17 Gabeai aniani boubou ia mailaia,+ bena aniani boubou haida be ena imana amo ia abia bona boubou patana latanai ia gabua, bena ena kwalahu ia daekau. Unai boubou be daba ai ia henia gabua boubou latanai ia gabua.+

2 “Israela taudia oi hamaoroa, ‘Umui dekenai do lau henia tanona dekenai umui ginidae neganai,+ 3 boromakau eiava mamoe orea amo animal ta be lahi boubou totona umui henia Iehova dekenai, herevana ia be gabua boubou+ eiava gwauhamata ta hagugurua totona eiava harihari boubou+ eiava aria negadiai umui henia boubou,+ to unai boubou be Iehova dekenai bonana namo gaudia ai idia lao totona,+ 4 namona be boubou gauna ia henia tauna ese Iehova dekenai aniani boubou ia henia danu, unai be paraoa namona+ ifa ta ena 10 pesen* bona oela hin ta* ida ia mikisia gauna.