“Yog Koj Txais Kuv Phau Ces Kuv Mam Li Txais Koj Phau”

Muaj ib txhia tswv tsev yuav hais li no rau peb vim peb tsis kam muab peb cov ntaub ntawv Vajlugkub pauv tej ntaub ntawv uas tsis qhia qhov tseeb. Yog li ntawd, peb yuav ua tib zoo teb lawv li cas? (Loos 1:25) Peb kuj hais li no: “Ua tsaug ntau. Ua li koj phau ntawv puas qhia tias yuav kho noob neej tej teeb meem li cas? [Cia nws teb tas tso. Yog nws teb tias, koj xav paub ces nyeem kuv phau ntawv. Koj kuj teb nws tias, yog kuv yuav tso ib phau ntawv rau ib tug twg, kuv yeej qhia tus ntawd txog tej uas sau rau hauv phau ntawv ntawd. Ces koj mam li nyeem Mathai 6:9, 10.] Yexus hais tias Vajtswv lub Nceeg Vaj thiaj yog lub uas yuav ua kom muaj raws li Vajtswv lub siab nyiam rau hauv ntiajteb. Yog li ntawd, cov ntaub ntawv Vajlugkub uas kuv xav nyeem tsuas yog cov uas qhia txog Vajtswv lub Nceeg Vaj xwb. Yog nws tsis xav li cas koj cia li qhia nws txog ob peb yam uas phau Vajlugkub hais tias Vajtswv lub Nceeg Vaj yuav ua rau noob neej.”