• Isaia 1:23
    Nega Matamata Trensleisen Ena Buka Helaga

    • 23 Emui lohia taudia be idia kwara auka bona henaohenao taudia idia bamoa.+

      Idia ibounai be laloani moni idia ura henia bona harihari gaudia idia tahua.+

      Tamana lasi natudia* dekenai kota maoromaoro idia karaia lasi,

      Bona kota dekenai vabu ena hereva idia kamonai henia lasi.+

  • Ieremia 5:26-28
    Nega Matamata Trensleisen Ena Buka Helaga

    • 26 Egu taunimanima huanai kara dika tatau idia noho.

      Idia be do idia tarapua taudia idia naria noho, tau ta be manu tarapua totona ia naria bamona.

      Idia ese ta ia hamasea diba tarapu idia atoa,

      Taunimanima idia tarapua totona.

      27 Magu ta be manu amo ia honu hegeregerena,

      Edia ruma be koikoi karadia amo ia honu.+

      Unai dainai idia be siahu bona taga taudia ai idia lao.

      28 Edia tauanina ia bada bona toana be namo,

      Idia be kara dika amo idia honu.

      Kota ai tamana lasi natudia idia durua lasi,+

      Unai amo idia kwalimu diba,

      Bona ogogami taudia totona kota maoromaoro idia karaia lasi.’”+

  • Mika 2:1, 2
    Nega Matamata Trensleisen Ena Buka Helaga

    • 2 “Kara dika totona palani idia karaia taudia be dika do idia davaria,

      Edia mahuta patana ai palani idia karaia!

      Daba ia rere neganai kara dika idia karaia,

      Badina idia hegeregere unai idia karaia totona.+

       2 Tano idia ura henidia bona idia dadia,+

      Ruma danu idia ura henidia, bona idia dadia,

      Tau ta idia koia bona ena ruma idia abia,+

      Bona tau ta ena ahuna idia henaoa.