• 2 King Taudia 25:8-10
    Nega Matamata Trensleisen Ena Buka Helaga

    • 8 Hua namba 5 ena dina namba 7, unai be Babulonia ena king, Nebukanesa, ena lohia lagani namba 19 ai, gima taudia edia biaguna, Nebusaradana,+ Babulonia ena king ena hesiai tauna be Ierusalema dekenai ia lao.+ 9 Ia ese Iehova ena ruma,+ king ena ruma,+ bona Ierusalema taudia ibounai edia ruma ia gabua.+ Danu, ia ese ladana bada taudia ibounai edia ruma ia gabua.+ 10 Bona gima taudia edia biaguna ida idia mai Kaledea tuari taudia ibounai ese Ierusalema ia hagegea magu idia hadikaia.+

  • 2 Sivarai 34:24, 25
    Nega Matamata Trensleisen Ena Buka Helaga

    • 24 “Iehova be inai bamona ia hereva, ‘Lau ese inai gabu bona iniseni idia noho taudia dekenai dika do lau mailaia,+ Iuda ena king ena vairanai buka ai idia duahia herevadia ibounai be do ia guguru.+ 25 Badina idia ese lau idia rakatania+ bona dirava ma haida dekenai boubou gaudia edia kwalahu idia karaia noho, unai amo edia imana amo idia karaia gaudia ibounai amo lau idia habadua noho,+ inai gabu dekenai egu badu do ia bada noho bona ta ese do ia koua lasi.’”+

  • 2 Sivarai 36:16, 17
    Nega Matamata Trensleisen Ena Buka Helaga

    • 16 To idia ese Dirava momokanina ena gwaukau taudia idia kirikirilaia noho,+ bona ena hereva idia abia dae lasi+ bona ena peroveta taudia idia hevasehalaia+ ela bona hanamoa dalana be lasi. Bena Iehova ena badu be ena taunimanima latanai ia diho.+

      17 Vadaeni Dirava ese Kaledea edia king ia gaukaralaia idia ia tuari henia totona,+ unai king ese tatau matamatadia be dubu helaga lalonai tuari kaia amo ia hamasea.+ Memero matamatadia eiava kekeni matamatadia, bona buruka eiava gorere taudia ia hebogahisi henia lasi.+ Dirava ese gau ibounai be ena imana dekenai ia atoa.+