28 Israela bese ibounai be Iehova ena Taravatu Maua idia abia daekau,+ mai moale ida idia boiboi, kibi idauidau idia hiriria,+ simbol, miusiki gaudia mai edia varo bona hap idia gadaralaia.+

12 Levi iduhu ena ane abia taudia ibounai,+ idia be Asapa,+ Hemana,+ Iedutunu+ bona edia natudia memero bona edia tadikaka ese idia gunalaia, idia be dabua namo hereadia idia karaia, simbol,* miusiki gaudia mai edia varo, bona hap* idia dogoatao. Idia be boubou patana ena ist kahanai idia gini, bona idia ida be hahelaga taudia 120, idia danu be kibi idia hiriria.+

6 Hahelaga taudia be edia gabu ai idia gini noho, bona Levi taudia be miusiki gaudia idia gadaralaia, Iehova dekenai ane idia abia totona.+ (King Davida ese unai miusiki gaudia ia karaia idia* ida Iehova dekenai tanikiu ane idia abia totona, “badina ena lalokau be ia noho hanaihanai.”) Bona Israela taudia ibounai idia gini noho lalonai, hahelaga taudia be edia vairanai kibi idia hiriria badabada.+

10 Ruma haginia taudia ese Iehova ena dubu helaga ena badina idia karaia haorea neganai,+ dubu ena dabua idia karaia hahelaga taudia mai edia kibi+ bona Asapa ena bese taudia, Levi taudia unai, be mai edia simbol* bamona gaudia ida idia gini, Iehova idia hanamoa totona, Davida, Israela ena king ese ia henia oda hegeregerena.+