Txhob Tos Txog Thaum Lig, Mam Li Txiav Txim Txog Kev Kho Mob
Peb yeej tsis paub tias kev mob kev nkeeg yuav los raug peb rau thaum twg. (Yknp. 4:14) Tus neeg xyuam xim ua tib zoo npaj ua ntej, nyob tsam muaj tej ntawd tshwm sim. (P.L. 22:3) Koj yuav tau txiav txim ua ntej seb koj yuav xaiv tej kev kho mob zoo li cas. Thiab koj yuav tsum muab tej ntawd sau cia. Koj puas tau ua li ntawd lawm? Cov kwvtij tau npaj ib co yeeb yaj kiab los pab koj, hu ua Transfusion-Alternatives—Documentary Series. Saib zaj ob hauv daim DVD ntawd, hu ua Transfusion-Alternative Health Care—Meeting Patient Needs and Rights. Ua tib zoo saib koj thiaj li yuav paub teb cov lus nug nram qab no. Cov niam txiv yuav tsum tau txiav txim seb lawv puas yuav cia lawv cov menyuam saib zaj yeeb yaj kiab no vim kuj muaj tej kev phais mob nyob rau hauv.
(1) Vim li cas ib txhia kws kho mob ho tsis txhawb kev ntxiv ntshav li yav thaud lawm? (2) Muaj peb txojkev phais mob loj twg uas tsis tas siv ntshav? (3) Vim li cas muaj ntau tus kws kho mob ho kam phais mob es tsis siv ntshav? (4) Cov tibneeg tshawb txujci tau tshuaj pom li cas txog txojkev siv ntshav? (5) Thaum ntxiv ntshav rau tibneeg kuj muaj tej teeb meem zoo li cas thiab? (6) Thaum kawg, cov kws kho mob xav li cas xwb, txog tej kev kho mob tsis siv ntshav? (7) Vim li cas ib txhia ho muaj ntshav tsawg (anemia), thiab muaj kev pab li cas kom nws cov ntshav thiaj ntau tuaj? (8) Muaj kev pab li cas kom ib tug cov ntshav liab rov qab ntau tuaj li qub? (9) Thaum phais mob, muaj kev pab li cas kom ib tug neeg txhob sem ntshav ntau? (10) Tej kev kho mob uas tsis siv ntshav puas pab tau tej menyuam yaus thiab cov neeg uas raug mob loj nthawv nthav? (11) Tej kws kho mob yuav tsum ua li cas, thiaj qhia tias lawv hwm thiab saib taus cov neeg mob?
Hauv zaj yeeb yaj kiab no, muaj tej kev kho mob uas peb sawvdaws nyias yuav tau txiav txim nyias seb yuav txais los tsis txais. Peb yuav tsum tsis txhob tos txog lig mam li txiav txim. Yog koj xav tau kev pab seb yuav txiav txim li cas, mus nyeem Tshooj 7 hauv phau ntawv “Vajtswv Txojkev Hlub.” Tshawb nrhiav cov ntaub ntawv uas muaj nyob rau hauv qab taw qhia thiab. Kuj zoo rau koj mus nyeem daim Tes Num Rau Lub Nceeg Vaj ua lus Askiv, lub Kaum Ib Hlis Ntuj xyoo 2006. Tom qab koj txiav txim tas lawm, muab sau cia rau daim ntawv sawv cev. Tsuas yog cov uas ua kevcai raus dej lawm, thiaj muaj daim ntawv no xwb. Nqa daim ntawv no nrog nraim koj.
[Cov lus rho hauv zaj no, nyob sab 3]
Peb yuav tau txiav txim ua ntej seb peb yuav xaiv tej kev kho mob zoo li cas. Thiab peb yuav tsum muab tej ntawd sau cia.