15 “To bema Iehova emui Dirava umui kamonai henia lasi, bona iena oda hereva bona taravatu ibounai, hari dina umui dekenai lau henia gaudia unai, umui badinaia namonamo lasi, vadaeni inai dika ibounai be emui latanai do idia mai:+

23 Umui ataiai ia noho guba be kopa ai do ia lao, bona umui henunai ia noho tano be auri ai do ia lao.+

35 “Bema idia be oi dekenai idia kara dika noho dainai+ guba ia koua bona medu ia diho lasi,+ bona inai gabu idia vaira henia bona idia guriguri bona emu ladana idia hanamoa bona idia oi hahisia dainai edia kara dika amo idia helalo-kerehai,+ 36 mani emu hesiai taudia, Israela taudia unai, be guba amo oi kamonai henia bona edia kara dika oi gwauatao, bona idia oi hadibaia+ dala namona dekenai idia raka totona. Bona emu tano, emu taunimanima dekenai oi henia tanona unai, latanai medu oi siaia.+

13 Guba lau koua bona medu ia diho lasi bona kwadi lau oda henia tano idia hadikaia totona bona egu taunimanima huanai gorere lau havaraia neganai, 14 bona bema egu ladana idia abia taudia+ be idia manau+ bona idia guriguri bona lau idia tahua bona edia kara dikadia amo idia giroa,+ vadaeni guba amo idia do lau kamonai henia bona edia dika do lau gwauatao bona edia tano do lau hanamoa lou.+