Xyiv Fab Hlo Koom Tes Sau Qoob Loo

1. Peb nyob rau lub sijhawm sau qoob loo,

Txoj hmoo, tsis muaj dabtsi pauv tau.

Cov tubtxib saum ntuj yog cov uas hlais,

Peb kuj muaj ib feem koom nrog sau.

Yexus Khetos tseg tus qauv rau peb

Nws ntaus thawj hlo mus ua daim teb.

Vajtswv tseem pub txoj koob hmoov no rau peb

Los koom sau tej qoob loo no tseg.

2. Peb hlub Vajtswv thiab tej neeg zej zog,

Peb thiaj li maj nroos mus tshaj tawm.

Sau qoob thiab tshaj tawm tseem ceeb ib yam,

Rau qhov tib pliag xwb twb yuav kawg.

Koom nrog Vajtswv ua haujlwm ua ke

Yog yam uas zoo siab xyiv fab tshaj.

Cia peb ua siab ntev qhia txog lub Nceeg Vaj

Vajtswv yeej yuav foom koob hmoov pab.