Vajtswv Puas Yog Vaj Peb Leeg?

Phau Vajlugkub qhia li no

Muaj ntau pawg ntseeg qhia tias Vajtswv yog Vaj Peb Leeg. Txawm li ntawd los, phau ntawv the Encyclopædia Britannica hais tias: “Phau Vajlugkub tsis qhia tsi ntsees txog Vaj Peb Leeg, thiab lo no yeej tsis muaj nyob hauv phau Vajlugkub . . . Ib tiam dhau ib tiam tibneeg kuj pib ntseeg zuj zus tias Vajtswv yog Vaj Peb Leeg, tiamsis lawv nyias piav nyias zaj tsis sib koom siab.”

Qhov tseeb tiag, hauv phau Vajlugkub tsis muaj ib nqe twg qhia tias Vajtswv yog Vaj Peb Leeg. Ua li Vajlugkub qhia li cas txog Vajtswv:

“Tsuas yog Yehauvas tib leeg xwb, thiaj yog peb tus Vajtswv.”​—2 Kevcai 6:4, New World Translation.

“Koj tib leeg thiaj yog Yehauvas, thiab yog tus muaj hwjchim loj kawg nkaus uas kav lub ntiajteb no.”​—Phau Ntawv Nkauj 83:18, New World Translation.

“Txojsia ntev dhawv mus ibtxhis ntawd yog qhov uas lawv paub koj thiab paub hais tias koj tib leeg thiaj yog Vajtswv thiab paub Yexus Khetos tus uas koj txib los.”​—Yauhas 17:3.

“Muaj tib tug Vajtswv xwb.”​—1 Timautes 2:5.

Txawm cov nqe Vajlugkub qhia li ntawd los, vim li cas cov ntseeg feem coob hais tias Vajtswv ho yog Vaj Peb Leeg? Ua li puas muaj li lawv ntseeg ntawd?