Txawj Nug

Mathai 16:13-16

LUB NTSIAB LUS: Koj cov lus nug yuav tsum ua rau tibneeg xav kawm ntxiv, ua rau lawv lub siab nthuav, thiab kom tej ntsiab lus tseem ceeb cog ruaj rau hauv lawv lub siab. Txhob nug tej uas yuav ua rau lawv txaj muag.

XYAUM LI NO:

• Txawj nug luag thiaj xav kawm. Nug txog tej yam uas yuav ua rau lawv thim xav, kom lawv thiaj xav mloog ntxiv.

• Txawj nug kom luag siab nthuav. Txhob thom lawv lossis nug ntau yam. Tiamsis nug tej yam tseem ceeb uas yuav ua rau luag lub siab nthuav, lawv thiaj ras txog qhov tseeb.

• Txawj nug luag thiaj cim tau tej ntsiab tseem ceeb. Nug tej yam uas tibneeg xav paub txog ces mam qhia lub ntsiab tseem ceeb. Thaum yuav xaus lus, rov nug thiab piav cov ntsiab lus tseem ceeb kom luag khaws tau.