ZAJ NKAUJ 89
Mloog Lus Thiaj Li Tau Koob Hmoov
1. Yog tias peb mloog tej Yexus tau qhia tseg cia,
Peb thiaj li txawj ua lub neej mus nto ntsis.
Yog tig ntsej mloog peb lub plawv yuav dhia zoo siab,
Peb tau lub neej nce tes lias tas ib sim.
(TXAIS)
Mloog lus thiaj li tau koob hmoov,
Vajtswv xav kom tig ntsej mloog.
Cia li los mloog hlo Vajtswv tej lus zoo,
Mloog lus thiaj li tau koob hmoov.
2. Thaum peb lub neej ruaj khov yam nkaus li lub tsev,
Yam li lub tsev txawb rau ntawm daim lag zeb,
Yexus qhia tseg xyaum coj raws li nws txojke,
Txojkev pab tau peb lub neej nyob ruaj ntseg.
(TXAIS)
Mloog lus thiaj li tau koob hmoov,
Vajtswv xav kom tig ntsej mloog.
Cia li los mloog hlo Vajtswv tej lus zoo,
Mloog lus thiaj li tau koob hmoov.
3. Zoo ib yam li tsob ntoo nyob ze ntawm ntug dej,
Txi tau cov txiv raws lub caij raws lub nyoog,
Vajtswv cov tub ntxhais cia li mloog thiaj txawj ntse,
Txojsia ib txhis yog Vajtswv tej koob hmoov.
(TXAIS)
Mloog lus thiaj li tau koob hmoov,
Vajtswv xav kom tig ntsej mloog.
Cia li los mloog hlo Vajtswv tej lus zoo,
Mloog lus thiaj li tau koob hmoov.
(Rho ntawm Kc. 28:2; Nt.Nk. 1:3; P.L. 10:22; Mth. 7:24-27; Lk. 6:47-49.)