Cov Uas Khuvleej Lwm Tus Yuav Zoo Siab!

1. Cov muaj lub siab khuvleej zoo siab!

Vajtswv saib lawv rau nqe kawg tiag.

Lawv qhia rau cov uas nyiam qhov ncaj

Cov khuvleej, Vajtswv txaus siab tshaj.

Vajtswv khuvleej, nws txib Yexus,

Los ua nqe txhiv noob neej txhua tus.

Vajtswv khuvleej cov txo hwjchim

Vim nws paub peb yog neeg muaj txim.

2. Cov muaj kev khuvleej tau koob hmoov;

Tej kev txhaum Vajtswv tsis cim ntsoov.

Khetos mus cuag Vajtswv saum ntuj,

Thiaj daws tau neeg lub txim txhaum mus.

Vajtswv Txojlus lawv tshaj txhua qhov,

Xwv nws kev khuvleej sawvdaws hnov,

Lawv hais rau neeg, “Cia li zoo siab

Vim lub Nceeg Vaj twb kav lawm tiag.”

3. Cov txo hwjchim yuav pom kev hlub

Thaum Yehauvas txiav txim saum ntuj.

Nws kev khuvleej lawv yuav paub meej,

Vim lawv xyaum Vajtswv kev khuvleej.

Yog li, cia peb khuvleej lwm tus

Thiab xyaum txojkev khuvleej no mus.

Ib yam li Vajtswv thiab Khetos,

Cia peb xyaum kev khuvleej li no.