• Ieremia 8:1, 2
    Nega Matamata Trensleisen Ena Buka Helaga

    • 8 Iehova ia gwau: “Unai nega ai, Iuda ena king taudia edia turia, lohia taudia edia turia, hahelaga taudia edia turia, peroveta taudia edia turia, bona Ierusalema taudia edia turia be guria gabudia amo do idia kokia. 2 Unai turia ibounai be tano dekenai idia atoa, dina, hua, bona hisiu* ibounai henunai, idia ese unai gaudia idia ura henia, idia hesiai henia, idia badinaia, edia heduru idia tahua bona idia tomadiho henia.+ Unai turia do idia haboudia lou lasi, eiava do idia guria lou lasi. Idia be kukuri bamona tano latanai do idia noho.”+

  • Sefanaia 1:4, 5
    Nega Matamata Trensleisen Ena Buka Helaga

    •  4 “Lauegu imana do lau abia isi Iuda besena lau hadikaia totona

      Bona Ierusalema ai idia noho taudia danu,

      Bona lau ese inai gabu amo Bala idia tomadiho henia karadia ibounai do lau haorea momokani,+

      Dirava idaudia idia tomadiho henia hahelaga taudia edia ladana, bona kaivakuku idia tomadiho henia hahelaga taudia do lau hamasea ore,+

       5 Bona guhi ataiai amo guba ai idia noho gaudia ibounai* dekenai idia tui diho taudia,+

      Bona idia gwauhamata Iehova do idia badinaia bona tomadiho henia,+

      To Malikama ena ladana ai gwauhamata idia karaia taudia danu.+