluas, sib koom ua ib pab

Npuab nruj nraim tus Tswv Yug Yaj.

Vajtswv txoj xov zoo txog lub Nceeg Vaj

Txhua tus hnov yuav muaj lub siab kaj.

Yehauvas yog tus txhab lub dag zog

Peb thiaj tsis ntshai thiab tsis thim rov.