Zaj 13

Cov Khixatia Tej Lus Cog Tseg

(Khiav Dim 39:30)

1. Rau qhov Yehauvas yog tus tsim

Lub qab ntuj loj tshaj plaws,

Lub ntiajteb lub ntuj yog nws li,

Yog nws ob txhais tes rhawv.

Txojsia txoj pa nws tau muab rau

Txhua yam uas nws tau tsim

Nws tib leeg thiaj li tsim nyog peb qhuas,

Kev pe hawm yeej yog nws li.

2. Cov neeg Yixayee puag thaum ub,

Tau hais saum Roob Xinai:

‘Tej Kevcai Yehauvas tau muab

Peb yuav zoo siab hlo txais.

Puag thaum ub nws yog lawv tus tswv;

Hauv dej nws cawm lawv tawm.

Lawv yog ib haiv neeg muab cob rau nws

Lawv yuav tsum nco ntsoov qhov ntawd.

3. Yexus tau ua kevcai raus dej

Kom txojkev ncaj ncees tiav,

Nws txo hwjchim muab nws tus kheej

Ua raws Vajtswv siab nyiam.

Thaum nws tawm hauv Yaladee los

Tus Tub Vajtswv tau hu,

Nws yuav npuab siab hlo mloog Vajtswv lus

Vajtswv tus Tub uas ntshiab huv.

4. Peb los cuag koj Tswv Yehauvas,

Los qhuas koj lub npe loj.

Zoo siab hlo txo peb lub hwjchim,

Cob peb tus kheej rau koj.

Koj muab koj tib leeg Tub rau peb,

Koj txhiv peb kim kawg li.

Peb muab peb lub neej los pub rau koj,

Ciaj tuag peb hawm koj mus li.