“Tej Neeg Uas Nyob Hauv Ntiajteb No Puavleej Paub Ib Yam Lus”

11:1-4, 6-9

Vim muaj cov tibneeg hauv Npanpiloos uas tsis mloog Yehauvas lus, nws thiaj ua kom lawv nyias hais nyias ib yam lus thiab tawg ri sua mus nyob qhov txhia qhov chaw. Tiamsis niaj hnub nimno, Yehauvas tau sau ib pab neeg coob coob uas tawm hauv txhua haivneeg los. (Tshwmsim 7:9) Yehauvas “yuav muab ib tsoom neeg tus nplaig hloov kom lawv tau tus nplaig dawb nplaig huv” kom lawv thiaj ‘txawj hu thov Yehauvas lub npe thiab txawj ua ib lub siab ua koom tu nws.’ (Xefaniyas 3:9, TT ) “Tus nplaig dawb nplaig huv” yog qhov tseeb txog Yehauvas thiab nws lub ntsiab uas nyob hauv phau Vajlugkub.

Thaum yus kawm ib yam lus tshiab, tsis yog yus cim thiab nco cov lus xwb. Tiamsis yus yuav tsum coj thiab xav ib yam li haivneeg ntawd. Ib yam li ntawd, thaum peb kawm qhov tseeb hauv phau Vajlugkub, peb yuav tau hloov peb lub siab. (Loos 12:2) Qhov uas Vajtswv cov tibneeg xyaum coj li no, pab tau lawv koom siab.—1 Kauleethaus 1:10.