42 Iesu be idia dekenai ia gwau: “Toretore Helagadia umui duahia lasi, a? Ia gwau, ‘Ruma haginia taudia ese idia dadaraia nadina be kona nadi badana ai ia lao.+ Unai be Iehova* ena amo ia vara, bona iseda matana ai ia be gau namo hereana.’+

44 Danu, unai nadi latanai ia moru tauna be dika bada do ia davaria.+ To bema unai nadi be tau ta latanai ia moru, unai tauna do ia hapatakaia.”+

17 To idia ia itaia bona ia gwau: “Vadaeni Toretore Helagadia ai ia noho hereva ena anina be dahaka? Ia gwau: ‘Ruma haginia taudia ese idia dadaraia nadina be kona nadi badana ai ia lao.’+ 18 Unai nadi latanai idia moru taudia ibounai be dika bada do idia davaria.+ To bema unai nadi be tau ta latanai ia moru, unai tauna do ia hapatakaia.”

31 To ena be Israela taudia be kara maoromaoro ena taravatu idia badinaia toho, to idia ese taravatu idia hagugurua lasi. 32 Dahaka dainai? Badina idia laloa edia kara amo idia be kara maoromaoro taudia ai do idia lao, to abidadama amo lasi. Idia be “hahekwakwanaia nadi” dekenai idia hekwakwanai,+ 33 Toretore Helagadia ia gwau bamona: “Siona dekenai hahekwakwanaia nadi+ bona hamorua nadi badana lau atoa, to ia dekenai ia abidadama tauna be do ia lalohisihisi lasi.”+

23 To ita ese Keriso be au dekenai idia kokoa kau ena sivarai ita harorolaia. Iuda taudia dekenai unai idia abia dae be auka,* bona idau bese taudia dekenai unai be kavakava gauna.+

7 Umui be abidadama taudia dainai, umui dekenai ia be dava bada gauna. To abidadama lasi taudia dekenai, ia be unai bamona lasi, Toretore Helagadia ia gwau: “Ruma haginia taudia ese idia dadaraia nadina+ be kona nadi badana ai ia lao,”+ 8 bona ia be “hahekwakwanaia nadi bona hamorua nadi badana.”+ Idia hekwakwanai badina idia ese Dirava ena hereva idia badinaia lasi. Unai bamona taudia dekenai unai do ia vara.