Koj Puas Ntseeg Yehauvas Tej Lus Cog Tseg?

Yausua thiab Xalaumoo nkawd pom tias Yehauvas tej lus cog tseg tsis poob ib los li. (Ys. 23:14; 1Vntx. 8:56) Nkawd muaj kev ntseeg ruaj khov. Nkawd txhawb tau peb txojkev ntseeg kom ruaj khov thiab.​—2Khl. 13:1; Tit. 1:2.

Tiam Yausua nyob, Yehauvas ua raws li nws cog tseg. Nrog koj tsev neeg saib zaj yeeb yaj kiab ‘Not One Word Has Failed,’ ces teb cov lus nug no: (1) Koj yuav xyaum Lahaj txojkev ntseeg li cas? (Hnpl. 11:31; Yknp. 2:24-26) (2) Akhas tus qauv qhia tias yog txhob txwm tsis mloog lus, yuav muaj teeb meem li cas? (3) Txawm cov Kinpe-oo txawj ua rog los, ua cas lawv ho dag kom tau nrog Yixayee ntaus phoojywg? (4) Thaum 5 tug vajntxwv Amaulai tuaj tua Kinpe-oo, Yehauvas ua raws li nws cov lus li cas? (Ys. 10:5-14) (5) Vim koj muab Vajtswv lub Nceeg Vaj tso ua ntej, Yehauvas tau pab koj li cas?​—Mth. 6:33.

Yog peb xav txog txhua yam uas Yehauvas ua yav tas los, tamsim no, thiab yav tom ntej, peb yuav yimhuab ntseeg nws tej lus cog tseg​.—Loos 8:31, 32.