Zaj Nkauj 10
“Kuv Nyob Nov! Txib Kuv”
(Yaxaya 6:8)
1. Niaj hnub no neeg thuam saib tsis taus,
Vajtswv lub npe uas zoo kawg nkaus.
Ib txhia tias Nws tais caus thiab phem.
“Tsis muaj Vajtswv!” cov neeg ruam cem.
Twg yuav mus qhia Vajtswv lub npe?
Twg yuav qhuas Nws rau sawvdaws ne?
“Tswv, kuv nyob nov! Txib kuv, txib kuv.
Kuv mam qhuas koj tsis muaj hnub tu.
(TXAIS)
Tsis muaj ib txoj hmoo zoo tshaj no, Tswv.
Kuv nyob nov! Txib kuv, txib kuv.”
2. Neeg thuam tias Vajtswv mas siab qeeb;
Kev ntshai Vajtswv lawv paub tsis tseeb.
Ib txhia muab pob zeb ua mlom hawm;
Ib txhia muab Xixa tso Tswv chaw.
Twg yuav qhia cov phem txog tom ntej?
Twg yuav ceeb toom Tswv ntsuj rog ne?
“Tswv, kuv nyob nov! Txib kuv, txib kuv.
Kuv mam ceeb toom tsis ntshai siav luv.
(TXAIS)
Tsis muaj ib txoj hmoo zoo tshaj no, Tswv.
Kuv nyob nov! Txib kuv, txib kuv.”
3. Niaj hnub no cov mloog lus nyuaj siab
Vim kev limhiam muaj nyob puv ntia.
Lawv txo hwjchim mus nrhiav tas zog
Qhov tseeb uas muaj kev thaj yeeb nrog.
Twg yuav mus nplig cov mloog lus tseg?
Twg yuav pab lawv nrhiav kev ncaj ne?
“Tswv, kuv nyob nov! Txib kuv, txib kuv.
Kuv mam siab ntev qhia cov mloog lus.
(TXAIS)
Tsis muaj ib txoj hmoo zoo tshaj no, Tswv.
Kuv nyob nov! Txib kuv, txib kuv.”
(Rho ntawm Nt.Nk. 10:4; Exkh. 9:4.)