• Pib Lub 9 Hlis Tim 28
    Daim Tes Num—2015 | Lub 9 Hlis Ntuj

    • Pib Lub 9 Hlis Tim 28

      PIB LUB 9 HLIS TIM 28

      Hu zaj nkauj 47 thiab thov Vajtswv

      Lub Koom Txoos Kev Kawm Vajlugkub:

      yc zaj kawm 9 (30 feeb)

      Kev Kawm Tshaj Tawm:

      Nyeem cov nqe Vajlugkub: 2 Vajntxwv 23-25 (8 feeb)

      Zaj 1: 2 Vajntxwv 23:​8-15 (3 feeb)

      Zaj 2: Piav Txog Thawj Zaug Uas Yehauvas Qhia Tias Ntshav Dawb Huv, Thiab Tej Hauv Paus Ntsiab Lus Twg Qhia Tias Ntshav Dawb Huv Tiag?​—lv tshooj 7 ¶1-4 (5 feeb)

      Zaj 3: Cov Tuag Puas Pab Tau Koj Lossis Ua Phem Tau Rau Koj?​—sp sab 5 ¶1–sab 6 (5 feeb)

      Kev Kawm Ua Vajtswv Tes Num:

      Lub Ntsiab Rau Hli No: “Ua timkhawv txog txoj xov zoo” rau ib zeej tsoom sawvdaws.​—Ttx. 20:24.

      Hu zaj nkauj 45

      10 feeb: Povlauj Thiab Nws Cov Kwvluag Ua Timkhawv Rau Sawvdaws Hauv Lub Moos Filipi. Lus qhuab qhia thiab lus teb. Nyeem Tubtxib Tes Haujlwm 16:11-15. Tham seb cov nqe Vajlugkub no pab tau peb tes num uas peb ua rau Vajtswv li cas.

      20 feeb: “Siv Phau Xov Zoo Los Qhia.” Lus nug thiab lus teb. Tom qab tham tas nqe 3, kom ib tug tshaj tawm ua ib qho yeeb yam tseb phau Xov Zoo thiab tham ib nqes hauv phau ntawv ntawd nrog tus tswv tsev.

      Hu zaj nkauj 37 thiab thov Vajtswv

  • Siv Phau Xov Zoo Los Qhia
    Daim Tes Num—2015 | Lub 9 Hlis Ntuj

    • 1. Tau muab phau Xov Zoo sau zoo li cas xwb?

      1 Daim Tes Num Rau Lub Nceeg Vaj rau lub 7 Hli tham txog tej twj peb siv ua Vajtswv tes num. Ib yam ntawm cov twj ntawd yog phau Vajtswv Muaj Xov Zoo Rau Peb! Yuav tau nthuav phau Vajlugkub los nyeem cov nqe Vajlugkub uas nyob hauv phau ntawv no. Ua li no cov tswv tsev thiaj pom tias tej uas lawv kawm yog los hauv phau Vajlugkub los tiag. Peb tej ntaub ntawv ntau phau yog sau los kom leejtwg nyeem los tus ntawd nkag siab, tiamsis phau no yuav tsum muaj tus qhia tus kawm thiaj nkag siab. Yog li ntawd, thaum peb tseb phau Xov Zoo, zoo rau peb kawm ib nqes ua qauv qhia tus tswv tsev kom nws pom tias kawm txoj xov zoo hauv phau Vajlugkub mas zoo tshaj plaws li!​—Mth. 13:44.