2 Bena Arona ena natudia, hahelaga taudia unai, dekenai do ia mailaia, bona hahelaga tauna ese ena imana amo paraoa namona, oela, bona ena frenkinsens ibounai do ia abia bona boubou patana latanai do ia gabua, bena ena kwalahu do ia daekau, Dirava ese mai lalonamo ida unai boubou gauna ibounai ia laloatao totona.+ Unai be lahi boubou, bonana namo gauna Iehova dekenai.

11 “‘To bema ia hegeregere lasi kerea manu rua eiava pune manu natudia rua ia henia, namona be ena kara dika totona paraoa namona ifa ta* ena 10 pesen do ia henia,+ kara dika boubou totona. Ia ese oela eiava frenkinsens* be paraoa dekenai do ia atoa lasi, badina unai be kara dika boubouna. 12 Ia ese hahelaga tauna dekenai paraoa do ia mailaia, bona hahelaga tauna ese ena imana amo paraoa sisina do ia abia. Bona boubou patana latanai Iehova dekenai idia henia lahi boubou ida do ia gabua hebou, bena ena kwalahu do ia daekau, Dirava ese mai lalonamo ida unai boubou gauna ibounai ia laloatao totona. Unai be kara dika boubou.