38 “Boubou patana dekenai do oi bouboulaia gaudia be inai: Dina ta ta ai mauri lagani tamona mamoe memero rua oi henia noho.+ 39 Mamoe natuna mero ta be daba ai oi henia bona ma ta be dina ena diho ai oi henia.+ 40 Oi ese paraoa namona ifa ta* ena 10 pesen oi abia bona 25 pesen hin* olive oela goevana ida oi mikisia, bona wain boubou ena wain, 25 pesen hin gauna, unai be mamoe natuna mero ginigunana ida oi henia. 41 Dina ena diho ai, mamoe natuna mero iharuana do oi henia, bona ia ida aniani boubou bona wain boubou do oi henia, daba ai oi henia gaudia hegeregerena. Unai be bonana namo gauna bamona do oi henia, lahi boubou Iehova dekenai.

4 Mamoe natuna mero ta be daba ai do umui henia, bona ma ta be dina ena diho ai do umui henia.+ 5 Bona idia be paraoa namona ifa ta ena 10 pesen* ida do umui henia, hin ta* ena 25 pesen olive oela goevana ida idia mikisia gauna, ia be aniani boubou bamona do umui henia.+ 6 Inai gabua boubou be hanaihanai umui henia gauna,+ unai be Sinai Ororo dekenai ia matamaia, ia be bonana namo lahi boubou Iehova dekenai.