Cov Pojniam Txojkev Ntseeg

1. Coob tus pojniam nyob rau hauv Vajtswv Txojlus,

Yeej hlub tshua lawv tsev neeg thiab txhua leej txhua tus.

Txawm ib txhia pojniam no tsis muaj suab muaj npe,

Los Vajtswv Yehauvas haj tseem nco ntsoov nej.

Cov pojniam no txojkev ntseeg yeej loj heev.

Cia li nco ntsoov xyaum cov pojniam no txojkev ntseeg.

2. Lawv muaj tus xeeb ceem, kev hlub, siab dawb siab zoo,

Ib tiam dhau tiam neeg yeej cav lawv ua ntshoo nrooj.

Kav tsij khaws tseg tej pojniam no tej yam ntxwv,

Thiab muab khaws tseg rau hauv nej lub siab lub ntsws.

Nej yuav tau nco ntsoov lawv txhua tus txiaj ntsig,

Nyob hauv nej nruab siab mus kom tag ib txhiab ib txhis.

3. Cov pojniam no tsis hais tus laus los tus hluas,

Puav leej coj lub neej xoos txhua leej txhua tus qhuas.

Lawv yeej mloog lus thiab thev taus ib puas tsav yam,

Vajtswv twb pom tag thiab nws yeej txaus siab tshaj.

Thov Yehauvas nrog nraim nej txoj hau kev,

Kom nej ua lub neej nyob luag ntxhi lawm yav tom ntej.