• Deuteronomi 4:34
    Nega Matamata Trensleisen Ena Buka Helaga

    • 34 Eiava Dirava be nega ta bese ta huana amo bese ma ta be ia sibona totona ia abia, a? Bona unai bese ia abia totona, ia ese hahemaoro karadia, toa bona hoa karadia,+ bona tuari ia havaraia,+ bona siahu bada+ bona goada bada ia hahedinaraia, bona gari kara badadia ia karaia,+ Iehova emui Dirava ese emui matanai umui totona Aigupito dekenai ia karaia bamona, a?

  • Nehemia 9:10
    Nega Matamata Trensleisen Ena Buka Helaga

    • 10 Bena oi diba Farao bona ena hesiai taudia ibounai bona ena tano ai idia noho taudia ibounai ese emu taunimanima idia hahisia bada dainai,+ oi ese idia dekenai toa bona hoa karadia oi karaia.+ Unai dainai emu ladana idia hanamoa ema bona hari.+

  • Salamo 105:27-36
    Nega Matamata Trensleisen Ena Buka Helaga

    • 27 Idia ese taunimanima huanai Dirava ena toa idauidau idia hahedinaraia,

      Hamo tanona ai hoa karadia idia karaia.+

      28 Dirava ese Aigupito dekenai dibura ia mailaia,+

      Idia ruaosi be iena hereva idia badinaia.

      29 Ia ese edia ranu gabudia be rara ai ia halaoa

      Bona edia gwarume ia hamasedia.+

      30 Edia tano be paroparo ese ia hahonua,+

      King ena ruma lalonai danu.

      31 Ia ese lao momo herea ia oda henia unai tano hadikaia totona

      Bona edia tano ibounai be nemo ese idia hahonua.+

      32 Ia ese medu be aisi nadi ai ia halaoa

      Bona edia tano ai kevaru* ia siaia.+

      33 Ia ese edia vain bona fig audia ia hadikaia

      Bona edia tano ibounai ena au idauidau danu.

      34 Ia gwau kwadi oreana ese tano do idia hadikaia be namo,

      Oibe, kwadi maragidia be momo herea.+

      35 Idia ese tubutubu gaudia idia ania ore,

      Bona tano ena aniani idia hadikaia.

      36 Bena edia tano ai ia ese edia natudia ginigunadia ia hamasea,+

      Edia vara guna natudia unai.