1 Parasa ena king, Kurese ena lohia lagani ginigunana ai,+ Iehova ese Parasa ena king, Kurese ena lalona ia veria ena basileia ibounai dekenai hereva ta ia siaia totona, unai amo Iehova ese Ieremia amo ia gwauraia herevana do ia guguru,+ unai hereva be revareva ai ia torea danu,+ ia gwau:

2 “Parasa ena king, Kurese be inai bamona ia hereva, ‘Guba ena Dirava, Iehova be lau dekenai tanobada ena basileia ibounai ia henia,+ bona lau ia oda henia ia totona Ierusalema ai ruma ta do lau haginia,+ unai be Iuda dekenai. 3 Umui huanai idia noho taudia, Dirava ena taunimanima ibounai unai, be Ierusalema dekenai do idia lao, unai be Iuda dekenai, bona edia Dirava be idia ida do ia noho. Idia be do idia daekau lao Israela ena Dirava momokanina Iehova ena ruma Ierusalema ai idia haginia lou totona.*