Koj Yuav Npaj Li Cas Rau Hmo Ua Kevcai Nco Txog Yexus?

Pib xyoo no mus, sijhawm yuav hloov rau tej kev sib txoos rau lub lim tiam ua kevcai nco txog Yexus kom sawvdaws thiaj muaj sijhawm npaj. Yog hmo ntawd poob rau Hnub 1 mus rau Hnub 5, ces yuav tsis muaj kev sib txoos rau txojkev kawm Lub Neej Thiab Tes Haujlwm. Tiamsis yog hmo ntawd poob rau Hnub 6 lossis Hnub 7, ces yuav tsis muaj mloog zaj lus qhuab qhia thiab kawm phau Tsom Faj. Yog li, koj puas yuav siv lub sijhawm hloov no kom muaj nuj nqes? Nyob thawj 100 xyoo, cov ntseeg tau npaj ntau yam rau hmo ntawd. (Lk. 22:7-13; km 3/15 1) Niaj hnub no los, peb yuav tau npaj rau hmo ntawd thiab. Ua li peb yuav npaj li cas?

• Ua tib zoo xav seb vim li cas tseem ceeb rau koj mus koom hmo ntawd.​—1Khl. 11:23-26

• Thov Vajtswv thiab ua tib zoo xav txog koj txojkev sib raug zoo nrog Yehauvas.​—1Khl. 11:27-29; 2Khl. 13:5

• Nyeem tej nqe Vajlugkub thiab tej ntaub ntawv txog lub caij ua kevcai nco txog Yexus thiab muab coj los ua tib zoo xav.​—Yh. 3:16; 15:13

Cov kwvtij nkauj muam ib txhia nyeem cov nqe Vajlugkub uas tau teem tseg rau lub caij ua kevcai nco txog Yexus hauv phau Niaj Hnub Tshawb Nrhiav Phau Vajlugkub. Ib txhia ho nyeem raws li qhia tseg nram qab no. Muaj dua ib txhia nyiam muab tej zaj txog hmo ntawd hauv phau Tsom Faj coj los ua tib zoo nyeem thiab xav seb Yehauvas thiab Yexus nkawd hlub peb tibneeg npaum li cas. Txawm koj yuav npaj li cas los xij, tso siab tias yuav pab koj txav ze rau Yehauvas thiab nws tus Tub.