Pib Lub 3 Hlis Tim 25

PIB LUB 3 HLIS TIM 25

Hu Zaj Nkauj 37 thiab Thov Vajtswv

□ Lub Koom Txoos Kev Kawm Vajlugkub:

bm zaj 24 (30 feeb)

□ Kawm Kev Tshaj Tawm:

Nyeem cov nqe Vajlugkub: Luka 4-6 (10 feeb)

Zaj 1: Luka 4:22-39 (4 feeb xwb)

Zaj 2: Yehauvas Cov Lus Ntawm 1 Xamuyee 16:7 Pab Peb Li Cas Kom Peb Tsis Txhob Xaiv Ntsej Xaiv Muag?​—my 57 muaj lus nug ntxiv 2(a) (5 feeb)

Zaj 3: Vim Li Cas Niaj Hnub No Tsis Muaj Raws Li Vajtswv Lub Siab Nyiam Hauv Lub Ntiajteb No Lawm?​—bh sab 93 ¶19–sab 94 ¶21 (5 feeb)

□ Kev Kawm Ua Vajtswv Tes Num:

Hu Zaj Nkauj 12

5 feeb: Pib Kawm Vajlugkub Nrog Tibneeg Thawj Hnub 6. Ua yeeb yam qhia seb peb yuav pib kawm Vajlugkub nrog lwm tus li cas rau thawj Hnub 6 (Saturday), lub 4 Hlis Ntuj. Siv tus qauv ntawm sab 10. Txhawb kom txhua tus pib kawm Vajlugkub nrog tibneeg.

25 feeb: “Xyaum Siv Phau Ntawv Vajtswv Muaj Xov Zoo Rau Peb!” Lus nug thiab lus teb. Thaum kawm txog nqe 6, npaj 2 qho yeeb yam.

Hu Zaj Nkauj 17 thiab Thov Vajtswv

3. Vim li cas phau ntawv no txawv ntawm lwm phau?

³ Phau Ntawv No Zoo Li Cas? Ntau zaus cov kwvtij sau peb cov ntaub ntawv ntxaws ntxaws kom tibneeg nkag siab qhov tseeb. Txawm tias tsis muaj ib tug timkhawv nyob ntawd qhia los, lawv twb txais raug lub ntsiab lawm. Tiamsis phau ntawv tshiab no txawv ntawd, rau qhov yuav tsum muaj tus qhia kom tus kawm thiaj nkag siab. Twb yog vim li ntawd, thaum koj muab phau ntawv no rau tibneeg, zoo rau neb kawm ib ob nqes ua ke. Phau ntawv no tsuas muaj tej nqe luv luv xwb, yog li zoo siv mus qhia tibneeg tom tej kiab tej khw, lossis ntawm lawv qhov rooj. Koj xub qhia zaj twg los tau.

4. Phau ntawv no qhia kom peb siv phau Vajlugkub li cas?

⁴ Tej ntaub ntawv uas peb luam tawm, feem ntau muaj lus nug thiab lus teb nyob rau hauv phau ntawv. Tiamsis hauv phau ntawv tshiab no, peb yuav tsum nthuav Vajlugkub los teb cov lus nug. Feem coob xav kawm dua yog tias peb nthuav phau Vajlugkub los qhia lawv. Phau ntawv no thiaj muaj ntau nqe Vajlugkub uas sau tias “nyeem.” Thaum koj nthuav phau Vajlugkub los nyeem, tus uas kawm yuav pom tias tej uas neb kawm yog Vajtswv Txojlus tiag.​—Yxy. 54:13.

5. Vim li cas tus timkhawv yuav tsum ua tib zoo npaj ua ntej nws mus qhia ib tug twg?

⁵ Phau ntawv no tsis piav txhua nqe Vajlugkub, kom tus uas kawm thiaj nug txog tej yam uas nws xav paub thiab kom tus timkhawv xyaum piav cov nqe Vajlugkub ntawd. Yog li ntawd, ua ntej peb mus qhia ib tug twg, peb yuav tsum ua tib zoo npaj. Peb sawvdaws nyiam piav cov nqe Vajlugkub heev, tiamsis peb yuav tsum ua tib zoo tsam peb hais ntau dhau lawm. Zoo rau peb nug seb tus uas kawm nkag siab nqe Vajlugkub ntawd li cas. Yog tias peb ua tib zoo nug nws ces nws yuav nkag siab thiab muab tau lub ntsiab.​—Ttx. 17:2.