Gima Kohorona INTANET LAIBRI

Gima Kohorona INTANET LAIBRI

Esodo 9:14

Nega Matamata Trensleisen Ena Buka Helaga
- 14 Badina hari lau ese oi, emu hesiai taudia, bona emu taunimanima latanai hisihisi ibounai lau havaraia, unai amo do oi diba tanobada ibounai dekenai ta be lau bamona lasi.+

Esodo 15:11

Nega Matamata Trensleisen Ena Buka Helaga
- 11 Iehova e, dirava idauidau edia huanai, daika be oi bamona?+
  
  Oi be helaga herea momokani, daika be oi bamona?+
  
  Taunimanima ese idia gari henia bona hanamoa Diravana, hoa kara badadia karaia Diravana.+

Salamo 83:18

Nega Matamata Trensleisen Ena Buka Helaga
- 18 Namona be taunimanima do idia diba, oiemu ladana be Iehova,+
  Oi sibona be tanobada ibounai ena Ataiai Momokani Diravana, tanobada ibounai oi lohiaia noho.+

Salamo 86:8

Nega Matamata Trensleisen Ena Buka Helaga
- 8 Iehova e, dirava idauidau huanai ta be oi bamona lasi,+
  Idia karaia karadia be oi karaia karadia hegeregerena lasi.+

Isaia 46:9

Nega Matamata Trensleisen Ena Buka Helaga
- 9 Gunaguna idia vara gaudia umui laloatao,
  Lau be Dirava, bona ma ta be lasi.
  
  Oibe, lau be Dirava, bona ta be lau bamona lasi.+

Ieremia 10:6, 7

Nega Matamata Trensleisen Ena Buka Helaga
- 6 Iehova e, oi hegeregerena ta ia noho lasi.+
  
  Oi be Dirava badana, bona emu ladana be herea bona mai ena siahu.
  
  7 Bese idauidau edia King e,+ taunimanima ibounai ese oi idia gari henia be namo,
  Badina bese idauidau edia aonega taudia huanai bona edia basileia lalonai,
  Oi hegeregerena ta ia noho lasi.+

Roma 9:17

Nega Matamata Trensleisen Ena Buka Helaga
- 17 Toretore Helagadia lalonai Dirava be Farao dekenai ia gwau: “Inai badina dainai oiemu mauri lau kokia lasi, vadaeni oi dekenai egu siahu do lau hahedinaraia bona egu ladana be tanobada ibounai dekenai do idia gwauraia.”+