Zaj 150
Cov Mov Uas Los Saum Ntuj Los
1. Peb leej txiv uas nyob saum ntuj,
Ib txhiab ib txhis Nws zoo li qub,
Peb zoo siab hu nkauj qhuas koj
Thiab hwm koj lub npe uas ntshiab huv.
Dhau los koj yog tus Tswv zoo,
Koj tau ua siab ntev coj
Koj cov neeg zoo li pab yaj,
Tso mana rau lawv noj.
Koj tau muab dej rau lawv haus,
Uas yog tawm hauv phab pob zeb los.
Koj coj lawv rau Khana-as,
Lawv muaj noj muaj haus zoo siab hlo.
2. Cov mana koj muab lawv noj
Piv txog koj tus Tub koj hlub tshaj,
Nws tso meej mom saum ntuj tseg
Los cawm noob neej uas zoo tsis tas.
Nws yog cov mov saum ntuj los;
Nws cev nws tsis khuvxim
Muab txi theej tibneeg txhua tus
Kom nws cawm tau lawv dim.
Vim peb ntseeg cia peb los noj
Cov mov uas Vajtswv thiaj muab tau;
Yog, cia peb los noj txhua hnub,
Kom peb huv, txojsia peb yuav tau.
3. Cov mov uas los saum ntuj los
Txhob muab zais deb cov tsis muaj noj,
Tiamsis, yog muaj caij nyoog zoo,
Muab pub Khetos cov yaj tshaib noj.
Pab tej tug uas mob siab tiag
Nrhiav Vajtswv txojkev zoo,
Pab lawv paub lawv thiaj yuav dim
Pab lawv tau Vajtswv hmoov.
Ces thaum dhau Vajtswv tsav rog
Uas yog Amakedoo tas lawm,
Peb yuav qhuas Vajtswv ib txhis,
Zoo siab rau tej nws tau ua tawm.