Gima Kohorona INTANET LAIBRI

Gima Kohorona INTANET LAIBRI

Iobu 5:10

Nega Matamata Trensleisen Ena Buka Helaga
- 10 Ia ese tano dekenai medu ia hadihoa,
  Bona uda gabudia dekenai ranu ia siaia lao.

Iobu 26:8

Nega Matamata Trensleisen Ena Buka Helaga
- 8 Ia ese ori lalonai ranu ia haboua namonamo,+
  Unai amo ranu ena metau ese ori idia hamakohia lasi.

Iobu 37:10

Nega Matamata Trensleisen Ena Buka Helaga
- 10 Dirava ena hahodi amo aisi ia vara,+
  Bona ranu ibounai be aisi aukadia ai idia lao.+

Salamo 135:7

Nega Matamata Trensleisen Ena Buka Helaga
- 7 Tanobada ena gabu daudau amo ia ese ori ia mailaia.
  Ia ese kevaru* ia karaia medu totona,
  Bona lai ia haboua gabuna amo ia ese lai ia mailaia.+

Aonega Herevadia 30:4

Nega Matamata Trensleisen Ena Buka Helaga
- 4 Daika be guba dekenai ia daekau bona ia diho mai vadaeni?+
  
  Daika be ena imana rua amo lai ia haboua vadaeni?
  
  Daika be ena dabua amo davara ena ranu ia kumia vadaeni?+
  
  Daika ese tanobada ena kahana ibounai ia haginia vadaeni?+
  
  Iena ladana bona ena natuna mero ena ladana oi diba, a?

Isaia 40:12

Nega Matamata Trensleisen Ena Buka Helaga
- 12 Daika be ena imana ai davara ena ranu ibounai ia haboua diba?+
  
  Daika be ena imana* amo guba ena bada ia hahetohoa diba?
  
  Daika ese sikele ai tano ena kahu ia haboua?+
  
  Eiava daika ese ororo badadia bona ororo maragidia edia metau
  Be sikele ai ia sikelea diba?