Vajtswv Lub Ntsiab Rau Peb Yog Dab Tsi?

Phau Vajlugkub qhia tias tib neeg “ua neej nyob tsis ntev thiab niaj hnub muaj kev ntxhov siab.” (Yauj 14:1) Puas yog Vajtswv yeej xav kom peb lub neej zoo li no? Yog tias tsis yog, ces Vajtswv lub ntsiab rau peb ho yog dab tsi? Puas yuav muaj tau li ntawd tiag? Mus saib seb phau Vajlugkub teb li cas.

1. Yehauvas xav kom peb muaj lub neej zoo li cas?

Yehauvas xav kom peb muaj lub neeg zoo tshaj plaws. Thaum nws tsim thawj nkawm niam txiv, Adas thiab Evas, nws muab nkawd tso rau hauv ib lub vaj zoo nkauj heev hu ua lub vaj Edees. Ces “Vajtswv foom koob hmoov rau nkawd thiab hais tias, ‘Neb cia li muaj tub muaj ki kom coob, neb tej xeebntxwv yuav huamvam mus nyob thoob plaws txhua qhov chaw kom puv ntiajteb thiab lawv yuav kav tagnrho lub ntiajteb.’” (Chivkeeb 1:28) Yehauvas xav kom nkawd muaj tub muaj ki, muab tag nrho lub ntiaj teb ua lub vaj kaj siab, thiab saib xyuas tej tsiaj txhu. Nws lub ntsiab rau txhua tus tib neeg yog kom ua lub neej tsis muaj mob muaj nkeeg thiab nyob mus ib txhis.

Txawm niaj hnub no peb lub neej tsis zoo li thaum chiv keeb lawm los,a Vajtswv lub ntsiab tsis tau hloov. (Yaxaya 46:10, 11) Nws tseem xav kom cov neeg uas mloog lus tau lub neej zoo kawg nkaus thiab nyob mus ib txhis.​—Nyeem Tshwmsim 21:3, 4.

2. Yuav ua li cas peb thiaj ua tau lub neej muaj hauv paus hauv ntsis tam sim no?

Vajtswv Yehauvas tsim peb kom peb “yuav tsum vam khom” nws. (Nyeem Mathais 5:3-6.) Vim li ntawd peb thiaj muaj lub siab xav los paub thiab teev tiam nws. Nws xav kom peb muaj ib txoj kev sib raug zoo nrog nws, “ua raws li nws tej lus txhua lo,” hlub nws, thiab pe hawm nws “kawg siab kawg ntsws.” (2 Kevcai 10:12; Phau Ntawv Nkauj 25:14) Thaum peb ua li ntawd, peb yeej muaj tau kev zoo siab tiag tab txawm peb muaj teeb meem ntau yam. Thaum peb pe hawm Yehauvas, peb lub neej yeej muaj hauv paus hauv ntsis vim peb ua peb lub neej raws li Vajtswv siab nyiam.

3. Yehauvas muaj ib lub ntsiab zoo heev rau tib neeg

Saib zaj YEEB YAJ KIAB, thiab tham txog lo lus no.

YEEB YAJ KIAB: Vajtswv Tsim Lub Ntiaj Teb Ua Dab Tsi?​—Saib Ib Vuag (1:41)

• Vim li cas Vajtswv thiaj tsim lub ntiaj teb?

Nyeem Laj Lim Tswvyim 3:11, thiab tham txog lo lus no:

• Qhov no qhia li cas rau koj txog Yehauvas?

4. Yehauvas lub ntsiab tsis tau hloov

Nyeem Phau Ntawv Nkauj 37:11, 29 thiab Yaxaya 55:11, thiab tham txog lo lus no:

• Ua li cas peb thiaj paub tias Yehauvas lub ntsiab rau peb tseem tsis tau hloov?

5. Thaum peb pe hawm Yehauvas, peb lub neej yeej muaj hauv paus hauv ntsis

YEEB YAJ KIAB: Kuv Kawm Tau Lub Ntsiab Rau Lub Neej (5:03)

• Qhov uas Talumis (Terumi) kawm tau lub ntsiab rau lub neej pab tau nws li cas?

Nyeem Tej Lus Qhia 12:13, thiab tham txog lo lus no:

• Vim Yehauvas tau ua ntau yam rau peb, peb yuav qhia li cas tias peb nco nws txiaj ntsig?

KOJ KAWM TAU DAB TSI

Yehauvas xav kom peb muaj lub neej zoo kawg nkaus thiab nyob mus ib txhis hauv ntiaj teb. Yog peb pe hawm nws kawg siab kawg ntsws ces peb lub neej yeej yuav muaj hauv paus hauv ntsis.

Rov Tham Dua

• Yehauvas lub ntsiab rau Adas thiab Evas nkawd yog dab tsi?

• Ua cas peb thiaj paub tias Vajtswv lub ntsiab rau neeg tsis tau hloov?

• Koj yuav ua cas nrhiav tau lub neej muaj hauv paus hauv ntsis?

TSHAWB NTXIV

Mus kawm txog tej pov thawj uas qhia tias yeej muaj lub vaj Edees tiag.

“Lub Vaj Edees Yog Dab Neeg Los Muaj Tiag?” (Phau Tsom Faj lub 1 Hlis tim 1 xyoo 2011)

Mus kawm seb vim li cas peb thiaj ntseeg tau tias lub ntiaj teb yuav nyob mus ib txhis.

“Lub Ntiaj Teb Puas Yuav Raug Puam Tsuaj?” (Nyeem hauv jw.org/hmn)

Tshuaj seb phau Vajlugkub hais li cas txog lub neej uas muaj hauv paus hauv ntsis.

“Vim Li Cas Ho Muaj Tib Neeg?” (Nyeem hauv jw.org/hmn)

Mus saib seb ib tug txiv neej uas xav tias nws twb muaj txhua yam lawm ho nrhiav tau yam uas nws tu ncua li cas.

Tam Sim No Kuv Ua Lub Neej Muaj Hauv Paus Hauv Ntsis Lawm (3:55)