SIVARAI GINIGUNANA

5 Iapeta ena natudia memero be Gomere, Magoga, Madai, Iavana, Tubala,+ Meseka,+ bona Tirasi.+

6 Gomere ena natudia memero be Asakena, Ripata, bona Togarama.+

7 Iavana ena natudia memero be Elisa, Tarasisi, Kitima, bona Rodanima.

8 Hamo ena natudia memero be Kusu,+ Misraim, Putu, bona Kanana.+

9 Kusu ena natudia memero be Seba,+ Havila, Sabata, Ramaha,+ bona Sabateka.

Ramaha ena natudia memero be Sieba bona Dedana.+

10 Kusu be Nimiroda+ ena tamana. Bona Nimiroda be tanobada ena siahu bada tauna ginigunana.

11 Misraim amo idia vara natudia be Ludima,+ Anamima, Lehabima, Napatuhima,+ 12 Patarusima,+ Kasaluhima, (ia amo Filistia taudia+ idia vara), bona Kapitorima.+

13 Kanana ena vara guna natuna be Sidono,+ bona Sidono murinai be Heta,+ 14 Kanana ena bese taudia be Iebusu taudia,+ Amoro taudia,+ bona Girigasa taudia,+ 15 Hivi taudia,+ Araka taudia, Sini taudia, 16 Aravada taudia,+ Semara taudia, bona Hamata taudia.

18 Apasada be Selaha+ ena tamana, bona Selaha be Ebere ena tamana.

19 Ebere ena natudia memero be rua. Ta ena ladana be Pelega,*+ badina ia mauri negana lalonai taunimanima idia noho hebou lasi, idia be gabu idauidau dekenai idia noho. Ena tadina ena ladana be Iokatana.

20 Iokatana amo idia vara natudia be Alamodada, Selepe, Hasaramaveta, Iera,+ 21 Hadorama, Usala, Dikila, 22 Obala, Abimaela, Sieba, 23 Opiri,+ Havila,+ bona Iobaba. Idia ibounai be Iokatana ena natudia memero.

28 Aberahamo ena natudia memero be Isako+ bona Isamaela.+

29 Inai be edia famili ta ta edia ladadia hegeregerena: Isamaela ena vara guna natuna be Nebaioto+ bona ia murinai be Kedara,+ Adabela, Mibisama,+ 30 Misima, Duma, Masasa, Hadada, Tema, 31 Ieturu, Napisi, bona Kedema. Unai be Isamaela ena natudia memero.

32 Aberahamo ena hahine ma ta, Ketura,+ ese Simurana, Iokosana, Medana, Midiana,+ Isabaka, bona Suhi+ ia havaraia.

Iokosana ena natudia memero be Sieba bona Dedana.+

33 Midiana ena natudia memero be Epa,+ Epere, Hanoka, Abida, bona Eledaha.

Idia ibounai be Ketura ena tubudia.

34 Aberahamo ena natuna be Isako.+ Isako ena natudia memero be Esau+ bona Israela.+

35 Esau ena natudia memero be Elipasa, Reuele, Ieusu, Ialama, bona Kora.+

36 Elipasa ena natudia memero be Temana,+ Omara, Sefo, Gatama, Kenasa, Timuna, bona Amaleka.+

37 Reuele ena natudia memero be Nahata, Sera, Samaha, bona Misa.+

38 Seiri+ ena natudia memero be Lotana, Sobala, Sibeona, Anaha, Disona, Esere, bona Disana.+

39 Lotana ena natudia memero be Hori bona Homama. Lotana ena taihuna be Timuna.+

40 Sobala ena natudia memero be Alavana, Manahata, Ebala, Sepo, bona Onama.

Sibeona ena natudia memero be Aia bona Anaha.+

41 Anaha ena natuna mero be Disona.

Disona ena natudia memero be Hemudana, Esebana, Itirana, bona Kerana.+

42 Esere+ ena natudia memero be Bilahana, Savana, bona Iakana.

Disana ena natudia memero be Usu bona Arana.+

43 King ta ese Israela taudia* ia do lohiaia lasi neganai,+ inai king taudia be Edoma tanona+ ai idia lohia. Beoro ena natuna Bela be Edoma ai ia lohia. Iena siti ena ladana be Dinihaba. 44 Bela ia mase neganai, Bosera+ tauna Sera ena natuna, Iobaba, ia lohia matamaia. 45 Iobaba ia mase neganai, Temana bese tauna, Husama, ia lohia matamaia. 46 Husama ia mase neganai, Bedada ena natuna, Hadada, ia lohia matamaia. Ia ese Moaba tanona ai Midiana taudia ia halusia. Iena siti ladana be Aviti. 47 Hadada ia mase neganai, Masareka tauna, Samula ia lohia matamaia. 48 Samula ia mase neganai, sinavai badinai ia noho hanuana Rehoboto amo ia mai tauna, Sahulo, ia lohia matamaia. 49 Sahulo ia mase neganai, Akaboro ena natuna, Bala-hanana, ia lohia matamaia. 50 Bala-hanana ia mase neganai, Hadara ia lohia matamaia. Ena siti ena ladana be Pau, bona ena adavana be Mehetabela. Ia be Matareda ena natuna kekeni bona Mesahaba ena tubuna kekeni. 51 Gabeai Hadada ia mase.

Edoma iduhu ena lohia taudia be Timuna, Alava, Ietete,+ 52 Oholibama, Elaha, Pinona, 53 Kenasa, Temana, Mibisara, 54 Magidiela, Irama. Inai be Edoma iduhu ena lohia taudia.

2 Inai be Israela ena natudia memero:+ Rubena,+ Simeona,+ Levi,+ Iuda,+ Isakara,+ Sebuluno,+ 2 Dano,+ Iosepa,+ Beniamina,+ Napatali,+ Gado,+ bona Asere.+

3 Iuda ena natudia memero be Ere, Onana, bona Selaha. Unai natudia toi edia sinana be Sua ena natuna kekeni, ia be Kanana hahinena.+ To Iehova be Iuda ena vara guna natuna Ere dekenai ia moale lasi dainai, ia hamasea.+ 4 Iuda ena natudia memero rua Perese+ bona Sera edia sinana be Tamara,+ Iuda ena ravana hahinena. Iuda ena natudia memero ibounai be 5.

5 Perese ena natudia memero be Hesarona bona Hamulu.+

6 Sera ena natudia memero be Simiri, Etana, Hemana, Kalakolo, bona Dara. Idia ibounai be 5.

7 Karami ena natuna mero* be Akara,* ia be Israela taudia dekenai dika bada ia mailaia+ bona do idia hadikaia ore gaudia totona idia abia oda herevadia ia kamonai henia lasi.+

8 Etana ena natuna mero be Asaraia.

9 Hesarona ena natudia memero be Ierahamele,+ Rama,+ bona Kelubai.*

10 Rama be Aminadaba ena tamana.+ Aminadaba be Iuda bese taudia edia gunalaia tauna Nasona ena tamana.+ 11 Nasona be Salma ena tamana.+ Salma be Boasi ena tamana.+ 12 Boasi be Obeda ena tamana. Obeda be Iese ena tamana.+ 13 Iese ena vara guna natuna be Eliaba, iharuana be Abinadaba,+ ihatoina be Simea,+ 14 namba 4 be Netanele, namba 5 be Radai, 15 namba 6 be Oseme, namba 7 be Davida.+ 16 Edia taihuna rua be Seruia bona Abigaila.+ Seruia ena natudia memero be toi, idia be Abisai,+ Ioaba,+ bona Asahele.+ 17 Abigaila ese Amasa+ ia havaraia, bona Amasa ena tamana be Ietere, ia be Isamaela tauna.

18 Hesarona ena natuna mero Kaleba* be mai ena natudia memero, edia ladadia be Iesehere, Sobaba, bona Aradono. Edia sinana be Ierioto bona Asuba, ia be Kaleba ena adavana. 19 Asuba ia mase neganai, Kaleba be Eparata+ ia adavaia, bona Eparata ese Huru+ ia havaraia. 20 Huru be Uri ena tamana. Uri be Besalele ena tamana.+

21 Unai murinai Hesarona ese Gileada+ ena tamana Makiri+ ena natuna kekeni ia adavaia. Hesarona ena mauri lagani be 60 neganai unai kekeni ia adavaia, bona ia ese Segubu ia havaraia. 22 Segubu be Iairi ena tamana.+ Gileada tanona ai Iairi ena siti ibounai be 23.+ 23 Gabeai Gesuru+ bona Suria+ taudia ese Havoto-iairi hanua,+ Kenati+ bona ena badina hanua haida be idia amo idia abia, ibounai be 60. Unai hanua taudia ibounai be Gileada ena tamana Makiri ena bese taudia.

24 Hesarona+ be Kaleba-eparatara ai ia mase murinai, Hesarona ena adavana Abaisa be Asahuru+ ia havaraia, ia be Tekoa ena tamana.*+

25 Hesarona ena vara guna natuna be Ierahamele. Ierahamele ena natuna mero ginigunana be Rama, ia murinai be Buna, Orene, Oseme, bona Ahaisa. 26 Ierahamele ena adavana ma ta ena ladana be Atara. Ia be Onama ena sinana. 27 Ierahamele ena vara guna natuna be Rama. Rama ena natudia memero be Masa, Iamina, bona Ekere. 28 Onama ena natudia memero be Samai bona Iada. Samai ena natudia memero be Nadaba bona Abisuru. 29 Abisuru ena adavana ena ladana be Abihaili, ia ese Ahabana bona Molidi ia havaraia. 30 Nadaba ena natudia memero be Selede bona Apaimi. To Selede ia mase neganai, ia be natudia memero lasi. 31 Apaimi ena natuna mero be Isi. Bona Isi ena natuna mero be Sesana, bona Sesana ena natuna mero be Ahalai. 32 Samai ena tadikaka Iada ena natudia memero be Ietere bona Ionatana. To Ietere ia mase neganai, ia be natudia lasi. 33 Ionatana ena natudia memero be Peletehe bona Sasa. Idia be Ierahamele ena bese taudia.

34 Sesana be natudia memero lasi, to natudia kekeni sibona. Vadaeni Sesana be mai ena Aigupito hesiai tauna ladana Iaraha. 35 Sesana ese ena natuna kekeni ta be ena hesiai tauna Iaraha dekenai ia henia, ena adavana ai ia lao totona, bona unai natuna kekeni ese Atai ia havaraia. 36 Atai be Natana ena tamana. Natana be Sabada ena tamana. 37 Sabada be Epelala ena tamana. Epelala be Obeda ena tamana. 38 Obeda be Iehu ena tamana. Iehu be Asaraia ena tamana. 39 Asaraia be Helese ena tamana. Helese be Eleasa ena tamana. 40 Eleasa be Sisimai ena tamana. Sisimai be Salumu ena tamana. 41 Salumu be Iekamaia ena tamana. Iekamaia be Elisama ena tamana.

42 Ierahamele ena tadikaka Kaleba*+ ena natuna mero ginigunana be Mesa, ia be Sipi ena tamana. Bona Heberona ena tamana Maresaha be mai ena natudia memero. 43 Heberona ena natudia memero be Kora, Tapua, Rekema, bona Sehema. 44 Sehema be Rahama ena tamana, Rahama be Iorokeama ena tamana. Rekema be Samai ena tamana. 45 Samai ena natuna be Maono. Maono be Bete-suru ena tamana.+ 46 Kaleba ena hahine ma ta Epa ese Harana, Mosa, bona Gasese ia havaraia. Harana be Gasese ena tamana. 47 Iahadai ena natudia memero be, Regeme, Iotama, Gesana, Pelete, Epa, bona Sapaha. 48 Kaleba ena hahine ma ta Maka ese Sebere bona Tirihana ia havaraia. 49 Unai nega ai ia ese Madamana+ ena tamana Sapaha bona Makabena bona Gibia+ edia tamana Seva ia havaraia. Kaleba+ ena natuna kekeni be Akisa.+ 50 Inai be Kaleba ena bese taudia.

Eparata+ ena vara guna natuna Huru+ ena natudia memero be Sobala, ia be Kiriata-iearimi+ ena tamana, 51 bona Salma, ia be Betelehema+ ena tamana, bona Harepe, ia be Bete-gadere ena tamana. 52 Kiriata-iearimi ena tamana Sobala ena natudia memero be Haroe bona Manuhoto taudia haida. 53 Kiriata-iearimi edia bese taudia be Itiri taudia,+ Puti taudia, Sumata taudia, bona Misira taudia. Idia amo Sorata taudia+ bona Esetaoli taudia+ idia mai. 54 Salma ena bese taudia be Betelehema,+ Netopa, Ataroto-bete-ioaba dekenai idia noho. Bona Manahata ai idia noho taudia haida bona Soro ai idia noho taudia danu be Salma ena bese taudia. 55 Iabesa ai idia noho rekodi torea taudia edia bese taudia be Tirata taudia, Simeata taudia, bona Sukata taudia. Inai be Kene taudia,+ idia be Rekaba bese tauna ena tamana, Hamataha amo idia mai.+

3 Heberona ai Davida ena natudia memero be inai:+ Ginigunana be Aminona,+ iena sinana be Ahinoama,+ ia be Ieserele hahinena. Iharuana be Daniela, iena sinana be Abigaila,+ ia be Karamele hahinena. 2 Ihatoina be Abesaloma,+ ia be Maka ena natuna. Maka be Gesuru ena king Talamai ena natuna kekeni. Namba 4 be Adonaisa,+ ia be Hagiti ena natuna. 3 Namba 5 be Sepataia, iena sinana be Abitala. Bona namba 6 be Itireama, iena sinana be Egila, Davida ena adavana. 4 Unai natudia memero 6 be Heberona ai idia vara. Unuseniai Davida be lagani 7 bona hua 6 ia lohia, bona Ierusalema ai lagani 33 ia lohia.+

5 Ierusalema ai idia vara natudia be inai:+ Simea, Sobaba, Natana,+ bona Solomona.+ Inai natudia memero 4 edia sinana be Bataseba,+ ia be Amiele ena natuna kekeni. 6 Bona Davida ena natudia memero ma 9 be, Ibihara, Elisama, bona Elipelete, 7 Noga, Nepega, Iapia, 8 Elisama, Eliada, bona Elipelete. 9 Unai be Davida ena natudia memero ibounai, bona Davida ena hahine ma haida* edia natudia memero danu, bona edia taihuna be Tamara.+

10 Solomona ena natuna be Rehoboama.+ Rehoboama ena natudia be Abaisa,+ Asa,+ Iehosapata,+ 11 Iehorama,+ Ahasaia,+ Iehoasa,+ 12 Amasaia,+ Asaraia,+ Iotama,+ 13 Ahasa,+ Hesekaia,+ Manase,+ 14 Amona,+ bona Iosaia.+ 15 Iosaia ena natuna mero ginigunana be Iohanana, iharuana be Iehoiakimi,+ ihatoina be Sedekaia,+ bona namba 4 be Salumu. 16 Iehoiakimi ena natudia memero* be Iekonia+ bona Sedekaia. 17 Dibura ai ia noho tauna Iekonia ena natudia memero be Sealetiele, 18 Malikirama, Pedaia, Senasara, Iekamaia, Hosama, bona Nedabaia. 19 Pedaia ena natudia memero be Serubabele+ bona Simei. Serubabele ena natudia memero be Mesulama bona Hananaia (bona edia taihuna be Selomiti). 20 Bona Serubabele ena natudia memero ma 5 be, Hasubaha, Ohele, Berekaia, Hasadaia, bona Iusaba-hesede. 21 Bona Hananaia ena natudia memero be, Pelataia bona Iesaia. Iesaia ena natuna mero be Repaia. Repaia ena natuna mero be Aranana. Aranana ena natuna mero be Obadaia. Obadaia ena natuna mero be Sekanaia. 22 Bona Sekanaia ena bese* taudia be Semaia bona ena natudia memero. Edia ladana be, Semaia, Hatusu, Igala, Baraia, Nearaia, bona Sapata, idia ibounai be 6. 23 Bona Nearaia ena natudia memero be Elioenai, Hisikia, bona Asarikama, idia ibounai be toi. 24 Bona Elioenai ena natudia memero be Hodavaia, Eliasibi, Pelaia, Akubu, Iohanana, Delaia, bona Anani, idia ibounai be 7.

4 Iuda ena natudia memero be Perese,+ Hesarona,+ Karami, Huru,+ bona Sobala.+ 2 Sobala ena natuna Reaia be Iahata ena tamana. Iahata be Ahumai bona Lahada edia tamana. Idia amo Sorata taudia edia bese idia mai.+ 3 Etama ena tamana* ena natudia memero be inai:+ Ieserele, Isima, bona Idibasa (bona edia taihuna be Haseleleponi), 4 bona Penuela be Gedoro ena tamana, bona Esere be Husa ena tamana. Unai be Huru+ ena natudia memero. Huru be Eparata ena vara guna natuna bona Betelehema+ ena tamana. 5 Tekoa+ ena tamana Asahuru+ ena adavana be rua, Hela bona Nara. 6 Nara ese Ahusama, Hepere, Temeni, bona Hahasatari ia havaraia. Unai be Nara ena natudia memero. 7 Bona Hela ena natudia memero be, Serete, Isahara, bona Etana. 8 Koso be Anuba, Sobeba bona Harumu ena natuna Aharahele ena bese taudia edia tamana.

9 Taunimanima ese Iabesa idia matauraia bada, to ena tadikakadia be unai bamona lasi. Bona ena sinana ese ena ladana ia hatoa, Iabesa,* badina ia gwau: “Hisihisi lalonai ia lau havaraia.” 10 Iabesa be Israela ena Dirava dekenai ia boiboi, ia gwau: “Mani lau oi hanamoa, lau dekenai tano momo oi henia, nega ibounai oi be lau ida do oi noho, lau dekenai do idia vara dika amo lau oi gimaia, unai amo lau dekenai gau dikana ta do ia vara lasi!” Vadaeni Dirava be Iabesa ena noinoi hegeregerena ia durua.

11 Suha ena tadikakana Kelubu be Mehiri ena tamana. Mehiri be Esetono ena tamana. 12 Esetono be Bete-rapa, Pasea, bona Tehina edia tamana. Tehina be Irinahasa ena tamana. Idia be Reka taudia. 13 Bona Kenasa ena natudia memero be Otoniele+ bona Seraia, bona Otoniele ena natuna mero be Hatata. 14 Meonotai be Opera ena tamana. Seraia be Ioaba ena tamana, Ioaba be Ge-harasimi* ai idia noho taudia edia tamana. Badina unai taudia be gau idauidau idia karaia diba.

15 Iepune ena natuna Kaleba+ ena natudia memero be Iru, Elaha, bona Nama. Bona Elaha ena natuna be Kenasa. 16 Iehalelele ena natudia memero be Sipi, Sipaha, Tiria, bona Asarele. 17 Eseraha ena natudia memero be Ietere, Merede, Epere, bona Ialono. Hahine* ia rogorogo bona Miriama, Samai, bona Isiba ia havaraia. Isiba be Esetemoa ena tamana. 18 (Bona iena adavana, Iuda hahinena, ese Gedoro ena tamana Ierede, Soko ena tamana Hebere, bona Sanoa ena tamana Iekutiele ia havaraia.) Idia be Farao ena natuna kekeni Bitiaha ena natudia, Bitiaha be Merede ena adavana.

19 Hodaia ena adavana ena natudia memero be Gama taudia edia taoni Keila bona Makata taudia edia taoni Esetemoa idia haginia taudia. Hodaia ena adavana be Nahama ena varavara hahinena. 20 Bona Simono ena natudia memero be Aminona, Rina, Bene-hanana, bona Tilono. Bona Isi ena natudia memero be Sohete bona Bene-sohete.

21 Iuda ena natuna Selaha+ ena natudia memero* be Ere, ia be Leka ena tamana, bona Lada, ia be Maresaha ena tamana, bona Asabea ena bese amo dabua namodia idia turia taudia edia famili be Selaha ena bese taudia danu, 22 bona Koseba tatau Iokimi, Ioasa, bona Sarapa, idia be Moaba hahinedia idia adavaia, bona Iasubi-lehema. Inai rekodi be idaunegai idia torea gaudia. 23 Idia be uro karaia taudia bona Netaimi bona Gedera dekenai idia noho. Idia be unuseni idia noho bona king totona idia gaukara.

24 Simeona+ ena natudia memero be Nemuele, Iamina, Iaribi, Sera, bona Sahulo.+ 25 Salumu be iena natuna mero,* Salumu ena natuna mero be Mibisama, bona Mibisama ena natuna mero be Misima. 26 Bona Misima ena natudia memero be Hamuele, Hamuele ena natuna mero be Sakuru, bona Sakuru ena natuna mero be Simei. 27 Bona Simei ena natudia memero be 16 bona natudia kekeni be 6. To iena tadikakadia edia natudia memero be momo lasi, bona edia famili taudia edia natudia memero be momo lasi, to Iuda taudia edia natudia memero be momo.+ 28 Idia noho gabudia be, Bere-sieba,+ Molada,+ Hasara-suala,+ 29 Bileha, Eseme,+ Tolada, 30 Betuela,+ Horoma,+ Sikilaga,+ 31 Bete-makaboto, Hasara-susimi,+ Bete-biri, bona Saraimi. Unai taonidia dekenai idia noho ela bona Davida ena lohia negana.

32 Edia hanua ta ta be Etama, Aina, Rimono, Tokene, bona Asahana,+ taoni ibounai be 5, 33 bona edia hanua ta ta ese inai taonidia idia hagegea ela bona Bala taoni dekenai. Inai be edia sene taudia amo idia abia ladadia, bona idia noholaia gabudia edia ladadia. 34 Simeona ena bese taudia ma haida be, Mesobaba, Iamileka, bona Amasaia ena natuna Iosa, 35 Ioela, Iosibaia ena natuna Iehu, ia be Seraia ena tubuna mero, Seraia ena tamana be Asiele, 36 bona Elioenai, Iakoba, Iesohaia, Asaia, Adiele, Iesimiele, Benaia, 37 bona Sifi ena natuna mero Sesa, ia be Alono ena tubuna mero, Alono ena tamana be Iedaia, Iedaia ena tamana be Simirai, Simirai ena tamana be Semaia. 38 Unai be edia famili ta ta edia iduhu gunalaia taudia edia ladadia, bona edia sene taudia edia bese ena namba be ia bada ia lao. 39 Bona idia be Gedoro ena vareai gabuna dekenai idia lao, unai be koura ena ist kahana dekenai, edia mamoe totona rei gabudia idia tahua. 40 Idia ese rei gabuna namona idia davaria, bona unai tano be bada herea, regerege be lasi, bona tano namona. Guna Hamo taudia+ be unuseniai idia noho. 41 Lista dekenai edia ladana idia noho taudia be Iuda ena king Hesekaia+ ena nega lalonai idia noho, bona unuseniai idia noho Hamo bona Meunimi taudia edia palai ruma idia hadikaia. Idia ese unai taudia idia hamasedia. Bona idia be unai gabu ai idia noho, badina edia mamoe totona unuseniai rei gabudia idia noho.

42 Simeona ena bese taudia haida, tatau 500, be Seiri Ororona dekenai idia lao,+ bona idia ida be Pelataia, Nearaia, Repaia, bona Usiele idia lao, idia be Isi ena natudia memero, bona idia ese unai taudia idia gunalaia. 43 Bona idia ese Amaleka taudia, idia heau taudia oredia unai, idia hamasedia,+ bona idia be unuseniai idia noho ema bona hari.

5 Inai be Israela ena vara guna natuna Rubena ena natudia memero.+ Ia be vara guna natuna, to ena tamana ena hahine ma ta ida ia mahuta hebou dainai,+ iena vara guna ena maoro be Israela ena natuna Iosepa ena natudia memero dekenai ia henia,+ unai dainai edia famili edia ladadia ena lista ai, Rubena ena vara guna ena maoro idia torea lasi. 2 Ena be Iuda+ be ena tadikakadia ia hereaia bona ia amo gunalaia tauna ia mai,+ to vara guna ena maoro be Iosepa ena. 3 Israela ena vara guna natuna Rubena ena natudia memero be Hanoka, Palu, Hesarona, bona Karami.+ 4 Ioela ena natuna mero be Semaia, Semaia ena natuna mero be Goga, Goga ena natuna mero be Simei, 5 Simei ena natuna mero be Mika, Mika ena natuna mero be Reaia, Reaia ena natuna mero be Bala, 6 bona Bala ena natuna mero be Biraha, ia be Asuria ena king Tigilata-pilesere+ ese ia abia lao. Biraha be Rubena iduhu ena gunalaia tauna ta. 7 Biraha ena tadikaka edia famili ta ta edia ladadia hegeregerena lista ai edia ladadia idia torea taudia edia bese kwarana taudia be Ieile, Sekaraia, 8 bona Bela. Bela be Asasa ena natuna mero, Asasa be Sehema ena natuna mero, Sehema be Ioela ena natuna mero. Bela ena bese taudia be Aroere+ bona Nebo bona Bala-meono dekenai idia noho.+ 9 Ist kahana ai, edia noho gabudia be ia lao bona tano kaukauna ia matamaia gabuna dekenai, unai be Euperate Sinavai kahirakahira.+ Badina Gileada tanona ai edia animal be momo herea.+ 10 Saulo ena nega lalonai, idia be Hagara taudia idia tuari henia bona idia halusidia, bena Gileada ena ist kahana ibounai lalonai palai rumadia dekenai idia noho.

11 Gado ena bese taudia be idia kahirakahira idia noho, unai be Basana tanona amo ia lao bona Saleka tanona dekenai.+ 12 Basana tanona ai, bese kwarana ginigunana be Ioela, iharuana be Sapama, bona Iana bona Sapata. 13 Bona edia varavara taudia be, Mikaela, Mesulama, Sieba, Iorai, Iakano, Sie, bona Ebere, ibounai be 7. 14 Inai be Abihaili ena natudia memero. Abihaili ena natuna mero be Huri, Huri ena natuna mero be Iaroa, Iaroa ena natuna mero be Gileada, Gileada ena natuna mero be Mikaela, Mikaela ena natuna mero be Iesisai, Iesisai ena natuna mero be Iado, Iado ena natuna mero be Busu. 15 Ahi be Abediele ena natuna mero, Abediele be Guni ena natuna mero. Ahi be iduhu ena kwarana tauna. 16 Idia be Gileada,+ Basana,+ bona edia badina hanuadia, bona Sarona ena rei gabuna ena kahana ibounai dekenai idia noho. 17 Iuda ena king Iotama+ bona Israela ena king Ieroboama+ edia nega lalonai, idia ese edia bese edia lista ai edia ladadia idia torea.

18 Rubena iduhu, Gado iduhu, bona Manase iduhu ena kahana edia tuari taudia goadadia ibounai be 44,760, idia be kesi, tuari kaia, bona peva idia gaukaralaia, bona tuari idia diba taudia. 19 Idia ese Hagara taudia,+ Ieturu taudia, Napisi taudia,+ bona Nodaba taudia idia tuari henia. 20 Bona idia ese unai taudia idia tuari henia neganai, Dirava ese idia ia durua bona Hagara taudia bona idia ida idia mai taudia idia halusia, badina idia ese Dirava idia noia tuari lalonai idia ia durua totona, bona Dirava ese edia noinoi ia kamonai badina ia idia abidadama henia.+ 21 Idia ese kamelo ibounai 50,000, mamoe ibounai 250,000, doniki ibounai 2,000, bona taunimanima 100,000 idia abia mauri. 22 Momo idia mase, badina unai tuari be Dirava momokani ena tuari.+ Bona idia be unai taudia edia gabu ai idia noho ela bona idia abidia lao negana.+

23 Manase iduhu ena kahana ta ena bese taudia+ be Basana amo ia lao Bala-heremona, Seniri bona Heremona Ororo ena tano ai idia noho.+ Idia be momo herea. 24 Inai be edia bese taudia edia kwaradia: Epere, Isi, Eliele, Aseriele, Ieremia, Hodavaia, bona Iahadiele. Idia be tuari taudia goadadia, ladana bada taudia, bona edia bese taudia edia kwarana taudia. 25 To idia ese edia sene taudia edia Dirava idia badinaia lasi bona unai tano taudia, Dirava ese edia vairana amo ia hadikaia besedia unai, edia dirava idauidau idia tomadiho henia.*+ 26 Unai dainai Israela ena Dirava ese ena lalohadai be Asuria ena king Pulu+ (unai be, Asuria ena king Tigilata-pilesere+) ena lalona ai ia atoa, unai dainai ia ese Rubena iduhu, Gado iduhu, bona Manase iduhu kahana taudia be Hala, Haboro, Hara bona Gosana sinavaina+ dekenai ia abia lao, bona unuseni idia noho ema bona hari.

6 Levi+ ena natudia memero be Geresone, Kohata,+ bona Merari.+ 2 Kohata ena natudia memero be Amarama, Isahara,+ Heberona, bona Usiele.+ 3 Amarama+ ena natudia be Arona,+ Mose,+ bona Miriama.+ Bona Arona ena natudia memero be Nadaba, Abihu,+ Eleasara,+ bona Itamara.+ 4 Eleasara be Pineha+ ena tamana, Pineha be Abisua ena tamana. 5 Abisua be Buki ena tamana. Buki be Usisi ena tamana. 6 Usisi be Serahaia ena tamana. Serahaia be Meraioto ena tamana. 7 Meraioto be Amaraia ena tamana. Amaraia be Ahitubu ena tamana.+ 8 Ahitubu be Sadoka+ ena tamana. Sadoka be Ahimasa+ ena tamana. 9 Ahimasa be Asaraia ena tamana. Asaraia be Iohanana ena tamana. 10 Iohanana be Asaraia ena tamana. Asaraia be Solomona ese Ierusalema ai ia haginia dubu lalonai hahelaga gaukarana ia karaia.

11 Asaraia be Amaraia ena tamana. Amaraia be Ahitubu ena tamana. 12 Ahitubu be Sadoka ena tamana.+ Sadoka be Salumu ena tamana. 13 Salumu be Hilekaia ena tamana.+ Hilekaia be Asaraia ena tamana. 14 Asaraia be Seraia ena tamana.+ Seraia be Iehosadaka ena tamana.+ 15 Bona Iehova ese Iuda taudia bona Ierusalema taudia be Nebukanesa ena imana ai ia atoa neganai, Nebukanesa ese Iehosadaka ia abia lao danu.

16 Levi ena natudia memero be Geresome, Kohata, bona Merari. 17 Geresome ena natudia memero edia ladadia be inai: Libini bona Simei.+ 18 Kohata ena natudia memero be Amarama, Isahara, Heberona, bona Usiele.+ 19 Merari ena natudia memero be Mali bona Musi.

Inai be Levi taudia edia ruma bese edia sene taudia edia ladana hegeregerena idia torea:+ 20 Geresome+ ena bese taudia be inai, Libini be Geresome ena natuna mero, Libini ena natuna mero be Iahata, Iahata ena natuna mero be Sima, 21 Sima ena natuna mero be Ioa, Ioa ena natuna mero be Ido, Ido ena natuna mero be Sera, Sera ena natuna mero be Ieaterai. 22 Kohata ena bese taudia be inai, ena natuna mero be Aminadaba, Aminadaba ena natuna mero be Kora,+ Kora ena natuna mero be Asiri, 23 Asiri ena natuna mero be Elikana, Elikana ena natuna mero be Ebiasapa,+ Ebiasapa ena natuna mero be Asiri, 24 Asiri ena natuna mero be Tahata, Tahata ena natuna mero be Uriele, Uriele ena natuna mero be Usaia, bona Usaia ena natuna mero be Sahulo. 25 Elikana ena natudia memero be Amasai bona Ahimoto. 26 Bona Elikana ma ta ena bese taudia be inai, ena natuna mero be Sopai, Sopai ena natuna mero be Nahata, 27 Nahata ena natuna mero be Eliaba, Eliaba ena natuna mero be Ierohama, Ierohama ena natuna mero be Elikana.+ 28 Samuela+ ena natudia memero be Ioela, ia be vara guna, bona Abaisa be iharuana.+ 29 Merari ena bese taudia be inai, ena natuna mero Mali,+ Mali ena natuna mero be Libini, Libini ena natuna mero be Simei, Simei ena natuna mero be Usa, 30 Usa ena natuna mero be Simea, Simea ena natuna mero be Hagaia, bona Hagaia ena natuna mero be Asaia.

31 Iehova ena dubu ai Maua idia atoa murinai, Davida ese inai taudia ia abia hidi ane idia gunalaia totona.+ 32 Idia be palai dubu, hebou dubu unai, lalonai ane idia gunalaia ela bona Solomona ese Ierusalema ai Iehova ena ruma ia haginia,+ bona idia ese edia hesiai gaukara idia karaia, idia totona idia gwauraia oda hegeregerena.+ 33 Inai tatau be edia natudia memero ida hesiai gaukara idia karaia: Kohata besena amo be ane abia tauna Hemana.+ Ia be Ioela+ ena natuna mero, Ioela be Samuela ena natuna mero, 34 Samuela be Elikana+ ena natuna mero, Elikana be Ierohama ena natuna mero, Ierohama be Eliele ena natuna mero, Eliele be Toa ena natuna mero, 35 Toa be Supu ena natuna mero, Supu be Elikana ena natuna mero, Elikana be Mahata ena natuna mero, Mahata be Amasai ena natuna mero, 36 Amasai be Elikana ena natuna mero, Elikana be Ioela ena natuna mero, Ioela be Asaraia ena natuna mero, Asaraia be Sefanaia ena natuna mero, 37 Sefanaia be Tahata ena natuna mero, Tahata be Asiri ena natuna mero, Asiri be Ebiasapa ena natuna mero, Ebiasapa be Kora ena natuna mero, 38 Kora be Isahara ena natuna mero, Isahara be Kohata ena natuna mero, Kohata be Levi ena natuna mero, Levi be Israela ena natuna mero.

39 Levi tauna* ta be Asapa,+ ia be Hemana ena idiba kahanai ia gini. Asapa be Berekaia ena natuna mero, Berekaia be Simea ena natuna mero, 40 Simea be Mikaela ena natuna mero, Mikaela be Baseia ena natuna mero, Baseia be Malekaia ena natuna mero, 41 Malekaia be Eteni ena natuna mero, Eteni be Sera ena natuna mero, Sera be Adaia ena natuna mero, 42 Adaia be Etana ena natuna mero, Etana be Sima ena natuna mero, Sima be Simei ena natuna mero, 43 Simei be Iahata ena natuna mero, Iahata be Geresome ena natuna mero, Geresome be Levi ena natuna mero.

44 Levi taudia edia tadikaka, Merari+ ena bese taudia be lauri kahanai idia gini. Idia be Etana,+ Etana be Kisi ena natuna mero, Kisi be Abidi ena natuna mero, Abidi be Maluku ena natuna mero, 45 Maluku be Hasabaia ena natuna mero, Hasabaia be Amasaia ena natuna mero, Amasaia be Hilekaia ena natuna mero, 46 Hilekaia be Amasi ena natuna mero, Amasi be Bani ena natuna mero, Bani be Semere ena natuna mero, 47 Semere be Mali ena natuna mero, Mali be Musi ena natuna mero, Musi be Merari ena natuna mero, Merari be Levi ena natuna mero.

48 Edia tadikaka, Levi taudia unai, idia abia hidi Dirava momokanina ena palai dubu ai hesiai gaukara idauidau idia karaia totona.+ 49 Arona bona ena natudia memero+ be gabua bouboudia edia pata+ bona bonana namo muramura edia pata+ latanai boubou gaudia idia gabua, unai amo edia kwalahu ia daekau, bona helaga herea gaudia ena gaukara idauidau idia karaia, Israela taudia edia kara dika davana karaia totona,+ unai be Dirava momokanina ena hesiai tauna Mose ese ia oda hegeregerena. 50 Inai be Arona ena bese taudia:+ Arona ena natuna mero be Eleasara,+ Eleasara ena natuna mero be Pineha, Pineha ena natuna mero be Abisua, 51 Abisua ena natuna mero be Buki, Buki ena natuna mero be Usisi, Usisi ena natuna mero be Serahaia, 52 Serahaia ena natuna mero be Meraioto, Meraioto ena natuna mero be Amaraia, Amaraia ena natuna mero be Ahitubu,+ 53 Ahitubu ena natuna mero be Sadoka,+ bona Sadoka ena natuna mero be Ahimasa.

54 Inai be edia gabu ai idia noho hanua mai edia magu: Unai be Arona ena bese taudia, Kohata ena famili taudia unai, ese idia abia, badina gadara* ginigunana ese ia hahedinaraia, 55 idia ese idia dekenai Heberona tanona+ bona ena rei gabudia idia henia, unai be Iuda dekenai. 56 To unai siti ena tano bona ena hanua maragidia be Iepune ena natuna Kaleba dekenai idia henia.+ 57 Bona idia ese Arona ena bese taudia dekenai heau mauri siti idauidau* idia henia,+ bona Heberona,+ bona Libina+ bona ena rei gabudia, Iatiri,+ bona Esetemoa bona ena rei gabudia,+ 58 Hilene bona ena rei gabudia, Debiri+ bona ena rei gabudia, 59 Asahana+ bona ena rei gabudia, bona Bete-semese+ bona ena rei gabudia. 60 Bona Beniamina iduhu ese idia dekenai Geba+ bona ena rei gabudia, Alemete bona ena rei gabudia, bona Anatoto+ bona ena rei gabudia ia henidia. Edia famili totona idia dekenai idia henia siti idauidau ibounai be 13.+

61 Bona Kohata ena bese taudia oredia ese siti ibounai 10 idia abia, unai be iduhu ma haida edia famili taudia bona iduhu kahana ta, Manase ena iduhu kahana unai, ese idia henia.+

62 Geresone taudia edia famili ta ta ese siti ibounai 13 idia abia, unai be Isakara iduhu, Asere iduhu, Napatali iduhu, bona Basana ai ia noho Manase ena iduhu kahana ese idia henia.+

63 Merari taudia edia famili ta ta ese gadara ta* amo siti ibounai 12 idia abia, unai be Rubena iduhu, Gado iduhu, bona Sebuluno iduhu ese idia henia.+

64 Vadaeni Israela taudia ese unai siti idauidau bona edia rei gabudia be Levi taudia dekenai idia henia.+ 65 Danu, idia ese Iuda iduhu amo, Simeona iduhu amo, bona Beniamina iduhu amo inai siti idia henidia, unai be gadara ta* amo edia ladana hegeregerena idia haria.

66 Kohata bese taudia haida ese Eparaima iduhu amo siti haida idia abia bona edia tano ai idia halaoa.+ 67 Idia ese heau mauri siti idauidau* be idia dekenai idia henia, unai be Sekema+ bona ena rei gabudia, ia be Eparaima ena ororo gabudia ai ia noho, Gesere+ bona ena rei gabudia, 68 Iokomeama bona ena rei gabudia, Bete-horono+ bona ena rei gabudia, 69 Aialono+ bona ena rei gabudia, bona Gata-rimono+ bona ena rei gabudia. 70 Bona Manase ena iduhu kahana ese Anere bona ena rei gabudia bona Bileama bona ena rei gabudia be Kohata bese taudia oredia ta ta dekenai idia henia.

71 Manase iduhu kahana ena bese taudia ese Basana ena siti Golana+ bona ena rei gabudia bona Asataroto bona ena rei gabudia be Geresome besena dekenai idia henia.+ 72 Bona Isakara iduhu amo be, Kedesi bona ena rei gabudia, Daberata+ bona ena rei gabudia,+ 73 Ramoto bona ena rei gabudia, bona Aneme bona ena rei gabudia idia abia. 74 Bona Asere iduhu amo, Masala bona ena rei gabudia, Abidona bona ena rei gabudia,+ 75 Hukoka bona ena rei gabudia, bona Rehoba+ bona ena rei gabudia idia abia. 76 Bona Napatali iduhu amo, Galilea taoni+ Kedesi+ bona ena rei gabudia, Hamona bona ena rei gabudia, bona Kiriataimi bona ena rei gabudia idia abia.

77 Sebuluno iduhu+ amo Merari taudia oredia be Rimona bona ena rei gabudia bona Taboro bona ena rei gabudia idia abia. 78 Bona Rubena iduhu amo idia be Ieriko ai, Ioridane ena ist kahana dekenai, tano kaukau ai ia noho Besere bona ena rei gabudia, Iahasa+ bona ena rei gabudia idia abia, 79 Kedemoto+ bona ena rei gabudia bona Mepata bona ena rei gabudia danu. 80 Bona Gado iduhu amo Gileada ai ia noho Ramoto bona ena rei gabudia, Mahanaimi+ bona ena rei gabudia, 81 Hesebona+ bona ena rei gabudia, bona Iasera+ bona ena rei gabudia idia abia.

7 Isakara ena natudia memero be Tola, Pua, Iasubu, bona Simarona.+ Idia ibounai be 4. 2 Bona Tola ena natudia memero be Usisi, Repaia, Ieriele, Iahamai, Ibisama, bona Semuela, idia be edia bese taudia edia kwaradia. Tola ena bese taudia be tuari taudia goadadia, Davida ena nega ai idia ibounai be 22,600. 3 Bona Usisi ena bese taudia* be Isiraha, bona Isiraha ena natudia memero be inai: Mikaela, Obadaia, Ioela, bona Isihaia. Idia ibounai 5 be iduhu gunalaia taudia.* 4 Bona edia adavadia bona natudia be momo dainai, idia ida tuari totona idia hegeregere tuari taudia ibounai 36,000 idia noho, edia bese bona bese kwaradia hegeregerena. 5 Bona edia tadikakadia, Isakara iduhuna ena famili ibounai amo, be tuari taudia goadadia, idia ibounai be 87,000, edia bese taudia edia ladadia hegeregerena.+

6 Beniamina+ ena natudia memero be Bela,+ Bekere,+ bona Iediaele.+ Idia be toi. 7 Bona Bela ena natudia memero be Esebona, Usisi, Usiele, Ierimoto, bona Ire. Idia be 5. Idia be edia bese edia kwarana taudia, tuari taudia goadadia, bona edia bese taudia edia ladadia hegeregerena edia lista ai taunimanima 22,034 idia noho.+ 8 Bona Bekere ena natudia memero be Semira, Ioasa, Eliesere, Elioenai, Omeri, Ieremoto, Abaisa, Anatoto, bona Alemete. 9 Edia bese kwarana taudia edia bese taudia edia ladadia ena lista hegeregerena, edia tuari taudia goadadia ibounai be 20,200. 10 Bona Iediaele+ ena natudia memero* be Bilahana, bona Bilahana ena natudia memero be inai: Ieusu, Beniamina, Ehuda, Kenanaha, Setana, Tarasisi, bona Ahisahara. 11 Unai be Iediaele ena natudia memero ibounai, edia bese kwaradia hegeregerena, tuari totona idia hegaegae taudia goadadia be 17,200.

12 Supima bona Hupima edia famili taudia* be Iri ena bese taudia.+ Husima ena natudia be Ahere ena bese taudia.

13 Napatali ena natudia memero+ be Iahsiele, Guni, Iasere, bona Salumu, unai tatau be Bileha ena bese taudia.*+

14 Manase ena bese taudia+ be Asariele. Manase ena hahine ma ta, Suria hahinena unai, ese Asariele ia havaraia. (Ia ese Makiri ia havaraia,+ ia be Gileada ena tamana. 15 Makiri ese kekeni rua ia abia, Hupima bona Supima ese do idia adavaia totona, bona ena taihuna ena ladana be Maka.) Iharuana ena ladana be Selopehada,+ to Selopehada be mai ena natudia kekeni.+ 16 Makiri ena adavana Maka ese natuna mero ta ia havaraia bona ena ladana ia hatoa Perehe. Bona ena tadikakana ena ladana be Serese. Bona Serese ena natudia memero be Ulama bona Rekema. 17 Bona Ulama ena natuna mero* be Bedana. Inai be Gileada ena natudia memero. Gileada be Makiri ena natuna, Makiri be Manase ena natuna. 18 Bona ena taihuna be Hamolekete. Hamolekete ese Isihoda, Abiesere, bona Mahala ia havaradia. 19 Bona Semida ena natudia memero be Ahiana, Sekema, Likihi, bona Aniama.

20 Eparaima ena natuna mero+ be Sutela,+ Sutela ena natuna mero be Bereda, Bereda ena natuna mero be Tahata, Tahata ena natuna mero be Eleadaha, Eleadaha ena natuna mero be Tahata, 21 Tahata ena natuna mero be Sabada. Sabada ena natuna mero be Sutela. Bona Esere bona Eleada danu be Eparaima ena natudia memero. Idia be idia diho lao Gata tatau+ edia animal idia abia totona, unai dainai idia hamasedia. 22 Edia tamana Eparaima be dina momo lalonai ia taitai noho, bona ena tadikaka idia mai ia idia hagoadaia totona. 23 Unai murinai ena adavana ida ia mahuta hebou, bona hahine ia rogorogo bona natuna mero ta ia havaraia. To Eparaima ese ena ladana ia hatoa Beria,* badina ia mara negana lalonai Eparaima ena ruma bese be dika ia davaria. 24 Bona ena natuna kekeni be Sira, ia ese Henunai+ bona Ataiai Bete-horono+ bona Usene-sera hanuadia ia haginia. 25 Repaha bona Resepe be Eparaima ena natudia memero.* Resepe ena natuna mero be Tela, Tela ena natuna mero be Tahana, 26 Tahana ena natuna mero be Ladana, Ladana ena natuna mero be Amihuda, Amihuda ena natuna mero be Elisama, 27 Elisama ena natuna mero be Nunu, bona Nunu ena natuna mero be Iosua.*+

28 Eparaima ena bese taudia idia noho gabudia be Betele+ bona ena badina hanuadia, bona ist kahana dekenai ia noho siti Narana, bona west kahana dekenai Gesere bona ena badina hanuadia, bona Sekema bona ena badina hanuadia, bona ia lao Aiaha* bona ena badina hanuadia. 29 Bona Manase ena bese taudia edia tano badinai idia noho hanua be inai: Bete-seana+ bona ena badina hanuadia, Tanaka+ bona ena badina hanuadia, Megido+ bona ena badina hanuadia, Doro+ bona ena badina hanuadia. Unai gabudia dekenai Israela ena natuna mero Iosepa ena bese taudia idia noho.

30 Asere ena natudia memero be Imina, Isiva, Isivi, bona Beria,+ bona edia taihuna be Seraha.+ 31 Beria ena natudia memero be Hebere bona Malakiela. Malakiela be Birisaiti ena tamana. 32 Hebere be Iapelete, Somere, bona Hotama edia tamana, bona edia taihuna be Sua. 33 Iapelete ena natudia memero be Pasaka, Bimihala, bona Asavata. 34 Semere* ena natudia memero be Ahi, Roga, Iehuba, bona Arama. 35 Ena tadikaka Heleme* ena natudia memero be Sopa, Imala, Selese, bona Amala. 36 Sopa ena natudia memero be Suaha, Haranepere, Sualo, Beri, Imira, 37 Besere, Hoda, Samama, Silisa, Itirana, bona Bira. 38 Ietere ena natudia memero be Iepune, Pisipa, bona Ara. 39 Ula ena natudia memero be Araha, Haniela, bona Risia. 40 Idia ibounai be Asere ena bese taudia, edia bese kwarana taudia, abia hidi taudia, tuari taudia goadadia, tuari biagudia edia gunalaia taudia. Bona edia ladadia hegeregerena edia lista ai idia torea tatau ibounai be 26,000,+ idia be tuari totona idia hegeregere.

8 Beniamina+ ena natudia be inai: Vara guna natuna be Bela,+ iharuana be Asabela,+ ihatoina be Ahara, 2 namba 4 be Noha, bona namba 5 be Rapa. 3 Bela ena natudia memero be Adara, Gera,+ Abihuda, 4 Abisua, Namana, Ahoa, 5 Gera, Sepupama, bona Hurama. 6 Geba ai idia noho taudia,+ Manahata dekenai idia abia lao taudia unai, edia bese kwarana taudia be Eluda ena natudia memero: 7 Namana, Ahaisa, bona Gera. Gera ese idia ia gunalaia bona idia abidia lao, bona ia be Usa bona Ahihuda edia tamana. 8 Saharaimi ese taunimanima ia siaia lao murinai, ia be Moaba tanona dekenai mai ena natudia haida. Iena adavadia be Husimi bona Bara. 9 Bona ena adavana Hodese ese inai natudia ia havaraia: Iobaba, Sibaia, Mesa, Milikoma, 10 Ieu, Sakaia, bona Mirima. Unai be Saharaimi ena natudia memero, idia be bese kwarana taudia.

11 Saharaimi be Husimi amo natudia rua ia abia, Abitubu bona Elepala. 12 Bona Elepala ena natudia memero be Ebere, Misama, Semeda (ia ese Ono+ bona Lodu+ bona edia badina hanuadia ia haginia), 13 Beria, bona Sehema. Inai be Aialono ai idia noho taudia edia bese kwarana taudia.+ Idia ese Gata taudia idia lulua. 14 Bona Ahio, Sasaka, Ieremoto, 15 Sebadaia, Arada, Edere, 16 Mikaela, Isipa, Ioha, idia be Beria ena bese taudia. 17 Bona Sebadaia, Mesulama, Hisiki, Hebere, 18 Isimerai, Isilaia, Iobaba, idia be Elepala ena bese taudia. 19 Bona Iakimi, Sikiri, Sabadi, 20 Elienai, Sileta, Eliele, 21 Adaia, Beraia, Simirata, idia be Simei ena bese taudia. 22 Bona Isipana, Ebere, Eliele, 23 Abidona, Sikiri, Hanana, 24 Hananaia, Elama, Anetotaisa, 25 Ipideia, Penuela, idia be Sasaka ena bese taudia. 26 Bona Samaserai, Seharaia, Atalaia, 27 Iaresaia, Elia, Sikiri, idia be Ierohama ena bese taudia. 28 Idia be bese kwarana taudia, edia famili ta ta edia ladadia hegeregerena idia torea. Inai bese kwarana taudia be Ierusalema ai idia noho.

29 Gibeona ena tamana Ieile be Gibeona ai ia noho.+ Iena adavana ena ladana be Maka.+ 30 Bona ena vara guna natuna mero be Abidona, iena murinai be Suru, Kisa, Bala, Nadaba, 31 Gedoro, Ahio, bona Sekere. 32 Mikiloto be Simeha ena tamana. Bona idia ibounai be edia tadikakadia kahirakahira idia noho, unai be Ierusalema ai, bona edia tadikaka ma haida danu be unuseniai idia noho.

33 Nere+ be Kisa ena tamana, Kisa be Saulo ena tamana.+ Saulo be Ionatana, Maliki-sua, Abinadaba, bona Esebala* edia tamana.+ 34 Bona Ionatana ena natuna mero be Meri-bala.*+ Meri-bala be Mika ena tamana.+ 35 Bona Mika ena natudia memero be Pitono, Meleka, Tarea, bona Ahasa. 36 Ahasa be Iehoada ena tamana, Iehoada be Alemete, Asamavete, bona Simiri edia tamana. Simiri be Mosa ena tamana. 37 Mosa be Binea ena tamana, Binea ena natuna mero be Rapaha, Rapaha ena natuna mero be Eleasa, Eleasa ena natuna mero be Asele. 38 Asele ena natudia memero be 6, bona edia ladadia be, Asarikama, Bokeru, Isamaela, Searaia, Obadaia, bona Hanana. 39 Bona iena tadikaka Eseka ena natudia memero be, Ulama, ia be vara guna, iharuana be Ieusu, bona ihatoina be Elipelete. 40 Bona Ulama ena natudia memero be tuari taudia goadadia, idia ese peva gaukaralaia dalana idia diba namonamo, bona idia be mai edia natudia memero bona tubudia memero momo, ibounai be 150. Idia ibounai be Beniamina ena bese taudia.

9 Israela taudia ibounai edia ladadia be lista ai idia torea, bona unai be Israela edia King Taudia Edia Buka lalonai idia torea. Bona Iuda taudia be edia kamonai lasi karana dainai Babulonia dekenai idia abia lao.+ 2 Edia siti dekenai idia giroa lou taudia ginigunadia be Israela taudia haida, hahelaga taudia, Levi taudia, bona dubu ena hesiai taudia.*+ 3 Bona Iuda, Beniamina,+ Eparaima, bona Manase edia bese taudia haida be Ierusalema dekenai idia noho: 4 Utai be Amihuda ena natuna mero, Amihuda be Omeri ena natuna mero, Omeri be Imiri ena natuna mero, Imiri be Bani ena natuna mero. Idia be Iuda ena natuna mero Perese ena bese taudia.+ 5 Bona Silo ena bese taudia be vara guna natuna mero Asaia bona ena natudia memero. 6 Bona Sera ena natudia memero+ be Ieuele bona ena tadikaka ibounai be 690.

7 Bona Beniamina ena bese taudia be inai: Salulu be Mesulama ena natuna mero, Mesulama be Hodavaia ena natuna mero, Hodavaia be Hasenua ena natuna mero, 8 Ibineia be Ierohama ena natuna mero, Elaha be Usisi ena natuna mero, Usisi be Mikiri ena natuna mero, bona Mesulama be Sepataia ena natuna mero, Sepataia be Reuele ena natuna mero, Reuele be Ibinia ena natuna mero. 9 Bona edia bese lalonai edia tadikaka ibounai be 956. Unai tatau ibounai be edia bese taudia edia kwarana taudia.

10 Bona hahelaga taudia be Iedaia, Iehoiaribi, Iakini,+ 11 Asaraia be Hilekaia ena natuna mero, Hilekaia be Mesulama ena natuna mero, Mesulama be Sadoka ena natuna mero, Sadoka be Meraioto ena natuna mero, Meraioto be Ahitubu ena natuna mero, Ahitubu be Dirava momokanina ena ruma* ena gunalaia tauna. 12 Adaia be Ierohama ena natuna mero, Ierohama be Pasahuru ena natuna mero, Pasahuru be Malekaia ena natuna mero, Masai be Adiele ena natuna mero, Adiele be Iahasera ena natuna mero, Iahasera be Mesulama ena natuna mero, Mesulama be Mesilemiti ena natuna mero, Mesilemiti be Imere ena natuna mero, 13 bona edia tadikakadia, bese kwarana taudia unai, be tuari taudia goadadia bona idia hegeregere Dirava momokanina ena ruma ai hesiai gaukara idia karaia totona. Idia ibounai be 1,760.

14 Bona Levi ena bese taudia be inai: Semaia+ be Hasuba ena natuna mero, Hasuba be Asarikama ena natuna mero, Asarikama be Hasabaia ena natuna mero, Hasabaia be Merari ena bese tauna. 15 Bona Bakabakara, Herese, Galala, bona Matanaia, Matanaia be Maika ena natuna mero, Maika be Sikiri ena natuna mero, Sikiri be Asapa ena natuna mero, 16 Obadaia be Semaia ena natuna mero, Semaia be Galala ena natuna mero, Galala be Iedutunu ena natuna mero, bona Berekaia be Asa ena natuna mero, Asa be Elikana ena natuna mero, Elikana be Netopa taudia edia hanua ai ia noho.+

17 Geiti naria taudia+ be Salumu, Akubu, Talamono, Ahimana, bona edia tadikaka Salumu be gunalaia tauna, 18 bona ema bona unai negai ia be king ena geiti, ist kahana ai, ia naria.+ Idia be Levi taudia edia kamepa edia geiti naria taudia. 19 Bona Salumu be Kore ena natuna mero, Kore be Ebiasapa ena natuna mero, Ebiasapa be Kora ena natuna mero, bona ena tadikakadia, Kora besena unai, be bese kwarana taudia. Idia be hesiai gaukara idauidau idia naria, palai rumana ena raka vareai gabuna ena naria taudia, bona edia sene taudia be Iehova ena kamepa ena raka vareai gabuna ena naria taudia. 20 Unai be Pineha,+ ia be Eleasara ena natuna mero+ bona guna ia be edia gunalaia tauna. Iehova be ia ida ia noho. 21 Meselemaia ena natuna mero Sekaraia+ be hebou dubu ena vareai gabuna ena geiti naria tauna.

22 Idia abia hidi geiti naria taudia ibounai be 212. Lista ai edia ladana ia noho hegeregerena edia noho gabudia dekenai idia noho.+ Idia kara momokani dainai, Davida bona peroveta tauna Samuela+ ese idia abidia hidi unai gaukara idia naria totona. 23 Idia bona edia natudia memero be Iehova ena ruma, palai rumana unai, ena iduara naria gaukara idia gunalaia.+ 24 Geiti naria taudia be kahana 4 ai idia gini, unai be ist, west, not, bona saut.+ 25 Nega ta ta ai, edia tadikakadia be edia noho gabudia amo idia mai bona idia ida idia gaukara. Dina 7 lalonai unai bamona idia karaia. 26 Geiti naria taudia badadia 4 idia noho, idia be edia kara momokani dainai idia abidia hidi unai gaukara idia naria totona. Idia be Levi taudia, bona idia ese Dirava momokanina ena ruma ena aniani daiutudia bona dava bada kohu idia noho daiutudia idia naria.+ 27 Hanuaboi ibounai lalonai idia ese Dirava momokanina ena ruma ibounai idia gimaia, badina gadi gaukara bona ki idia naridia, bona daba ta ta ai ruma ena iduara be idia ese idia kehoa.

28 Idia haida be tomadiho totona idia gaukaralaia kohu idauidau idia naria.+ Unai kohu idia abia mai bona idia abia lao negadia ai idia ese idia duahidia. 29 Idia haida be idia abia hidi kohu ma haida bona kohu helagadia ibounai idia naria totona,+ bona paraoa namona,+ wain,+ oela,+ frenkinsens,*+ bona balsam* oela+ idia naria danu. 30 Hahelaga taudia edia natudia memero haida ese balsam oela ena dehoro idia mikisia. 31 Bona Levi tauna Matitaia, Kora tauna Salumu ena vara guna natuna, be ena kara momokani dainai, uro amo idia gabua paraoa idauidau ia naria.+ 32 Edia tadikaka haida, Kohata besena taudia unai, ese paraoa helagana* karaia gaukara idia naria,+ sabati ta ta ai idia hegaegaelaia totona.+

33 Inai be ane abia taudia, idia be aniani daiutudia idia naria Levi taudia edia bese kwaradia. Idia be gaukara ma haida idia karaia lasi, badina dina bona hanuaboi edia maduna idia huaia. 34 Unai Levi taudia edia bese kwarana taudia be edia famili ta ta edia ladadia hegeregerena idia torea. Idia be Ierusalema ai idia noho.

35 Gibeona ena tamana Ieile be Gibeona ai ia noho.+ Iena adavana ena ladana be Maka. 36 Bona iena vara guna natuna mero be, Abidona, iena murinai be Suru, Kisa, Bala, Nere, Nadaba, 37 Gedoro, Ahio, Sekaraia, bona Mikiloto. 38 Mikiloto be Simeama ena tamana. Bona idia ibounai be edia tadikakadia kahirakahira idia noho, unai be Ierusalema ai, bona edia tadikaka ma haida danu be unuseniai idia noho. 39 Nere+ be Kisa ena tamana. Kisa be Saulo ena tamana,+ Saulo be Ionatana, Maliki-sua, Abinadaba, bona Esebala edia tamana.+ 40 Bona Ionatana ena natuna mero be Meri-bala.+ Meri-bala be Mika ena tamana.+ 41 Bona Mika ena natudia memero be Pitono, Meleka, Taharea, bona Ahasa. 42 Ahasa be Iara ena tamana, Iara be Alemete, Asamavete, bona Simiri edia tamana. Simiri be Mosa ena tamana. 43 Mosa be Binea ena tamana, Binea ena natuna mero be Repaia, Repaia ena natuna mero be Eleasa, Eleasa ena natuna mero be Asele. 44 Asele ena natudia memero be 6, bona edia ladadia be Asarikama, Bokeru, Isamaela, Searaia, Obadaia, bona Hanana.

10 Filistia taudia be Israela taudia idia tuari henia. Bona Israela tuari tatau be Filistia taudia amo idia heau, bona idia momo be Gileboa Ororo ai idia hamasea.+ 2 Filistia taudia be Saulo bona ena natudia memero kahirakahira momokani idia heau lao, bona idia ese Saulo ena natudia memero, Ionatana, Abinadaba, bona Maliki-sua idia aladia mase.+ 3 Tuari ia bada momokani, bona peva gaukaralaia taudia ese Saulo idia pidia bona idia haberoa.+ 4 Bena Saulo be ena kesi huaia tauna dekenai ia gwau: “Emu tuari kaia oi abia bona lau oi alaia, unai amo inai kopina utua lasi tatau ese dagedage dalanai lau do idia kara henia lasi.”+ To ena kesi huaia tauna ia ura lasi, badina ia gari bada. Vadaeni Saulo ese tuari kaia ia abia bona ena latanai ia moru.+ 5 Iena kesi huaia tauna ia itaia Saulo be ia mase neganai, ia danu be ena tuari kaia latanai ia moru bona ia mase. 6 Saulo, ena natudia toi, bona ena bese taudia ibounai idia mase.+ 7 Koura kahanai idia noho Israela taudia ibounai ese Israela tuari tatau idia heau bona Saulo bona ena natudia idia mase ena sivarai idia kamonai neganai, edia siti idia rakatanidia matamaia bona idia heau. Bena Filistia taudia idia mai bona unai siti idia abidia.

8 Murina dinana ai, Filistia taudia be mase taudia edia kohu henaoa totona idia lao neganai, idia itaia Gileboa Ororo ai Saulo bona ena natudia memero idia mase vadaeni.+ 9 Vadaeni Saulo ena kwarana idia utua bona ena tuari kohu idia abia bona Filistia taudia be edia tano ibounai dekenai hereva idia siaia, unai amo unai sivarai be edia kaivakuku bona taunimanima huanai idia gwauraia.+ 10 Bena idia ese ena tuari kohu be edia dirava ena ruma* dekenai idia atoa bona ena kwarana ena turia be Dagona dubu ena haba ai idia kokoa.+

11 Gileada ai idia noho Iabese taudia ibounai+ idia kamonai, Filistia taudia be Saulo dekenai unai idia karaia neganai,+ 12 tuari taudia goadadia ibounai idia toreisi bona Saulo bona ena natudia memero edia mase tauanina idia abia lao. Iabese siti dekenai idia abia lao bona edia turia be unai siti ena au badana ta henunai idia guria,+ bona dina 7 lalonai idia aniani lasi.*

13 Saulo ia mase badina ia ese Iehova ia abidadama henia lasi bona Iehova ena hereva ia badinaia lasi,+ bona danu mase taudia edia lauma ia hereva henia hahinena ta ena heduru ia tahua,+ 14 to Iehova ena heduru ia tahua lasi. Unai dainai Dirava ese ia hamasea bona king dagina be Iese ena natuna mero Davida dekenai ia henia.+

11 Vadaeni Israela ena iduhu ibounai be Davida dekenai idia mai, ia be Heberona ai,+ bona idia gwau: “Itaia, ai be emu rara tamona taudia.+ 2 Guna Saulo be emai king neganai, oi ese tuari dekenai Israela taudia oi gunalaia.+ Bona Iehova emu Dirava be oi dekenai ia gwau: ‘Oi ese egu taunimanima, Israela taudia unai, do oi naria bona edia hakaua tauna ai do oi lao.’”+ 3 Vadaeni Israela ena tau badadia ibounai be king dekenai idia mai, Heberona ai, bona unuseniai Davida ese idia ida gwauhamata ta ia karaia, Iehova vairanai. Bena idia ese Davida idia horoa bona ia be Israela ena king ai ia lao,+ Iehova be Samuela amo ia hereva hegeregerena.+

4 Gabeai Davida bona Israela taudia ibounai be Ierusalema, unai be Iebusu, dekenai idia lao,+ unai tano ai Iebusu taudia idia noho.+ 5 Iebusu taudia ese Davida idia hevasehalaia, idia gwau: “Oi be iniseni oi vareai diba lasi!”+ To, Davida ese Siona ena siti mai magu aukana ia abia,+ gabeai ena ladana idia hatoa Davida Ena Siti.+ 6 Vadaeni Davida ia gwau: “Bema daika ese Iebusu taudia do ia hamasea guna, ia be tuari taudia edia gunalaia tauna ai do ia lao.” Bona Seruia ena natuna Ioaba+ ia daekau lao guna, bona ia be gunalaia tauna ai ia lao. 7 Bena Davida be siti mai magu aukana dekenai ia noho matamaia. Unai dainai idia gwauraia Davida Ena Siti. 8 Davida ese Ororo* badinai siti ena magu bona ruma ia haginidia matamaia, bona Ioaba ese siti ena kahana haida ia hanamoa lou. 9 Vadaeni Davida ena siahu be ia bada ia lao,+ bona tuari oreadia edia Iehova* be ia ida.

10 Inai be Davida ena tuari taudia goadadia edia gunalaia taudia, idia bona Israela taudia ibounai ese Davida idia durua king ai ia lao totona, Iehova ese Israela taudia dekenai ia gwauhamata hegeregerena.+ 11 Davida ena tuari taudia goadadia edia ladana be inai: Iasobeama,+ ia be Hakamoni tauna ena natuna bona unai taudia toi edia kwarana.+ Nega ta, ia ese ena io amo tatau 300 ia hamasea.+ 12 Iasobeama ena badinai be Eleasara ia gini,+ ia be Dodo ena natuna mero, Dodo be Ahohi ena bese tauna.+ Idia toi amo, Eleasara danu be tuari tauna goadana. 13 Ia be Davida ida Pasa-damimi dekenai ia noho,+ unuseniai Filistia taudia be tuari totona idia haboua. Unai gabu ai tano ta be bali amo ia honu, bona Israela taudia be Filistia taudia dainai idia heau. 14 To Eleasara be uma ena huanai ia gini bona unai gabu ia gimaia bona Filistia taudia ia hamasea noho, unai amo Iehova ese idia ia hamauria.+

15 Gunalaia taudia 30 amo tatau toi be nadi ororona dekenai idia lao, Davida be unuseni ia noho, unai be Adulama ena kohua dekenai,+ unai nega ai Filistia taudia edia tuari oreana ta be Repaima Kourana ai ia kamepa noho.+ 16 Davida be hunia gabuna ta dekenai ia noho, bona Filistia tuari taudia be Betelehema dekenai idia noho. 17 Bena Davida ia gwau: “Bema Betelehema ena geiti badinai ia noho ranu guri* amo ranu lau inua be namo!”+ 18 Unai nega ai, tuari taudia goadadia toi be Filistia taudia edia kamepa dekenai idia lao bona Betelehema ena geiti badinai ia noho ranu guri* amo ranu idia abia bona Davida dekenai idia mailaia. To ia ura lasi unai ranu ia inua bona Iehova vairanai ia bubua diho. 19 Ia gwau: “Egu Dirava ena vairanai, lau be inai ranu do lau inua diba lasi! Unai tatau be edia mauri* idia haboioa diba, bona lau ese edia rara do lau inua, a?+ Unai ranu idia abia totona do idia mase diba.” Unai dainai ia ura lasi unai ranu ia inua. Unai be ena tuari tatau goadadia toi ese idia karaia gaudia.

20 Abisai+ be Ioaba ena tadikaka,+ bona ia be tuari tatau ma toi edia gunalaia tauna. Nega ta, ia ese ena io amo tatau 300 ia hamasea, bona ia be tuari taudia goadadia toi hegeregerena.+ 21 Tatau goadadia rua amo, ia be mai ena ladana bada bona ia be edia gunalaia tauna, to ia ese tuari tatau goadadia toi edia dagi ia abia lasi.

22 Iehoiada ena natuna Benaia+ be gari lasi tauna, bona ia be Kabisele dekenai gau momo ia karaia.+ Ia ese Moaba tauna Ariele ena natudia memero rua ia hamasea, bona sinou bada dinana ai ranu guri lalonai ia diho bona laiona ta ia alaia mase.+ 23 Danu ia ese Aigupito tau bada hereana ta, ena lata be 5 kiubit,* ia hamasea.+ Ena be unai Aigupito tauna be io badana* ta ia dogoatao,+ to Benaia ese au ta amo unai Aigupito tauna ia tuari henia bona ena imana amo io ia kokia bona sibona ena io amo unai tauna ia hamasea.+ 24 Iehoiada ena natuna Benaia ese unai gaudia ia karaia, bona ia be tuari taudia goadadia toi hegeregerena. 25 Ena be unai gunalaia taudia 30 amo ia be ladana bada tauna, to ia ese tuari taudia goadadia toi edia dagi ia abia lasi.+ To Davida ese ia ia abia hidi iena gima tauna ta ai ia lao totona.

26 Unai tatau goadadia haida be inai: Ioaba ena tadikaka Asahele,+ Betelehema tauna Dodo ena natuna mero Elehanana,+ 27 Haroda tauna Samota, Pelono tauna Helese, 28 Tekoa tauna Ikese ena natuna mero Ira,+ Anatoto tauna Abiesere,+ 29 Husa tauna Sibekai,+ Ahohi tauna Ilai, 30 Netopa tauna Maharai,+ Netopa tauna Banaha ena natuna mero Helede,+ 31 Itai, ia be Ribai ena natuna. Ribai be Beniamina taudia edia hanua Gibea amo,+ Piratono tauna Benaia, 32 Gaso koura amo ia mai tauna Hurai,+ Arabaha tauna Abiele, 33 Bahurimi tauna Asamavete, Salabima tauna Eliahaba, 34 Gisono tauna Haseme ena natudia memero, Harari tauna Sage ena natuna mero Ionatana, 35 Harari tauna Sakara ena natuna mero Ahiama, Uru ena natuna mero Elipala, 36 Mekerata tauna Hepere, Pelono tauna Ahaisa, 37 Karamele tauna Hesero, Esebai ena natuna mero Narai, 38 Natana ena tadikaka Ioela, Hagiri ena natuna mero Mibihara, 39 Amono tauna Sekele, Beroto tauna Naharai, ia be Seruia ena natuna Ioaba ena tuari kohu huaia tauna. 40 Itiri taudia Ira bona Gareba, 41 Hiti tauna Uria,+ Ahalai ena natuna mero Sabada, 42 Rubena tauna Sisa ena natuna mero Adina, Rubena ena bese ena kwarana tauna, bona tatau 30 be ia ida. 43 Maka ena natuna mero Hanana, Mitini tauna Iosapata, 44 Asataroto tauna Usia, Aroere tauna Hotama ena natudia memero Sama bona Ieile. 45 Simirai ena natuna mero Iediaele, bona ena tadikaka Tisi tauna Ioha, 46 Mahava tauna Eliele, Elinama ena natudia memero Ieribai bona Iosavaia, bona Moaba tauna Itima. 47 Eliele, Obeda, bona Mesoba tauna Iasiela.

12 Davida be Kisa ena natuna mero Saulo dainai Sikilaga dekenai ia hunia neganai, inai tatau be ia dekenai idia mai.+ Idia be tatau goadadia, bona tuari lalonai Davida idia durua.+ 2 Idia be mai edia peva, bona edia imana laurina bona idibana idia gaukaralaia diba+ varo amo nadi idia negea+ eiava peva amo diba idia pidia totona. Idia be Saulo ena tadikaka,* Beniamina amo.+ 3 Ahiesere be gunalaia tauna, bona Ioasa, idia ruaosi be Gibea tauna Semaha ena natudia memero,+ Iesiele bona Pelete, idia be Asamavete ena natudia memero,+ Beraka, Anatoto tauna Iehu, 4 Gibeona tauna Isimaia,+ ia be gunalaia taudia 30 huanai tuari tauna goadana,+ bona idia ia naria. Danu Ieremia, Iahasiele, Iohanana, Gedera tauna Iosabada, 5 Elusai, Ierimoto, Bealaia, Semaraia, Haripa tauna Sepataia, 6 Elikana, Isihaia, Asarelo, Ioesere, bona Iasobeama, idia be Kora taudia.+ 7 Bona Gedoro tauna Ierohama ena natudia memero Ioelaha bona Sebadaia.

8 Gado taudia haida be edia tadikaka amo idia siri bona Davida ena kahana dekenai idia lao, ia be tano kaukau ai hunia gabuna ta ai ia noho.+ Unai iduhu taudia be tuari taudia goadadia, tuari totona idia hegeregere, mai edia kesi badana bona io ida idia gini hegaegae, edia toana be laiona bamona* bona ororo ena dia bamona idia heau haraga. 9 Esere be idia ia gunalaia, iharuana be Obadaia, ihatoina be Eliaba, 10 namba 4 be Misimana, namba 5 be Ieremia, 11 namba 6 be Atai, namba 7 be Eliele, 12 namba 8 be Iohanana, namba 9 be Elisabada, 13 namba 10 be Ieremia, namba 11 be Makabanai. 14 Idia be Gado iduhu taudia,+ tuari orea idia gunalaia taudia. Goada momokani lasi tauna ese tuari taudia 100 ia halusidia diba, bona goada momokani tauna ese tuari taudia 1,000 ia halusidia diba.+ 15 Inai tatau be hua ginigunana ai Ioridane sinavai idia hanaia, unai nega ai sinavai be ia abata, bona idia ese tano palakana ai idia noho taudia ibounai be ist bona west kahana dekenai idia luludia lao.

16 Beniamina bona Iuda tatau haida danu be Davida ia hunia gabuna dekenai idia mai.+ 17 Vadaeni Davida be idia dekenai ia lao bona ia gwau: “Bema umui be mai maino ida umui mai lau umui durua totona, vadaeni umui be egu turadia. To bema lau umui koia bona egu inai taudia dekenai lau umui henia totona umui mai, lau be kerere ta lau karaia lasi, namona be iseda sene taudia edia Dirava ese unai ia itaia bona umui do ia hahemaoro henia.”+ 18 Vadaeni Dirava ena lauma be tuari taudia 30 ia gunalaia tauna Amasai latanai ia diho,+ bona Amasai ia gwau:

“Iese ena natuna Davida e, ai be oiemu taunimanima.+

Unai dainai Davida be idia ia abia dae bona tuari orea taudia edia gunalaia taudia ai ia halaodia.

19 Davida be Filistia taudia ida Saulo tuari henia totona ia mai neganai, Manase ena tatau haida be Saulo ena tuari orea idia rakatania bona Davida ena kahana dekenai idia lao. To ia ese Filistia taudia ia durua lasi, badina idia herevahereva murinai, Filistia taudia edia lohia taudia ese ia idia siaia lao,+ idia gwau: “Ia be ita do ia rakatania bona ena lohia tauna Saulo dekenai do ia lao, bona dika do ita davaria diba.”+ 20 Davida be Sikilaga dekenai ia lao neganai,+ ia dekenai idia mai Manase tatau edia ladadia be inai: Adinae, Iosabada, Iediaele, Mikaela, Iosabada, Elihu, bona Sileta, idia be Manase taudia tausen momo edia kwarana taudia.+ 21 Idia be Davida idia durua bona dadidadi oreana idia tuari henia, badina idia ibounai be goada bada bona gari lasi taudia,+ bona tuari taudia edia gunalaia taudia ai idia lao. 22 Dina ta ta ai taunimanima be Davida dekenai idia mai noho+ ia idia durua totona, ela bona tuari oreana ia bada herea, Dirava ena tuari oreana bamona.+

23 Davida be Heberona ai ia noho neganai, tatau mai edia tuari kohudia be ia dekenai idia mai,+ unai amo Davida ese Saulo ena king dagi do ia abia, Iehova ena oda hegeregerena.+ Inai be idia haboua taudia ibounai edia namba. 24 Kesi badana bona io idia huaia Iuda tatau ibounai be 6,800, idia be tuari totona idia hegaegae. 25 Simeona iduhuna amo, goada bona gari lasi tuari taudia ibounai be 7,100.

26 Levi iduhuna amo be 4,600. 27 Iehoiada+ be Arona ena natudia memero edia gunalaia tauna,+ bona ia ida be tatau 3,700, 28 bona goada bona gari lasi tau matamata, Sadoka,+ bona iena bese kwarana taudia amo gunalaia tatau 22 danu be idia ida idia lao.

29 Saulo ena tadikakadia,+ Beniamina iduhu amo tatau ibounai 3,000 idia lao, idia momo be guna Saulo bona ena ruma bese idia badinaia. 30 Eparaima iduhuna amo, goada bona gari lasi tatau ibounai be 20,800, idia be edia bese kwaradia huanai ladana bada taudia.

31 Manase iduhu kahana amo, tatau ibounai 18,000 idia abidia hidi Davida be king ai idia halaoa totona. 32 Isakara iduhuna amo be iduhu kwarana taudia ibounai 200, nega ena toa bona Israela taudia idia karaia diba gauna idia diba taudia unai, bona edia tadikakadia be edia oda henunai idia gaukara. 33 Sebuluno iduhuna amo, tatau ibounai be 50,000, idia be tuari lalonai idia vareai, bona tuari totona edia tuari kohu ibounai idia abia hegaegae, bona mai lalotamona ida Davida idia badinaia.* 34 Napatali iduhuna amo, gunalaia taudia ibounai be 1,000, bona idia ida be tatau 37,000, idia ese kesi badana bona io idia huaia. 35 Dano iduhuna amo, tuari totona idia hegaegae taudia ibounai be 28,600. 36 Bona Asere iduhuna amo, tuari totona idia hegaegae taudia ibounai be 40,000.

37 Ioridane ena kahana ai+ idia noho Rubena iduhuna, Gado iduhuna, bona Manase iduhu kahana taudia amo tuari taudia ibounai be 120,000, idia be mai edia tuari kohu idauidau. 38 Unai tatau ibounai be tuari taudia, idia be tuari totona idia gini hegaegae. Idia lalotamona bona Heberona dekenai idia mai, Davida be king ai idia halaoa totona, bona danu Israela taudia oredia ibounai idia lalotamona Davida be king ai idia halaoa totona.+ 39 Bona idia be unuseniai Davida ida dina toi idia noho, idia aniani bona idia inuinu, badina edia tadikakadia ese idia totona unai gaudia idia hegaegaelaia. 40 Danu gabu kahirakahira idia noho taudia, bona gabu daudaudia, hegeregere Isakara, Sebuluno, bona Napatali ai idia noho taudia ese doniki, kamelo, bona boromakau amo aniani idia mailaia. Idia mailaia aniani be paraoa, fig kaukau keke bona greips huahua keke, wain, oela, bona boromakau bona mamoe momo herea, badina Israela ai moale bada ia vara noho.

13 Davida be tuari orea taudia 1,000 ta ta edia biagudia bona tuari orea taudia 100 ta ta edia biagudia bona gunalaia taudia ibounai ida ia herevahereva.+ 2 Vadaeni Davida ese Israela ena bese taudia ibounai dekenai ia gwau: “Bema umui dekenai ia namo bona iseda Dirava Iehova ese unai ia abia dae, namona be hereva ita siaia, unai amo Israela ibounai dekenai idia noho tadikakadia bona siti mai ena rei gabudia ai idia noho hahelaga taudia bona Levi taudia be ita do idia bamoa.+ 3 Bona namona be iseda Dirava ena Maua do ita abia mai lou.”+ Badina Saulo ena nega ai unai maua idia naria namonamo lasi.+ 4 Israela ena bese taudia ibounai idia lalotamona unai idia karaia totona, badina idia laloa unai be maoro. 5 Vadaeni Davida ese Israela taudia ibounai, Aigupito ena sinavai kahana amo ela bona Lebo-hamata* ai idia noho taudia, ia haboua,+ Kiriata-iearimi amo Dirava momokanina ena Maua idia abia mai totona.+

6 Davida bona Israela taudia ibounai be Iuda ena hanua Ba-alaha, unai be Kiriata-iearimi dekenai idia daekau lao,+ kerubi rua edia ataiai* ia helai Dirava momokani ena Maua idia mailaia totona.+ Unai maua ia noho gabunai taunimanima be Iehova ena ladana ai idia boiboi. 7 Vadaeni idia ese Dirava momokanina ena Maua be treila matamata latanai idia atoa,+ bona Abinadaba ena ruma amo idia abia lao, bona Usa bona Ahio, be treila vairanai idia raka.+ 8 Davida bona Israela besena ibounai be Dirava momokanina ena vairanai idia moale bada noho bona ane idia abia, hap,* miusiki gaudia ma haida mai edia varo, tambarin,+ simbol* idia gadaralaia,+ bona kibi idia hiriria danu.+ 9 To Kidona ena witi moia gabuna ai idia ginidae neganai, Usa ese ena imana amo Dirava momokanina ena Maua ia dogoatao, badina boromakau ese kahirakahira treila ia hagiroa. 10 Unai neganai Iehova be Usa dekenai ia badu momokani, bona ia hamasea, badina ia ese Maua ia dogoatao.+ Unuseniai Dirava ena vairanai ia mase.+ 11 To Davida ia badu,* badina Iehova ena badu be Usa latanai ia diho, bona unai gabu ena ladana idia hatoa Perese-usa ema bona hari.

12 Vadaeni unai dina ai Davida be Dirava momokanina dekenai ia gari bona ia gwau: “Dirava momokanina ena Maua be edena bamona lau dekenai do idia abia mai?”+ 13 Davida ese Maua be ia noho gabuna, Davida Ena Siti dekenai ia abia mai lasi. To Gata tauna Obeda-edoma ena ruma dekenai ia abia lao. 14 Hua toi lalonai Dirava momokanina ena Maua be Obeda-edoma ena ruma dekenai ia noho, bona Iehova ese Obeda-edoma ena ruma bese bona ia biagua gaudia ibounai ia hanamoa noho.+

14 Turo ena king Hirama+ ese Davida dekenai gwaukau taudia ia siaia, bona sida audia, kapenta taudia, bona nadi koroa taudia ia siaia danu, Davida ena ruma idia haginia totona.+ 2 Davida ia diba Iehova ese ia be Israela ena king ai ia halaoa vadaeni bona ena taunimanima,+ Israela taudia totona Ia ese Davida ena lohia dalana ia hanamoa bada.+

3 Davida be Ierusalema ai hahine momo ia adavaia,+ bona Davida be natudia memero bona kekeni momo edia tamana ai ia lao.+ 4 Inai be iena natudia, Ierusalema ai idia vara natudia edia ladana:+ Samua, Sobaba, Natana,+ Solomona,+ 5 Ibihara, Elisua, Elepelete, 6 Noga, Nepega, Iapia, 7 Elisama, Beliada, bona Elipelete.

8 Filistia taudia idia kamonai, Davida be idia horoa Israela ena king ai ia lao totona,+ vadaeni Filistia taudia ibounai idia daekau lao Davida idia tahua totona.+ Davida be unai ia kamonai neganai, idia tuari henia totona ia lao. 9 Bena Filistia taudia idia vareai bona Repaima Kourana dekenai idia noho taudia idia tuari henia matamaia.+ 10 Davida ese Dirava ia nanadaia: “Filistia taudia tuari henia totona do lau lao, a? Oi ese idia be egu imana dekenai do oi atoa, a?” Unai neganai Iehova be ia dekenai ia gwau: “Oi daekau lao, badina lau ese momokani Filistia taudia be emu imana dekenai do lau atoa.”+ 11 Vadaeni Davida be Bala-perasimi dekenai ia lao,+ bona unuseniai ia ese idia ia alaia mase. Bena ia gwau: “Dirava momokanina be egu vairanai ia lao, ia aru haraga ranuna bamona, bona egu inai taudia ia hadikaia ore.” Unai dainai unai gabu ena ladana ia hatoa Bala-perasimi.* 12 Filistia taudia ese edia dirava be unuseni idia rakatanidia, bona Davida ena oda hegeregerena, lahi dekenai idia gabua.+

13 Gabeai Filistia taudia be idia daekau lao lou bona koura* ai idia noho taudia idia tuari henia.+ 14 Davida ese Dirava ia nanadaia lou, to Dirava momokanina be ia dekenai ia gwau: “Idia dekenai maoromaoro oi lao lasi. To edia murina kahana amo oi lao, unai amo baka audia vairanai idia oi tuari henia.+ 15 Baka audia edia ataiai amo aena regena oi kamonai neganai, namona be oi haraga, badina lau, Dirava momokanina, be oi vairanai do lau lao Filistia ena tuari taudia lau alaia mase totona.”+ 16 Vadaeni Davida be Dirava momokani ese ia oda henia hegeregerena ia kara,+ bona Filistia taudia ia alaia mase, Geba amo ela bona Gesere dekenai.+ 17 Bona tano ibounai dekenai Davida ena ladana ia bada ia lao, bona Iehova dainai bese ibounai ese Davida idia gari henia.+

15 Bona Davida Ena Siti ai Davida be ena ruma ia haginidia noho, bona Dirava momokanina ena Maua totona gabu ta ia hegaegaelaia bona Maua ena palai rumana ta ia haginia.+ 2 Unai nega ai Davida ia gwau: “Ta ese Dirava momokanina ena Maua do ia huaia lasi, to Levi taudia sibona ese do idia huaia, badina Iehova ese idia ia abia hidi Iehova ena Maua idia huaia bona nega ibounai Ia idia hesiai henia totona.”+ 3 Bena Ierusalema ai Davida ese Israela taudia ibounai ia haboua Iehova ena Maua be ia hegaegaelaia gabuna dekenai idia abia mai totona.+

4 Davida ese Arona ena bese taudia+ bona Levi taudia ia haboua.+ 5 Kohata besena amo ia ese bese gunalaia tauna Uriele bona ena bese taudia ma haida 120 ia abia. 6 Merari besena amo ia ese bese gunalaia tauna Asaia+ bona ena bese taudia ma haida 220 ia abia. 7 Geresome besena amo ia ese bese gunalaia tauna Ioela+ bona ena bese taudia ma haida 130 ia abia. 8 Elisapana besena+ amo ia ese bese gunalaia tauna Semaia bona ena bese taudia ma haida 200 ia abia. 9 Heberona besena amo ia ese gunalaia tauna Eliele bona ena bese taudia ma haida 80 ia abia. 10 Usiele besena amo+ ia ese gunalaia tauna Aminadaba bona ena bese taudia ma haida 112 ia abia. 11 Ma danu, Davida ese hahelaga taudia Sadoka+ bona Abiatara+ bona Levi taudia Uriele, Asaia, Ioela, Semaia, Eliele, bona Aminadaba ia boiria, 12 bona idia dekenai ia gwau: “Umui be Levi ena bese kwarana taudia. Umui bona emui tadikakadia umui helaga, bona Israela ena Dirava Iehova ena Maua be lau hegaegaelaia gabuna dekenai umui abia mai. 13 Guna umui ese unai Maua umui huaia lasi dainai,+ Iehova iseda Dirava ena badu be ita latanai ia diho,+ badina ita ese iena dala maorona ita badinaia lasi.”+ 14 Vadaeni hahelaga taudia bona Levi taudia be sibona idia hahelagaia, unai amo Israela ena Dirava Iehova ena Maua idia abia mai diba.

15 Vadaeni Levi taudia ese Dirava momokanina ena Maua ena huaia auri be edia pagana ai idia atoa bona Maua idia huaia,+ Iehova ese Mose amo ia henia oda hegeregerena. 16 Bena Davida ese Levi ena gunalaia taudia ia hamaoroa edia tadikakadia, ane idia abia taudia unai, do idia abia hidi, unai amo mai moale ida ane idia abia bona miusiki gaudia, hegeregere miusiki gaudia mai edia varo, hap,*+ bona simbol* do idia gadaralaia.+

17 Vadaeni Levi taudia ese Ioela ena natuna mero Hemana,+ bona ena tadikakadia amo Asapa,+ Berekaia ena natuna mero, bona Merari taudia amo Etana,+ Kusaia ena natuna mero, idia abia hidi. 18 Idia ida be edia tadikakadia, orea iharuana amo:+ Sekaraia, Beni, Iasiele, Semiramoto, Ieiele, Uni, Eliaba, Benaia, Maseaia, Matitaia, Elipelehu, bona Mikineia bona geiti naria taudia Obeda-edoma bona Ieile. 19 Ane abia taudia Hemana,+ Asapa+ bona Etana ese kopa amo idia karaia simbol do idia gadaralaia.+ 20 Bona Sekaraia, Asiele, Semiramoto, Ieiele, Uni, Eliaba, Maseaia, bona Benaia ese miusiki gaudia mai edia varo be Alamota* tiuni ai idia gadaralaia.+ 21 Bona Matitaia,+ Elipelehu, Mikineia, Obeda-edoma, Ieile, bona Asasaia ese hap be Seminiti* tiuni ai idia gadaralaia,+ unai amo miusiki gadaralaia taudia idia gunalaia. 22 Levi taudia edia gunalaia tauna Kenanaia+ be maua huaia gaukara ia naria, badina ia be unai gaukara ia diba momo, 23 bona Berekaia bona Elikana be Maua ena geiti naria taudia. 24 Hahelaga taudia Sebanaia, Iosapata, Netanele, Amasai, Sekaraia, Benaia, bona Eliesere be Dirava momokanina ena Maua vairanai kibi idia hiriria badabada,+ bona Obeda-edoma bona Iehaia be Maua totona geiti idia naria danu.

25 Bena Davida bona Israela ena tau badadia bona tuari taudia 1,000 ta ta edia gunalaia taudia be mai moale ida idia lao Obeda-edoma ena ruma amo Iehova ena Taravatu Maua idia mailaia totona.+ 26 Dirava momokanina ese Levi taudia, Iehova ena Taravatu Maua idia huaia taudia unai, ia durua dainai, idia ese boromakau 7 bona mamoe tau 7 idia bouboulaia.+ 27 Davida bona Maua idia huaia Levi taudia ibounai, ane abia taudia, bona maua huaia taudia bona ane abia taudia ia gunalaia tauna Kenanaia be imana lasi dabua namo hereana idia karaia. Davida ese epodi* dabua ia atoa danu.+ 28 Israela bese ibounai be Iehova ena Taravatu Maua idia abia daekau,+ mai moale ida idia boiboi, kibi idauidau idia hiriria,+ simbol, miusiki gaudia mai edia varo bona hap idia gadaralaia.+

29 To Iehova ena Taravatu Maua be Davida Ena Siti ai idia abia vareai neganai,+ Saulo ena natuna Mikala+ be ruma ena windo amo ia itaia King Davida be ia roho isi bona ia mavaru noho. Bona ena kudouna ai Davida ia lalodika henia matamaia.+

16 Vadaeni idia ese Dirava momokanina ena Maua be Davida ese ia haginia palai rumana lalonai idia abia vareai, bona ena gabu ai idia atoa.+ Bena idia ese Dirava momokanina ena vairanai gabua bouboudia bona maino karaia bouboudia idia henia.+ 2 Davida ese gabua bouboudia bona maino karaia bouboudia ia henia ore murinai,+ ia ese Iehova ena ladana ai taunimanima ia hanamoa. 3 Danu, ia ese Israela taudia ibounai, tatau bona hahine ta ta dekenai paraoa kuboru, pama huahua keke, bona greips kaukau keke ia henidia. 4 Bena ia ese Levi taudia haida ia abia hidi Iehova ena Maua vairanai hesiai gaukara idia karaia,+ bona Israela ena Dirava Iehova idia matauraia,* tanikiu henia, bona hanamoa totona. 5 Asapa+ be ane abia taudia edia gunalaia tauna, bona Sekaraia be ena durua tauna. Bona Ieile, Semiramoto, Ieiele, Matitaia, Eliaba, Benaia, Obeda-edoma, bona Ieile+ ese miusiki gaudia mai edia varo bona hap* idia gadaralaia.+ Bona Asapa ese simbol* ia gadaralaia,+ 6 bona hahelaga taudia Benaia bona Iahasiele be nega ibounai Dirava momokanina ena Taravatu Maua vairanai kibi idia hiriria.

7 Unai dina ai Davida ese Iehova tanikiu henia anena ta ia torea bona Asapa bona ena tadikakadia ia oda henia unai ane idia abia totona,+ ia gwau:

10 Iena ladana helagana umui heagilaia.+

Iehova idia tahua taudia edia kudouna ia moale be namo.+

11 Iehova umui tahua+ bona ia amo ena goada umui noia.

Iena lalonamo totona umui noinoi.+

14 Ia be Iehova iseda Dirava.+

Iena taravatu be tanobada ibounai dekenai ia noho.+

23 Tanobada taudia ibounai e, Iehova dekenai ane umui abia!

Dina ta ta ai iena hamauria daladia umui gwauraia!+

25 Badina Iehova ena siahu be bada herea bona hanamoa ia abia be namo.

Ia sibona ita gari henia be namo, badina dirava idauidau ibounai ia hereaia.+

29 Iehova ena ladana dainai ia umui hanamoa.+

Harihari gauna ta umui abia bona ena vairanai umui mai.+

Iehova dekenai umui tui diho* mai emui dabua helagadia ida.*+

30 Tanobada taudia ibounai e, ia vairanai umui heudeheude mai gari ida!

Tanobada be ia gini goada noho. Do ia marere diba lasi.+

31 Guba ia moale, bona tanobada ia moale bada.+

Bese idauidau huanai umui gwau: ‘Iehova be King ai ia lao vadaeni!’+

32 Davara bona davara lalonai idia noho gaudia ibounai do idia boiboi.

Tano bona tano latanai idia noho gaudia ibounai do idia moale.

34 Iehova tanikiu henia, badina ia be namo.+

Iena lalokau* be ia noho hanaihanai.+

Bona taunimanima ibounai idia gwau, “Amen!”* Bona idia ese Iehova idia hanamoa.

37 Vadaeni Davida ese Asapa bona Levi taudia ma haida be unuseniai ia rakatania,+ Iehova ena Taravatu Maua ena vairanai edia hesiai gaukara idia karaia noho totona,+ dina ta ta ai idia karaia hegeregerena.+ 38 Obeda-edoma bona Levi taudia ma haida, idia ibounai be 68, bona Iedutunu ena natuna mero Obeda-edoma, bona Hosa be geiti naria taudia. 39 Bona hahelaga tauna Sadoka+ bona hahelaga taudia ma haida be Gibeona ena ataiai gabuna* dekenai Iehova ena dubu ai hesiai gaukara idia karaia,+ 40 unai amo nega ibounai boubou patana latanai Iehova dekenai gabua bouboudia idia henia, unai be daba ai bona adorahi ai idia karaia, bona Taravatu bukana lalonai idia torea gaudia ibounai do idia karaia, Iehova ese Israela taudia ia oda henia hegeregerena.+ 41 Idia ida be Hemana bona Iedutunu+ bona idia abia hidi tatau oredia idia noho Iehova idia tanikiu henia totona,+ badina “Iena lalokau* be ia noho hanaihanai.”+ 42 Bona Hemana bona Iedutunu be idia ida idia noho,+ kibi idia hiriria, simbol bona miusiki gaudia idauidau idia gadaralaia Dirava momokanina hanamoa totona. Bona Iedutunu ena natudia memero+ be geiti idia naria. 43 Bena taunimanima ibounai be edia noho gabudia ta ta dekenai idia lao, bona Davida be ena ruma bese hanamoa totona ia lao.

17 Davida be sibona ena ruma ai ia noho, vadaeni peroveta tauna Natana dekenai ia gwau:+ “Lau be sida rumana lalonai lau noho,+ to Iehova ena Taravatu Maua be palai rumana lalonai ia noho.”+ 2 Natana be Davida dekenai ia gwau: “Emu kudouna ena ura hegeregerena oi kara, badina Dirava momokanina be oi ida.”

3 Unai hanuaboi ai, Dirava be Natana ia hereva henia, ia gwau: 4 “Oi lao bona egu hesiai tauna Davida dekenai oi gwau, ‘Iehova be inai bamona ia hereva: “Oi ese ruma do oi haginia lasi lau noho totona.+ 5 Israela taudia be Aigupito amo lau hakaua mai dinana amo ema bona hari, lau be ruma ta dekenai lau noho lasi, to palai ruma idauidau bona gabu idauidau ai lau noho.+ 6 Israela taudia ida lau noho negadia ibounai lalonai, lau ese egu taunimanima naria totona lau abia hidi hahemaoro taudia dekenai, nega ta lau gwau lasi, ‘Dahaka dainai lau totona sida rumana ta umui haginia lasi?’”’

7 “Vadaeni egu hesiai tauna Davida dekenai inai oi gwauraia, ‘Tuari oreadia edia Iehova* be inai bamona ia gwau: “Lau ese rei gabudia amo oi lau abia, oibe, mamoe oreana naria gaukarana amo oi lau abia, egu taunimanima Israela taudia oi gunalaia totona.+ 8 Bona oi lao gabudia ibounai dekenai lau be oi ida,+ bona emu vairana amo emu inai taudia ibounai do lau haorea,*+ bona emu ladana do lau habadaia, tanobada ena dagi bada taudia edia ladana hegeregerena.+ 9 Lau ese egu taunimanima Israela taudia totona gabu ta do lau abia hidi bona unuseniai do idia noho, bona gau ta ese edia noho do ia hadikaia lasi. Bona kara dika taudia ese do idia hahisia lou lasi, guna idia karaia bamona.+ 10 Lauegu taunimanima totona hahemaoro taudia lau abia hidi negana amo, unai lau karaia.+ Bona emu inai taudia ibounai do lau halusia.+ Danu, oi lau hamaoroa, ‘Lau, Iehova be oi amo lohia besena ta do lau havaraia.’

11 “‘“Oi mase bona emu sene taudia ida idia guria hebou neganai, lau ese emu natuna* ta, emu natuna korikorina be king ai do lau halaoa,+ bona iena basileia do lau haginia goada momokani.+ 12 Ia ese lau totona ruma ta do ia haginia,+ bona lau ese ena terona do lau haginia goada ela bona hanaihanai.+ 13 Lau be iena tamana ai do lau lao, bona ia be egu natuna ai do ia lao.+ Egu lalokau* be ia amo do lau kokia lasi,+ oi vairanai ia lohia tauna amo lau kokia hegeregerena.+ 14 Lau ese ia do lau abia bona egu terona ai do ia helai ela bona hanaihanai,+ bona ena lohia dalana bona lohia besena be do ia noho hanaihanai.”’”+

15 Natana ese Davida dekenai inai hereva ibounai bona matahanai ibounai ia gwauraia.

16 Unai neganai King Davida be ia vareai bona Iehova vairanai ia tui diho, ia gwau: “Iehova Dirava e, lau be daika? Bona egu lohia besena taudia be anina lasi, dahaka dainai ai totona gau momo herea oi karaia vadaeni?+ 17 Dirava e, ena be ai totona gau momo herea oi karaia vadaeni, to ma oi ese lau oi hamaoroa, lau, emu hesiai tauna, egu bese be do ia noho ela bona vaira negai danu.+ Iehova Dirava e, oi ese lau be ladana bada tauna ta bamona oi laloa. 18 Lau, emu hesiai tauna Davida, oi diba namonamo dainai, lau dekenai oi henia hanamoa karana be edena bamona do lau herevalaia?+ 19 Iehova e, emu hereva dainai bona emu ura hegeregerena, oi ese inai kara badadia ibounai oi karaia bona oi hahedinaraia vadaeni.+ 20 Iehova e, ta be oi bamona lasi,+ bona Dirava ta ia noho lasi to oi sibona.+ Emai taiana amo ai kamonai herevadia ibounai ese unai ia hamomokania. 21 Bona tanobada ai edena bese ma ta be emu bese Israela taudia bamona?+ Oi, Dirava momokanina, oi lao bona idia oi ruhaia emu taunimanima bamona.+ Bona emu taunimanima, Aigupito amo oi ruhaia taudia unai, edia vairana amo bese idauidau oi luludia raka-lasi neganai, idia totona hoa kara badadia oi karaia, unai amo oi sibona totona ladana bada oi abia.+ 22 Oi ese Israela taudia be emu bese korikorina ai oi halaoa ela bona hanaihanai.+ Bona Iehova e, oi be edia Dirava ai oi lao.+ 23 Iehova e, namona be emu hesiai tauna bona ena bese taudia totona oi karaia gwauhamata be nega ibounai oi hamomokania, bona namona be emu gwauhamata hegeregerena oi kara.+ 24 Namona be emu ladana ia hedinarai bona idia hanamoa+ ela bona hanaihanai, unai amo taunimanima idia gwau diba, ‘Tuari oreadia edia Iehova be Israela ena Dirava,’ bona mani lau, emu hesiai tauna Davida, ena lohia besena be emu vairanai oi haginia goada.+ 25 Badina oi, egu Dirava e, oi ese emu hesiai tauna dekenai emu ura oi hahedinaraia ia totona lohia besena ta do oi haginia. Unai dainai, lau, emu hesiai tauna be mai lalogoada ida oi dekenai inai guriguri lau gwauraia. 26 Bona Iehova e, oi be Dirava momokanina, bona oi ese inai gau namodia be emu hesiai tauna totona oi gwauhamatalaia. 27 Unai dainai namona be oi moale emu hesiai tauna ena lohia besena oi hanamoa totona, bona namona be oi vairanai ia noho ela bona hanaihanai, badina Iehova e, oi ese oi hanamoa vadaeni, bona do oi hanamoa ela bona hanaihanai.”

18 Nega sisina ia hanaia murinai, Davida ese Filistia taudia ia tuari henia bona ia halusidia, bona ia ese Gata+ bona ena badina hanuadia be Filistia taudia edia imana amo ia abia.+ 2 Bena ia ese Moaba taudia ia halusia,+ bona Moaba taudia be Davida ena hesiai taudia ai idia lao bona ia dekenai edia harihari gaudia idia abia lao.+

3 Soba+ ena king, Hadadesa+ be Euperate Sinavai abia totona ia lao noho lalonai,+ Davida ese Hamata badinai+ ia halusia. 4 Davida ese Hadadesa amo kariota 1,000, hosi guia tatau 7,000 bona idia raka tuari tatau 20,000 ia abidia.+ Bena Davida ese kariota idia veria hosi ibounai edia aena varovaro ia utudia, to hosi 100 dekenai unai ia karaia lasi.+ 5 Damaseko ai idia noho Suria taudia be Soba ena king, Hadadesa durua totona idia mai neganai, Davida ese Suria taudia 22,000 ia alaia mase.+ 6 Bena Davida ese Suria ena siti Damaseko ai tuari orea ia atodia, bona Suria taudia be Davida ena hesiai taudia ai idia lao, bona ia dekenai harihari gaudia idia henia. Davida ia lao gabudia ibounai dekenai Iehova ese ia durua, ia kwalimu totona.+ 7 Danu, Davida ese Hadadesa ena hesiai taudia amo golo kesi ia abia bona Ierusalema dekenai ia abia lao. 8 Hadadesa ena siti, Tibihata bona Kuna, amo Davida ese kopa momo herea ia abia. Unai gaudia amo Solomona ese kopa disi badana,+ du, bona kopa kohudia ia karaia.+

9 Hamata ena king, Toi, ia kamonai Davida ese Soba ena king, Hadadesa ena tuari orea ibounai ia halusia neganai,+ 10 maoromaoro ia ese ena natuna Hadorama be King Davida dekenai ia siaia lao, iena noho ia henanadailaia bona ia hanamoa totona, badina ia ese Hadadesa ia tuari henia bona ia halusia (Hadadesa be nega momo Toi ia tuari henia), bona ia ese siliva, golo, bona kopa gaudia idauidau ia mailaia danu. 11 King Davida ese unai gaudia ia hahelagaia+ bona Iehova dekenai ia henia. Danu ia halusia besedia, Edoma bona Moaba, Amono taudia,+ Filistia taudia,+ bona Amaleka taudia+ amo ia abia siliva bona golo ia hahelagadia.

12 Seruia ena natuna mero Abisai+ ese Damena Koura ai Edoma taudia 18,000 ia alaia.+ 13 Edoma ai tuari orea ia atodia, bona Edoma taudia ibounai be Davida ena hesiai taudia ai idia lao.+ Davida ia lao gabudia ibounai dekenai Iehova ese ia durua, ia kwalimu totona.+ 14 Davida ese Israela ibounai ia lohiaia,+ bona ia be mai maoromaoro ida ena taunimanima ibounai ia hahemaoro henia.+ 15 Seruia ena natuna Ioaba be tuari taudia ia gunalaia,+ Ahiluda ena natuna Iehosapata+ be rekodi torea tauna, 16 Ahitubu ena natuna Sadoka bona Abiatara ena natuna Ahimeleka be hahelaga taudia, bona Savasa be seketere. 17 Iehoiada ena natuna Benaia ese Kereti taudia+ bona Pelete taudia ia biagua.+ Bona Davida ena natudia memero be king durua taudia.

19 Gabeai Amono taudia edia king Nahasa ia mase, bona ena gabu ai iena natuna be king ai ia lao.+ 2 Vadaeni Davida ia gwau: “Lau ese Nahasa ena natuna Hanunu dekenai lalokau* do lau hahedinaraia,+ badina iena tamana ese lau dekenai lalokau ia hahedinaraia.” Bena Davida ese gwaukau taudia ia siaia Hanunu idia hagoadaia totona, badina iena tamana ia mase. To Davida ena hesiai taudia be Hanunu hagoadaia totona Amono taudia edia tano dekenai idia ginidae neganai,+ 3 Amono taudia edia lohia taudia be Hanunu dekenai idia gwau: “Oi laloa Davida ese emu tamana ia matauraia dainai, oi idia hagoadaia taudia ia siaia, a? Davida ena hesiai taudia be oi dekenai idia mai, siti do idia sekea namonamo, idia spai, bona idia abia totona, ani?” 4 Vadaeni Hanunu ese Davida ena hesiai taudia ia dogoatao bona edia besoso ia kokia,+ bona edia kununa kahana ena dabua be kahana rua dekenai ia utua, bena ia siaidia lao. 5 Davida dekenai unai idia gwauraia neganai, ia ese maoromaoro tatau haida ia siaia iena hesiai taudia idia hedavari henia totona, badina unai tatau idia hemarai bada. Bona King Davida ese idia ia hamaoroa: “Ieriko dekenai do umui noho+ ela bona emui besoso idia tubu lou, bena do umui giroa mai.”

6 Gabeai Amono taudia idia itaia Davida ese idia ia inai henia, vadaeni King Hanunu bona Amono taudia ese 1,000 siliva talent* amo Mesopotamia,* Arama-maka, bona Soba edia kariota bona hosi guia taudia idia hoia.+ 7 Unai dainai idia ese kariota 32,000, bona Maka ena king bona ena taunimanima idia hoia. Bena idia mai bona Medeba ai idia kamepa.+ Amono taudia be edia siti ai idia haboua bona tuari totona idia mai.

8 Davida be unai ia kamonai neganai, ia ese Ioaba+ bona ena tuari orea ibounai ia siaidia lao, ena tuari taudia goadadia danu.+ 9 Bona Amono taudia be idia lao bona siti ena geiti ena vareai gabuna ai tuari totona idia gini hegaegae, to tuari totona idia mai king taudia be sibodia tano palakana ai idia gini.

10 Ioaba ia itaia, unai tuari taudia be ia tuari henia totona ena vairana bona murina kahana amo idia mai neganai, ia ese Israela ai tuari diba momo tatau haida ia abia hidi, bona idia ia hegaegaelaia Suria taudia idia tuari henia totona.+ 11 Bona ia ese tatau oredia be ena tadikaka Abisai ena hakaua henunai ia atoa,+ bona ia ese idia ia hegaegaelaia Amono taudia idia tuari henia totona. 12 Bena ia gwau: “Bema Suria taudia+ be idia goada herea, namona be oi mai bona lau oi durua, to bema Amono taudia be idia goada herea, do lau mai bona oi lau durua. 13 Namona be eda taunimanima bona eda Dirava ena siti ibounai totona do ita goada bona ita gari lasi,+ bona Iehova ese ena kahana do ia karaia.”

14 Vadaeni Ioaba bona ena tatau idia lao Suria taudia idia tuari henia totona, bona idia be Ioaba ena vairana amo idia heau boio.+ 15 Amono taudia idia itaia Suria taudia be idia heau boio neganai, idia danu be ena tadikaka Abisai amo idia heau bona siti lalonai idia vareai. Unai murinai Ioaba be Ierusalema dekenai ia giroa lou.

16 Suria taudia idia itaia Israela taudia ese idia halusidia neganai, idia ese Sinavai* kahirakahira idia noho Suria taudia dekenai gwaukau taudia idia siaia,+ Hadadesa ena tuari biaguna Sopaka ese idia ia gunalaia.+

17 Haida ese Davida dekenai unai idia gwauraia neganai, ia ese maoromaoro Israela tuari taudia ibounai ia haboua, bona Ioridane Sinavai idia hanaia bona idia dekenai idia lao bona idia tuari henia totona idia gini hegaegae. Davida be Suria taudia tuari henia totona ia gini hegaegae, bona idia be ia idia tuari henia.+ 18 To Suria taudia be Israela taudia amo idia heau, bona Davida ese Suria taudia edia kariota guia taudia 7,000, bona idia raka tuari taudia 40,000 ia alaia mase, bona tuari biaguna Sobaka ia alaia mase. 19 Hadadesa ena hesiai taudia idia itaia Israela taudia ese idia halusidia neganai,+ idia ese maoromaoro Davida ida maino idia karaia bona ena siahu henunai idia noho.+ Bona gabeai Suria taudia idia ura lasi momokani Amono taudia idia durua.

20 Lagani ena matamana ai, king taudia be tuari totona idia lao negadiai, Ioaba+ be tuari orea ta ia gunalaia bona Amono taudia edia tano ia hadikaia. Ia mai bona Raba siti ia koua hagegea,+ to Davida be Ierusalema ai ia noho.+ Ioaba ese Raba siti ia tuari henia bona ia hadikaia momokani.+ 2 Bena Davida ese Malikama* ena kwarana amo korona ia abia, bona ia itaia unai korona ena golo ena metau be talent ta,* bona ia be mai ena dava bada nadidia. Vadaeni unai korona be Davida ena kwarana dekenai idia atoa. Ia ese danu unai siti amo gau momo herea ia abia.+ 3 Bona ia ese unai siti taudia ia abia bona idia dekenai gaukara ia henia,+ hegeregere, nadi idia utudia, auri mai matana gaudia bona ira auri idia karaia. Danu idia ese biriki idia karaia. Davida ese Amono taudia edia siti idauidau dekenai unai bamona ia karaia. Dokonai, ia bona ena tuari taudia ibounai be Ierusalema dekenai idia giroa lou.

4 Unai murinai, Gesere dekenai Israela taudia be Filistia taudia ida idia tuari lou. Unai nega ai Husa tauna Sibekai+ ese Sipai ia hamasea. Sipai be Repaima ena bese tauna ta,+ bona Israela taudia ese idia halusidia.

5 Bona Israela taudia bona Filistia taudia ma idia tuari lou, bona Iairi ena natuna mero Elehanana ese Gata tauna Goliata+ ena tadikaka Lahami ia hamasea. Iena io be bada herea.*+

6 Gata dekenai tuari ma ia vara lou,+ unuseniai tau badana ta ia noho,+ iena imana ta ta edia kwakikwaki be 6 bona iena aena ta ta edia kwakikwaki be 6, ibounai be 24. Bona ia danu be Repaima ena bese tauna ta.+ 7 Ia ese Israela taudia ia hevasehalaia noho.+ Vadaeni Simea+ ena natuna Ionatana ese ia hamasea. Simea be Davida ena tadikaka.

8 Unai tatau be Repaima ena bese taudia,+ Gata dekenai,+ bona idia be Davida bona ena hesiai taudia ese idia hamasedia.

21 Bena Satani* be Israela taudia ia ura tuari henia bona Davida ena lalona ia veria Israela taudia ia duahia totona.+ 2 Bena Davida ese Ioaba+ bona tuari taudia edia gunalaia taudia ia hamaoroa: “Umui lao bona Israela taudia umui duahia, Bere-sieba amo ela bona Dano dekenai.+ Bena lau do umui hadibaia, unai amo edia namba do lau diba.” 3 To Ioaba ia gwau: “Namona be Iehova ese tuari taudia be nega 100 ia habadaia! Egu lohia bona king e, idia ibounai be oi emu hesiai taudia, ani? Dahaka dainai oi ura inai bamona oi karaia? Dahaka dainai oi ura Israela taudia dekenai kerere oi havaraia?”

4 To king ena hereva ese Ioaba ena hereva ia koua. Vadaeni Ioaba be Israela ena tano ibounai dekenai ia lao, unai murinai Ierusalema dekenai ia mai.+ 5 Bena Ioaba ese idia rejista taudia edia namba be Davida dekenai ia henia. Israela taudia ibounai, mai edia tuari kaia be 1,100,000, bona Iuda taudia ibounai, mai edia tuari kaia taudia be 470,000.+ 6 To Levi iduhu taudia bona Beniamina iduhu taudia edia ladana idia rejista lasi,+ badina Ioaba ese king ena hereva ia ura henia lasi.+

7 Vadaeni Dirava momokanina ese unai ia moalelaia lasi, unai dainai Israela taudia ia panisia. 8 Bena Davida be Dirava momokanina dekenai ia gwau: “Inai kara lau karaia dainai, egu kara dika be bada herea.+ Bona mani lau, emu hesiai tauna ena dika oi gwauatao,+ badina lau be kavakava karana lau karaia.”+ 9 Iehova ese peroveta tauna Gado,+ Davida ena matahanai itaia tauna unai, dekenai ia gwau: 10 “Oi lao bona Davida oi hamaoroa, ‘Iehova be inai bamona ia gwau: “Oi vairanai gau toi do lau atoa. Namona be ta oi abia hidi, bona unai be oi dekenai do lau mailaia.”’” 11 Vadaeni Gado be Davida dekenai ia mai bona ia gwau: “Iehova be inai bamona ia gwau, ‘Inai gau toi amo ta oi abia hidi, 12 lagani toi lalonai hitolo bada do ia vara,+ eiava hua toi lalonai emu inai taudia ese oi do idia halusia, unai nega ai emu inai taudia edia tuari kaia ese oi do idia hamasea,+ eiava dina toi lalonai Iehova ena tuari kaia ese oi do ia panisia, unai nega ai tano taudia dekenai gorere dikana do ia vara+ bona Iehova ena aneru ese Israela tanona ibounai lalonai dika do ia mailaia.’+ Lau ia siaia Diravana dekenai do lau gwauraia herevana oi lalohadailaia.” 13 Vadaeni Davida be Gado dekenai ia gwau: “Lau lalometau bada. Mani Iehova ese lau dekenai dika ia mailaia, badina iena hebogahisi karana be bada herea,+ to namo lasi taunimanima ese lau dekenai dika idia mailaia.”+

14 Bena Iehova ese Israela taudia edia latanai gorere dikana ia siaia,+ vadaeni Israela taudia 70,000 idia mase.+ 15 Danu, Dirava momokanina ese aneru ta ia siaia Ierusalema ia hadikaia totona. To aneru be unai ia do karaia lasi neganai, Iehova ia lalohisihisi matamaia,+ badina unai gorere dikana ia mailaia, bona dika ia mailaia aneruna dekenai ia gwau: “Vadaeni!+ Emu imana oi atoa diho.” Iehova ena aneru be Iebusu tauna, Oronana, ena witi moia gabuna kahirakahira ia gini.+

16 Davida ia roha isi neganai, Iehova ena aneru ia itaia tanobada bona guba padanai ia gini, bona tuari kaia+ amo Ierusalema ia poinia. Davida bona tau badadia be maoromaoro tano dekenai idia tui diho,+ idia be puse dabua idia karaia.+ 17 Davida be Dirava momokanina dekenai ia gwau: “Taunimanima duahia karana be lau ese lau gwauraia, ani? Lau be kara dika lau karaia, bona kerere lau karaia danu.+ To inai kerere lasi taudia* be dahaka idia karaia? Egu Dirava, Iehova e, namona be lau bona egu tamana ena bese taudia dekenai dika oi mailaia. To emu taunimanima dekenai dika oi mailaia lasi.”+

18 Bena Iehova ena aneru ese Gado ia hamaoroa,+ ia ese Davida do ia hadibaia, ia daekau lao bona Iebusu tauna Oronana ena witi moia gabuna dekenai Iehova totona boubou patana ta ia haginia.+ 19 Vadaeni Davida be Gado ena hereva ia badinaia bona ia daekau lao, Iehova ese Gado ia hamaoroa hegeregerena. 20 Oronana be witi ia moia lalonai, ia giroa bona aneru ia itaia, bona ia ida idia noho natuna memero 4 be idia hunia. 21 Davida be Oronana dekenai ia lao neganai, ia be maoromaoro witi moia gabuna ia rakatania bona Davida dekenai ia tui diho bona ena vairana be tano dekenai ia atoa. 22 Davida be Oronana dekenai ia gwau: “Lau dekenai witi moia gabuna oi hoihoilaia, unai amo Iehova dekenai boubou patana lau haginia diba. Davana korikorina hegeregerena lau dekenai oi hoihoilaia, vadaeni taunimanima ese idia abia gorerena do ia doko.”+ 23 To Oronana be Davida dekenai ia gwau: “Namona be egu lohia bona king ese sibona totona witi moia gabuna ia abia bona ena matana ai dahaka be namo ia karaia diba. Lau be gabua boubou totona boromakau lau henia bona witi moia gauna*+ bona witi be aniani boubou bamona lau henia. Ibounai lau henia.”

24 To, King Davida be Oronana dekenai ia gwau: “Lasi, namona be ena davana korikori do lau henia, badina namo lasi emu gau lau abia kava bona Iehova dekenai lau henia eiava gabua bouboudia bamona lau henia.”+ 25 Vadaeni Davida ese Oronana amo witi moia gabuna be 600 golo sikel* amo ia hoia. 26 Bona unuseniai Davida ese Iehova dekenai boubou patana ia haginia+ bona gabua bouboudia bona maino karaia bouboudia ia henia, bona Iehova dekenai ia boiboi, bena ia ese guba amo lahi be boubou patana latanai ia hadihoa, unai amo ia haere henia.+ 27 Vadaeni Iehova ese aneru ia hamaoroa+ iena tuari kaia be udaia gauna dekenai ia udaia lou totona. 28 Unai nega ai, Davida ia itaia Iebusu tauna Oronana ena witi moia gabuna ai Iehova ese ena guriguri ia haerelaia neganai, hanaihanai unuseni boubou gaudia ia henia. 29 To, unai nega ai Mose ese tano kaukau ai ia karaia Iehova ena palai dubu bona gabua boubou ena pata be Gibeona ena tomadiho gabu helagana ai ia noho.+ 30 To Davida be unai gabu dekenai ia lao diba lasi Dirava ena heduru ia tahua totona, badina Iehova ena aneru ena tuari kaia dekenai ia gari.

22 Bena Davida ia gwau: “Inai be Dirava momokanina Iehova ena dubu, bona inai be Israela taudia edia boubou patana.”+

2 Vadaeni Davida be oda ia henia Israela tanona ai idia noho idau tano taudia ibounai idia haboua totona,+ bona Dirava momokanina ena dubu haginia totona idia dekenai nadi utua gaukarana ia henia.+ 3 Danu Davida be geiti ena iduara edia ikoko bona iduara dogoatao gaudia totona auri momo herea ia hegaegaelaia, bona kopa be momo herea dainai ena metau be bada herea,+ 4 bona sida au+ be momo herea, badina Sidono taudia+ bona Turo taudia+ ese Davida dekenai sida au momo herea idia abia mai. 5 Bona Davida ia gwau: “Egu natuna Solomona be mero matamata bona gau momo ia do diba lasi,+ bona Iehova totona ia haginia rumana be do ia hairai momokani,+ unai amo ena hairai be tano ibounai dekenai do ia hedinarai.+ Unai dainai, ia totona unai gaudia do lau hegaegaelaia.” Vadaeni, Davida ia do mase lasi neganai, kohu momo herea ia hegaegaelaia.

6 Ma danu, ena natuna Solomona ia boiria bona Israela ena Dirava Iehova ena dubu haginia gaukarana ia hadibaia. 7 Davida ese ena natuna Solomona ia hamaoroa: “Lau be lau ura dikadika egu Dirava Iehova ena ladana totona dubu ta lau haginia.+ 8 To Iehova ena hereva lau dekenai be inai: ‘Oi be rara bada herea oi bubua, bona tuari badadia momo lalonai oi vareai. Oi ese egu ladana totona dubu ta do oi haginia lasi,+ badina egu vairanai tanobada ai rara bada herea oi bubua. 9 Oi be natuna mero ta do oi abia,+ ia be maino tauna* ai do ia lao, bona ia idia inai henia besedia ibounai amo lau ese ia dekenai laga-ani do lau henia,+ badina ena ladana be Solomona*+ bona iena mauri dinadia lalonai lau ese Israela dekenai maino bona noho namo do lau havaraia.+ 10 Ia ese egu ladana totona dubu ta do ia haginia.+ Ia be egu natuna ai do ia lao, bona lau be ena tamana ai do lau lao.+ Lau ese ena basileia ena terona do lau haginia goada bona Israela do ia lohiaia hanaihanai.’+

11 “Vadaeni, egu natuna e, Iehova be oi ida do ia noho, bona namona be emu Dirava Iehova ena dubu do oi haginia ore, ia hereva hegeregerena.+ 12 Iehova ese oi be Israela ena lohia tauna ai ia halaoa neganai, ia sibona ese oi dekenai aonega bona laloparara do ia henia,+ unai amo emu Dirava Iehova ena taravatu do oi badinaia.+ 13 Bema Iehova ese Mose amo Israela taudia dekenai ia henia hakaua herevadia bona taravatu oi badinaia namonamo, do oi kwalimu.+ Do oi boga-auka bona goada. Namo lasi oi gari.+ 14 Mai hekwarahi bada ida Iehova ena dubu totona golo ena metau be 100,000 talent* bona siliva ena metau be 1,000,000 talent bona kopa bona auri momo herea,+ bona timba bona nadi lau hegaegaelaia,+ to oi ese do oi habadaia. 15 Gaukara taudia momo herea be oi ida idia noho, hegeregere nadi utua taudia, nadi koroa taudia,+ au koroa taudia, bona gaukara idia diba momo taudia idauidau.+ 16 Golo, siliva, kopa, bona auri be momo herea.+ Oi toreisi bona gaukara oi hamatamaia, bona Iehova be oi ida do ia noho.”+

17 Bena Davida ese Israela ena iduhu kwarana taudia ibounai ia oda henia ena natuna Solomona idia durua totona: 18 “Iehova emui Dirava be umui ida, bona emui inai taudia ibounai amo ia ese umui dekenai laga-ani ia henia, ani? Badina ia ese inai tano taudia be lau dekenai ia henia, bona Iehova bona ena taunimanima ese tano idia abia. 19 Vadaeni mai emui kudouna bona mauri* ibounai ida Iehova emui Dirava umui tahua,+ bona Dirava momokanina Iehova ena dubu umui haginia matamaia,+ unai amo Iehova ena Taravatu Maua bona Dirava momokanina ena kohu helagadia be Iehova ena ladana totona umui haginia rumana+ dekenai umui abia mai.”+

23 Davida ia buruka bona kahirakahira ia mase neganai, ia ese ena natuna Solomona be Israela ena king ai ia halaoa.+ 2 Bena ia ese Israela ena iduhu kwarana taudia ibounai, hahelaga taudia,+ bona Levi taudia ia haboua.+ 3 Levi taudia ibounai idia duahia, edia mauri lagani be 30 amo ia daekau.+ Idia ibounai be 38,000. 4 Unai namba amo Iehova ena dubu gaukara idia naria taudia be 24,000, bona hahemaoro taudia bona edia henunai idia gaukara taudia be 6,000,+ 5 bona geiti naria taudia be 4,000,+ bona miusiki gaudia amo Iehova idia hanamoa taudia be 4,000.+ Davida ia gwau unai miusiki gaudia ia karaia, Dirava hanamoa totona.

6 Bena Davida ese idia be Levi ena natudia edia bese hegeregerena ai ia haridia:+ Geresone, Kohata, bona Merari.+ 7 Geresone ena natudia memero be Ladana bona Simei. 8 Ladana ena natudia memero be Ieiele, ia be ruma bese gunalaia tauna, bona Setama bona Ioela,+ idia be toi. 9 Simei ena natudia memero be Selomoto, Hasiele, bona Harana, idia ibounai be toi. Idia be Ladana ena bese taudia edia kwarana taudia. 10 Bona Simei ena natudia memero be Iahata, Sina, Ieusu, bona Beria. Idia ibounai be 4. 11 Iahata be ruma bese gunalaia tauna, bona Soha be iharuana. To Ieusu bona Beria edia natudia memero be momo lasi dainai, idia be bese kwarana tamona taudia hegeregerena idia gwauraia bona gaukara tamona idia karaia.

12 Kohata ena natudia memero be Amarama, Isahara,+ Heberona, bona Usiele,+ idia ibounai be 4. 13 Amarama ena natudia memero be Arona+ bona Mose.+ To Arona be Helaga Herea gabuna ai hesiai gaukara do ia karaia,+ oibe, ia bona ena natudia memero ese nega ibounai Iehova dekenai boubou gaudia do idia henia, ia do idia hesiai henia, bona ena ladana ai taunimanima do idia hanamoa.+ 14 To Dirava momokanina ena hesiai tauna Mose ena natudia memero idia gwauraia Levi ena iduhu taudia. 15 Mose ena natudia memero be Geresome+ bona Eliesere.+ 16 Geresome ena natudia memero amo, Sebuele+ be ruma bese gunalaia tauna. 17 Eliesere ena bese taudia* amo, Rehabaia+ be gunalaia tauna. Eliesere be natudia memero ma haida lasi, to Rehabaia ena natudia memero be momo herea. 18 Isahara ena natuna be Selomiti,+ ia be ruma bese gunalaia tauna. 19 Heberona ena natudia memero be Ieraia, ia be ruma bese gunalaia tauna, Amaraia be iharuana, Iahasiele be ihatoina, bona Iekameama+ be namba 4. 20 Usiele ena natudia memero+ be Mika, ia be ruma bese gunalaia tauna, bona Isihaia be iharuana.

21 Merari ena natudia memero be Mali bona Musi.+ Mali ena natudia memero be Eleasara bona Kisa. 22 Eleasara ia mase neganai, ia be natudia memero lasi, natudia kekeni sibona. Unai dainai Kisa ena natudia memero, edia varavara* unai, ese idia adavadia. 23 Musi ena natudia memero be toi, idia be Mali, Edere, bona Ieremoto.

24 Unai be Levi ena natudia memero. Idia be edia iduhu bona iduhu kwarana taudia hegeregerena idia rejista. Levi taudia, edia mauri lagani 20 amo ia daekau idia duahia bona edia ladana be lista ai idia torea, Iehova ena ruma ai hesiai gaukara idia karaia totona. 25 Badina Davida ia gwau: “Israela ena Dirava, Iehova, be ena taunimanima dekenai laga-ani ia henia vadaeni,+ bona ia be Ierusalema ai do ia noho ela bona hanaihanai.+ 26 Danu, Levi taudia ese palai dubu* eiava tomadiho totona idia gaukaralaia kohu ta do idia huaia lasi.”+ 27 Davida ena oda ginigabena hegeregerena, Levi taudia edia mauri lagani 20 amo ia daekau be edia ladana idia rejista. 28 Idia be Arona ena natudia ese Iehova ena dubu ai idia karaia hesiai gaukara do idia durua.+ Idia ese ariara,+ aniani daiutudia, helaga gaudia hagoevaia gaukara, bona Dirava momokanina ena dubu ai idia karaia hesiai gaukara ma haida do idia naria. 29 Paraoa helagana,*+ aniani boubou ena paraoa namona, isti lasi paraoa palakadia,+ uro palakana amo idia karaia keke, oela ida idia mikisia paraoa,+ bona unai gaudia edia bada bona edia metau sekea gaukarana idia durua. 30 Idia be daba ta ta ai unuseni do idia gini+ Iehova idia tanikiu henia bona hanamoa totona, adorahi ai danu unai bamona idia karaia.+ 31 Sabati dinadia ai, hua matamata ta ta ai,+ bona aria negadia ai+ Iehova dekenai gabua boubou idia henia neganai,+ unai Levi taudia be heduru idia henia, taravatu ai idia gwauraia hegeregerena. Bona nega ibounai Iehova ena vairanai unai bamona idia karaia. 32 Danu Iehova ena dubu ena hesiai gaukara totona, idia be hebou dubu, helaga gabuna, bona Arona ena natudia, edia tadikakadia unai, ese idia karaia gaukara idauidau idia naria.

24 Arona ena bese taudia be inai bamona idia haria: Arona ena natudia memero be Nadaba, Abihu,+ Eleasara, bona Itamara.+ 2 To, Nadaba bona Abihu edia tamana ia do mauri noho lalonai, idia ruaosi idia mase+ bona idia be natudia memero lasi. To Eleasara+ bona Itamara be hahelaga tauna ena gaukara idia karaia noho. 3 Davida, Eleasara ena bese tauna Sadoka,+ bona Itamara ena bese tauna Ahimeleka ese Arona ena bese taudia idia haria. 4 Eleasara ena bese taudia edia gunalaia taudia be momo, to Itamara ena bese taudia edia gunalaia taudia be momo lasi dainai, inai bamona idia haria: Eleasara ena bese taudia edia bese kwarana taudia edia gunalaia taudia be 16, bona Itamara ena bese taudia edia bese kwarana taudia edia gunalaia taudia be 8.

5 Ma danu, idia karaia gadara ta*+ amo do idia karaia gaukarana idia gwauraia, badina helaga gabuna ena gunalaia taudia bona Dirava momokanina ena gunalaia taudia be Eleasara ena bese bona Itamara ena bese amo idia mai. 6 Bena Levi taudia edia seketere Netanele ena natuna mero Semaia ese edia ladadia be king, iduhu kwarana taudia, hahelaga tauna Sadoka,+ Abiatara ena natuna mero Ahimeleka,+ bona hahelaga taudia bona Levi taudia edia bese kwarana taudia edia vairanai ia toredia. Bese kwarana tauna ta be Eleasara ena bese taudia amo idia abia hidi bona bese kwarana tauna ma ta be Itamara ena bese taudia amo idia abia hidi.

7 Gadara ta* idia karaia neganai, abia hidi tauna ginigunana be Iehoiaribi, iharuana be Iedaia, 8 ihatoina be Harimi, namba 4 be Seorimi, 9 namba 5 be Malekaia, namba 6 be Miamini, 10 namba 7 be Hakoso, namba 8 be Abaisa,+ 11 namba 9 be Iesua, namba 10 be Sekanaia, 12 namba 11 be Eliasibi, namba 12 be Iakimi, 13 namba 13 be Hupa, namba 14 be Iesebeaba, 14 namba 15 be Bilega, namba 16 be Imere, 15 namba 17 be Hesiri, namba 18 be Hapisese, 16 namba 19 be Petahaia, namba 20 be Iehesekele, 17 namba 21 be Iakini, namba 22 be Gamulu, 18 namba 23 be Delaia, namba 24 be Masaia.

19 Iehova ena ruma dekenai idia vareai neganai, edia hesiai gaukara be unai bamona idia karaia,+ edia sene tauna Arona ese ia gwauraia dalana hegeregerena, Israela ena Dirava Iehova ese ia oda henia bamona.

20 Bona Levi taudia oredia be inai: Amarama ena natudia memero+ amo be Subaele,+ Subaele ena natudia memero amo be Iehedeia. 21 Rehabaia+ ena natudia memero amo be Isihaia, ia be gunalaia tauna. 22 Isahara amo be Selomoto.+ Selomoto ena natudia memero amo be Iahata. 23 Bona Heberona ena natudia memero amo be Ieraia,+ ia be gunalaia tauna, Amaraia be iharuana, Iahasiele be ihatoina, Iekameama be namba 4. 24 Usiele ena natudia memero amo be Mika, Mika ena natudia memero amo be Samiri. 25 Mika ena tadikaka be Isihaia. Isihaia ena natudia memero amo be Sekaraia.

26 Merari+ ena natudia memero be Mali bona Musi. Iasaia ena natudia memero amo be Beno. 27 Merari ena bese taudia be inai: Iasaia amo be Beno, Sohama, Sakuru, bona Ibiri. 28 Mali amo be Eleasara, ia be natudia memero lasi.+ 29 Kisa ena natudia memero amo be Ierahamele. 30 Musi ena natudia memero be Mali, Edere, bona Ierimoto.

Unai be Levi ena bese taudia edia bese kwarana taudia hegeregerena. 31 Bona gadara ta* idia karaia,+ Arona ena natudia, edia tadikakadia unai, ese King Davida, Sadoka, Ahimeleka, bona hahelaga taudia bona Levi taudia edia bese kwarana taudia edia vairanai idia karaia bamona. Bese kwarana taudia totona, gunalaia tauna bona ena tadina be idia hegeregere.

25 Ma danu, Davida bona dubu ena hesiai gaukara idia gunalaia taudia ese Asapa, Hemana, bona Iedutunu+ edia natudia memero haida idia haria, hap,* miusiki gaudia mai edia varo,+ bona simbol* bamona gaudia amo Dirava idia hanamoa totona.+ Unai hesiai gaukara idia karaia tatau edia lista be inai, 2 Asapa ena natudia memero amo be Sakuru, Iosepa, Netanaia, bona Asarela, idia be Asapa ena hakaua henunai idia gaukara, bona Asapa be king ena hakaua henunai ia gaukara. 3 Iedutunu+ ena natudia memero be Gedalaia, Seri, Iesaia, Simei, Hasabaia, bona Matitaia,+ idia ibounai be 6. Idia be edia tamana Iedutunu ena hakaua henunai idia gaukara, Iedutunu be hap amo Iehova ia tanikiu henia bona hanamoa.+ 4 Hemana+ ena natudia memero amo be Bukaia, Matanaia, Usiele, Sebuele, Ierimoto, Hananaia, Hanani, Eliata, Gidaloti, Romamati-esere, Iosobekasa, Maloti, Hotiri, bona Mahasioto. 5 Unai be Hemana ena natudia memero ibounai. Hemana ena gaukara be Dirava momokanina amo ia abia matahanai be king dekenai ia gwauraia hedinarai, Dirava hanamoa totona. Unai dainai Dirava momokanina ese Hemana dekenai natudia memero 14 bona natudia kekeni toi ia henia. 6 Iehova ena ruma dekenai ane abia totona idia karaia gaukara ibounai be edia tamana ena hakaua henunai idia karaia. Bona Dirava momokanina ena ruma ena hesiai gaukara totona idia gaukaralaia simbol bamona gaudia, miusiki gaudia mai edia varo, bona hap+ idia gadaralaia.

Asapa, Iedutunu, bona Hemana be king ena hakaua henunai idia gaukara.

7 Idia bona edia tadikaka ibounai be 288, idia be ane abia namonamo taudia, Iehova dekenai ane idia abia totona. 8 Idia ese edia gaukara idauidau karaia totona gadara ta* idia karaia.+ Matamata taudia bona buruka taudia totona, bona mai edia diba taudia bona diba idia abia noho taudia totona danu.

9 Gadara ta* hegeregerena, ginigunana be Asapa ena natuna Iosepa totona,+ iharuana be Gedalaia totona,+ (ia bona ena tadikakadia bona ena natudia memero ibounai be 12). 10 Ihatoina be Sakuru totona,+ ena natudia memero bona ena tadikakadia, ibounai be 12. 11 Namba 4 be Isiri totona, ena natudia memero bona ena tadikakadia, ibounai be 12. 12 Namba 5 be Netanaia totona,+ ena natudia memero bona ena tadikakadia, ibounai be 12. 13 Namba 6 be Bukaia totona, ena natudia memero bona ena tadikakadia, ibounai be 12. 14 Namba 7 be Iesarela totona, ena natudia memero bona ena tadikakadia, ibounai be 12. 15 Namba 8 be Iesaia totona, ena natudia memero bona ena tadikakadia, ibounai be 12. 16 Namba 9 be Matanaia totona, ena natudia memero bona ena tadikakadia, ibounai be 12. 17 Namba 10 be Simei totona, ena natudia memero bona ena tadikakadia, ibounai be 12. 18 Namba 11 be Asarelo totona, ena natudia memero bona ena tadikakadia, ibounai be 12. 19 Namba 12 be Hasabaia totona, ena natudia memero bona ena tadikakadia, ibounai be 12. 20 Namba 13 be Subaele totona,+ ena natudia memero bona ena tadikakadia, ibounai be 12. 21 Namba 14 be Matitaia totona, ena natudia memero bona ena tadikakadia, ibounai be 12. 22 Namba 15 be Ieremoto totona, ena natudia memero bona ena tadikakadia, ibounai be 12. 23 Namba 16 be Hananaia totona, ena natudia memero bona ena tadikakadia, ibounai be 12. 24 Namba 17 be Iosobekasa totona, ena natudia memero bona ena tadikakadia, ibounai be 12. 25 Namba 18 be Hanani totona, ena natudia memero bona ena tadikakadia, ibounai be 12. 26 Namba 19 be Maloti totona, ena natudia memero bona ena tadikakadia, ibounai be 12. 27 Namba 20 be Eliata totona, ena natudia memero bona ena tadikakadia, ibounai be 12. 28 Namba 21 be Hotiri totona, ena natudia memero bona ena tadikakadia, ibounai be 12. 29 Namba 22 be Gidaloti totona,+ ena natudia memero bona ena tadikakadia, ibounai be 12. 30 Namba 23 be Mahasioto totona,+ ena natudia memero bona ena tadikakadia, ibounai be 12. 31 Namba 24 be Romamati-esere totona,+ ena natudia memero bona ena tadikakadia, ibounai be 12.

26 Geiti naria taudia+ be inai bamona idia haria: Kora taudia amo, Kore ena natuna Meselemaia,+ ia be Asapa ena bese amo. 2 Bona Meselemaia ena natudia memero be inai: Ginigunana be Sekaraia, iharuana be Iediaele, ihatoina be Sebadaia, namba 4 be Iataniele, 3 namba 5 be Elama, namba 6 be Iehonana, namba 7 be Eliaho-enai. 4 Bona Obeda-edoma ena natudia memero be inai: Ginigunana be Semaia, iharuana be Iehosabada, ihatoina be Ioa, namba 4 be Sakara, namba 5 be Netanele, 5 namba 6 be Amiele, namba 7 be Isakara, namba 8 be Peuletai. Unai natudia amo Dirava ese Obeda-edoma ia hanamoa.

6 Bona Obeda-edoma ena natuna Semaia ena natudia memero be edia bese gunalaia taudia, badina idia be gaukara idia karaia diba tatau goadadia. 7 Semaia ena natudia memero be inai: Otini, Repaele, Obeda, bona Elisabada. Bona ena tadikakadia Elihu bona Semakaia be gaukara idia karaia diba taudia. 8 Unai ibounai be Obeda-edoma ena bese taudia, idia bona edia natudia memero bona edia bese tatau haida be tatau goadadia bona idia hegeregere idia henia gaukara idia karaia totona, idia ibounai 62 be Obeda-edoma ena bese taudia. 9 Bona Meselemaia+ be mai ena natudia memero bona edia bese tatau haida, idia ibounai be 18. 10 Bona Merari ena bese amo ia mai tauna Hosa be mai ena natudia memero. Simirai be gunalaia tauna. Ena be ia be vara guna natuna lasi, to ena tamana ese ia abia hidi gunalaia tauna ai ia lao totona. 11 Iharuana be Hilekaia, ihatoina be Tebalaia, namba 4 be Sekaraia. Hosa ena natudia memero bona edia bese tatau ibounai be 13.

12 Idia haria geiti naria taudia edia orea ai, gunalaia taudia edia gaukara be edia bese tatau haida ese idia karaia gaukaradia hegeregerena, idia be Iehova ena ruma ai hesiai gaukara idia karaia. 13 Vadaeni iduara idauidau gimaia totona gadara ta* idia karaia,+ matamata taudia bona buruka taudia totona, edia tamadia edia bese hegeregerena. 14 Bena ist kahana ena geiti totona gadara ta* idia karaia neganai, Selemaia ena ladana ia hedinarai. To iena natuna, aonega sisiba henia tauna Sekaraia totona gadara ta idia karaia neganai, ia be not kahana ena geiti ia abia. 15 Obeda-edoma ese saut kahana ena geiti ia abia, bona iena natudia memero+ be aniani haboua rumadia naria gaukarana idia henia. 16 Supima bona Hosa+ be west kahana ena geiti idia abia, Salekete Geiti kahirakahira, unai be dala badana badinai ia noho, gadi taudia be kahana kahana ai idia gini. 17 Levi taudia 6 be ist kahana ena geiti idia naria. Dina ta ta ai 4 be not kahana ena geiti idia naria, ma 4 be dina ta ta ai saut kahana ena geiti idia naria. Bona aniani haboua rumadia naria totona,+ Levi taudia rua rua be kahana kahana ai idia gini. 18 West kahanai ia noho ruma mai ena du badadia totona, Levi taudia 4 be dala badana ena geiti idia naria+ bona rua be ruma mai ena du badadia ia noho gabuna idia naria. 19 Unai be idia haria geiti ena kahana ta ta idia naria taudia, idia be Kora taudia bona Merari taudia edia bese amo.

20 Levi taudia amo, Ahaisa be Dirava momokanina ena ruma ena dava bada kohudia bona idia hahelagaia dava bada kohudia ia naria.+ 21 Geresone ena bese tauna Ladana ena natudia memero amo be Iehieli, ia be Ladana ena bese kwarana tauna ta+ 22 bona Iehieli ena natudia memero, Setama bona ena tadikaka Ioela. Idia be Iehova ena ruma ena dava bada kohudia idia naria.+ 23 Amarama taudia, Isahara taudia, Heberona taudia, bona Usiele taudia amo,+ 24 Mose ena natuna Geresome ena bese tauna Sebuele be aniani haboua gaukara taudia ia gunalaia. 25 Ena tadikakadia, Eliesere+ ena bese amo idia mai taudia unai, be Rehabaia,+ Iesaia, Iorama, Sikiri, bona Selomoto. 26 Selomoto bona ena tadikakadia be idia hahelagaia dava bada kohudia ibounai idia naria,+ unai kohu be King Davida,+ bese kwarana taudia,+ tuari orea taudia 1,000 ta ta edia biagudia bona tuari orea taudia 100 ta ta edia biagudia, bona tuari biagudia ese idia hahelagaia. 27 Tuari ai idia abia kohudia be helaga gaudia ai idia halaoa,+ unai amo Iehova ena ruma idia hanamoa diba. 28 Peroveta tauna Samuela,+ Kisa ena natuna Saulo, Nere ena natuna Abinere,+ bona Seruia+ ena natuna Ioaba+ ese idia hahelagaia gaudia ibounai danu. Unai hahelagaia gaudia be Selomiti bona ena tadikakadia ese idia naria.

29 Isahara taudia amo,+ Kenanaia bona ena natudia memero be Dirava ena ruma lalonai idia karaia gaukara idia karaia lasi, to Israela taudia totona ofesa bona hahemaoro gaukara idauidau idia karaia.+

30 Heberona taudia amo,+ Hasabaia bona ena tadikakadia be 1,700, idia be gaukara diba taudia. Idia ese Israela tano, Ioridane ena west kahanai, Iehova bona king totona idia karaia hesiai gaukara ibounai idia naria. 31 Heberona taudia edia bese amo, Ieraiha+ be Heberona taudia edia bese kwarana tauna. Davida ena lohia lagani namba 40 ai,+ Heberona ena bese taudia idia sekea, bona Gileada ai ia noho siti, Iasera, amo gaukara idia karaia diba tatau goadadia idia abia.+ 32 Bona ena tadikakadia be tatau goadadia, ibounai be 2,700, idia be bese gunalaia taudia. Vadaeni King Davida ese idia ia abia hidi Rubena iduhu taudia, Gado iduhu taudia, bona Manase ena iduhu kahana taudia idia naria, Dirava momokanina bona king edia gaukara idauidau idia karaia totona.

27 Inai be king ena tuari orea lalonai idia noho Israela taudia. Idia be bese kwarana taudia, tuari orea taudia 1,000 ta ta edia biagudia bona tuari orea taudia 100 ta ta edia biagudia,+ bona gunalaia taudia.+ Lagani ta lalonai, orea ta ta be hua ta ta ai edia gaukara idia karaia, bona orea ta ta lalonai tatau 24,000 idia noho.

2 Hua ginigunana lalonai Sabediele ena natuna Iasobeama+ ese orea ginigunana ia gunalaia, bona ena orea lalonai tatau 24,000 idia noho. 3 Iasobeama be Perese ena bese tauna.+ Ia be hua ginigunana ai hesiai gaukara idia karaia orea edia biagudia edia gunalaia tauna. 4 Hua iharuana ai Ahohi tauna Dodai+ be orea iharuana ia naria, bona Mikiloto be hakaua tauna, bona Dodai ena orea lalonai tatau 24,000 idia noho. 5 Hua ihatoina ai orea ihatoina be Benaia ese ia gunalaia,+ ia be hahelaga tauna badana Iehoiada ena natuna,+ bona ena orea lalonai tatau 24,000 idia noho. 6 Benaia be tuari tauna goadana ta bona ia ese tuari tatau goadadia 30 ia gunalaia, bona ena orea be ena natuna Amisabada ese ia naria. 7 Hua namba 4 ai orea namba 4 ena gunalaia tauna be Asahele,+ ia be Ioaba ena tadikaka,+ bona iena natuna Sebadaia be iena gabu ia abia, bona ena orea lalonai tatau 24,000 idia noho. 8 Hua namba 5 ai orea namba 5 ena gunalaia tauna be Samahutu, ia be Isiraha tauna, bona ena orea lalonai tatau 24,000 idia noho. 9 Hua namba 6 ai orea namba 6 ena gunalaia tauna be Ira,+ ia be Tekoa tauna Ikese ena natuna mero,+ bona ena orea lalonai tatau 24,000 idia noho. 10 Hua namba 7 ai orea namba 7 ena gunalaia tauna be Helese,+ ia be Pelono tauna, Eparaima amo, bona ena orea lalonai tatau 24,000 idia noho. 11 Hua namba 8 ai orea namba 8 ena gunalaia tauna be Sibekai,+ ia be Husa tauna, Sera amo,+ bona ena orea lalonai tatau 24,000 idia noho. 12 Hua namba 9 ai orea namba 9 ena gunalaia tauna be Abiesere,+ ia be Anatoto tauna,+ Beniamina amo, bona ena orea lalonai tatau 24,000 idia noho. 13 Hua namba 10 ai orea namba 10 ena gunalaia tauna be Maharai,+ ia be Netopa tauna, Sera amo,+ bona ena orea lalonai tatau 24,000 idia noho. 14 Hua namba 11 ai orea namba 11 ena gunalaia tauna be Benaia,+ ia be Piratono tauna, Eparaima besena amo, bona ena orea lalonai tatau 24,000 idia noho. 15 Hua namba 12 ai orea namba 12 ena gunalaia tauna be Heledai, ia be Netopa tauna, Otoniele amo, bona ena orea lalonai tatau 24,000 idia noho.

16 Israela iduhu ta ta amo gunalaia taudia be inai: Rubena iduhu amo be Sikiri ena natuna Eliesere. Simeona iduhu amo be Maka ena natuna Sepataia. 17 Levi iduhu amo be Kemuela ena natuna Hasabaia. Arona iduhu amo be Sadoka. 18 Iuda iduhu amo be Elihu,+ ia be Davida ena tadikaka ta. Isakara iduhu amo be Mikaela ena natuna Omeri. 19 Sebuluno iduhu amo be Obadaia ena natuna Isimaia. Napatali iduhu amo be Aseriele ena natuna Ierimoto. 20 Eparaima iduhu amo be Asasaia ena natuna Hosahea. Manase iduhu kahana amo be Pedaia ena natuna Ioela. 21 Gileada ai idia noho Manase iduhu kahana amo be Sekaraia ena natuna Ido. Beniamina iduhu amo be Abinere ena natuna Iasiela.+ 22 Dano iduhu amo be Ierohama ena natuna Asarelo. Inai be Israela iduhu ta ta edia lohia taudia.

23 Davida ese edia mauri lagani 20 amo ia diho memero ia duahia lasi, badina Iehova ia gwauhamata Israela taudia be do idia momo herea, guba ena hisiu bamona.+ 24 Seruia ena natuna Ioaba ese duahia gaukara ia karaia, to ena gaukara ia haorea lasi. Bona unai dainai Dirava be Israela taudia dekenai ia badu,+ bona unai namba be King Davida ia sivarailaia bukana lalonai idia torea lasi.

25 King ena dava bada kohudia ia naria tauna+ be Adiele ena natuna Asamavete. Usaia ena natuna Ionatana be tano ta ta, siti, hanua, bona kohoro ai idia haboua uma anianidia ia naria. 26 Kelubu ena natuna mero Esiri be uma tanodia ai idia gaukara taudia ia naria. 27 Rama tauna Simei be vain umadia ia naria. Sipimoto tauna Sabadi be wain totona idia abia vain huahua haboua gabudia ia naria. 28 Sepala ai+ idia noho olive bona sikamoa au+ be Gedere tauna Bala-hanana ese ia naria. Bona Ioasa be oela haboua gabuna ia naria. 29 Sarona ai+ rei idia ania boromakau oreadia be Sarona tauna Sitirai ese ia naria, bona Adelai ena natuna Sapata ese koura gabudia ai idia noho boromakau oreadia ia naria. 30 Isamaela tauna Obili be kamelo ia naridia. Merenoto tauna Iehedeia ese doniki* ia naridia. 31 Hagara tauna Iasisi ese mamoe oreadia ia naria. Unai taudia ibounai be King Davida ia biagua gaudia idia naria.

32 Davida ena tadikaka ena natuna Ionatana+ be sisiba henia tauna, ia be laloparara tauna bona seketere ena gaukara ia karaia, bona Hakamoni ena natuna mero Ieiele be king ena natudia memero ia naria.+ 33 Ahitopela+ be king ena sisiba henia tauna, bona Araki tauna Husai+ be king ena turana namona. 34 Ahitopela murinai be Iehoiada, ia be Benaia ena natuna mero,+ bona Abiatara,+ idia be sisiba henia taudia. Bona Ioaba+ be king ena tuari oreana ena biaguna.

28 Bena Davida ese Ierusalema ai Israela ena gunalaia taudia ibounai ia haboudia, idia be iduhu ta ta edia gunalaia taudia, king idia hesiai henia tuari orea ta ta edia gunalaia taudia,+ tuari orea taudia 1,000 ta ta edia biagudia bona tuari orea taudia 100 ta ta edia biagudia,+ king ese ia biagua gaudia bona ena animal bona ena natudia memero naria taudia edia gunalaia taudia,+ ofesa taudia bona gaukara idia karaia diba tatau goadadia.+ 2 Bena King Davida ia toreisi bona ia gwau:

“Egu tadikakadia bona egu taunimanima e, lau umui kamonai henia. Egu kudouna ai lau ura dikadika ruma ta lau haginia, Iehova ena Taravatu Maua bona iseda Dirava ena aena atoa gabuna totona,+ bona ruma haginia totona lau hegaegae vadaeni.+ 3 To Dirava momokanina ese lau ia hamaoroa, ‘Oi ese egu ladana totona ruma ta do oi haginia lasi,+ badina oi be tuari tauna, bona taunimanima momo oi alaia.’+ 4 To, egu tamana ena bese taudia amo Israela ena Dirava Iehova ese lau ia abia hidi Israela do lau lohiaia hanaihanai,+ badina ia ese Iuda be gunalaia tauna bamona ia abia hidi.+ Bona Iuda besena, egu tamana ena bese unai,+ bona egu tamana ena natudia memero amo lau ia abia hidi Israela ena king ai lau lao totona.+ 5 Iehova ese lau dekenai natudia momo ia henia,+ to idia ibounai amo egu natuna Solomona ia abia hidi,+ Iehova ena terona latanai ia helai bona Israela ia lohiaia totona.+

6 “Ia ese lau ia hamaoroa, ‘Emu natuna Solomona ese egu ruma bona ariara gabudia do ia haginia, badina ia lau abia hidi egu natuna ai do ia lao bona lau be ena tamana ai do lau lao.+ 7 Bema ia ese ena lalona ia hadaia egu hahemaoro herevadia bona oda herevadia ia badinaia,+ hari ia karaia noho bamona, vadaeni ena basileia do lau haginia goada ela bona hanaihanai.’+ 8 Vadaeni lau be Israela taudia ibounai, Iehova ena orea taudia unai, bona iseda Dirava vairanai lau gwau: Iehova emui Dirava ena oda herevadia umui dibaia namonamo bona badinaia, unai amo inai tano namona do umui noholaia daudau+ bona emui natudia dekenai do umui henia hanai, idia noholaia hanaihanai totona.

9 “Bona egu natuna Solomona e, oi ese mai emu kudouna ibounai+ bona mauri* ibounai ida emu tamana ena Dirava oi hesiai henia, badina Iehova ese iseda kudouna ibounai ia tahua,+ bona iseda lalohadai bona ura gaudia ibounai ia diba.+ Bema ia oi tahua, ia ese dala do ia kehoa ia oi davaria totona,+ to bema ia oi rakatania, oi do ia dadaraia ela bona hanaihanai.+ 10 Harihari do oi laloa namonamo, badina Iehova ese oi ia abia hidi dubu helaga oi haginia totona. Oi boga-auka bona gaukara oi karaia.”

11 Bena Davida ese dubu ena raka vareai gabuna+ bona ena daiutu idauidau, hegeregere kohu haboua daiutudia, ataiai daiutudia, lalona momokani daiutudia, bona kara dika gwauatao daiutuna+ edia palani be ena natuna Solomona dekenai ia henia.+ 12 Dirava ena lauma ese Davida dekenai ia hahedinaraia gaudia ibounai, hegeregere Iehova ena ruma ena ariara idauidau,+ aniani daiutu idauidau, Dirava momokanina ena dava bada kohu haboua daiutudia, bona idia hahelagaia gaudia idia atoa daiutudia edia palani danu be Solomona dekenai ia henia.+ 13 Danu hahelaga taudia+ bona Levi taudia edia gaukara, Iehova ena ruma lalonai idia karaia hesiai gaukara idauidau, bona Iehova ena ruma lalonai idia gaukaralaia kohu idauidau ia herevalaia. 14 Danu, hesiai gaukara idauidau edia kohu idia karaia golo ena metau, siliva amo idia karaia gaudia ibounai edia metau, bona hesiai gaukara idauidau totona idia gaukaralaia kohu ibounai edia metau ia gwauraia. 15 Danu golo amo idia karaia lamepa atoa gaudia+ bona edia golo lamepadia edia metau, bona siliva amo idia karaia lamepa atoa gaudia idauidau bona lamepa edia metau, 16 bona golo ena metau, unai golo amo teibolo ta ta do idia karaia, unai be Dirava dekenai idia henia paraoa helagana* atoa totona.+ Bona siliva ena metau, unai siliva amo teibolo idauidau do idia karaia, 17 golo namo hereana amo idia karaia foka, disi, hodu, bona golo amo idia karaia disi maragidia edia metau,+ bona siliva disi maragidia edia metau. 18 Bonana namo muramura idia bouboulaia patana+ bona Dirava ena kariota ia laulaulaia gauna,+ kerubi rua unai,+ edia apena idia kehoa bona apena ese Iehova ena Taravatu Maua idia koua totona do idia gaukaralaia golo namo hereana ena metau ia herevalaia. 19 Davida ia gwau: “Iehova ese lau dekenai laloa kehoa ia henia bona lau laloparara edena bamona inai palani ena kahana idauidau ibounai lau badinaia,+ bona iena hakaua dalana hegeregerena ai lau torea.”+

20 Bena Davida ese ena natuna Solomona ia hamaoroa: “Oi boga-auka bona oi goada bona gaukara oi karaia. Namo lasi oi gari, badina Iehova Dirava, egu Dirava be oi ida.+ Ia be oi do ia rakatania lasi,+ to oi ida do ia noho ela bona Iehova ena ruma haginia gaukara ibounai oi haorea. 21 Bona inai be hahelaga taudia bona Levi taudia edia gaukara,+ Dirava momokanina ena ruma lalonai idia karaia hesiai gaukara idauidau totona. Gau idauidau idia karaia diba taudia ibounai idia ura oi idia durua, gaukara idia karaia totona,+ danu iduhu gunalaia taudia+ bona taunimanima ibounai ese emu hereva do idia badinaia.”

29 King Davida ese idia hebou taudia ibounai dekenai ia gwau: “Egu natuna Solomona, Dirava ese ia abia hidi tauna unai,+ be mero matamata bona gau momo ia do diba lasi,+ bona gaukara be bada herea, badina dubu be taunimanima totona lasi to Iehova Dirava totona.+ 2 Bona lau gaukara goada Dirava ena ruma totona lau hegaegae, bona golo, siliva, kopa, auri,+ timba,+ onuku nadi, bona sementi totona idia gaukaralaia nadi, nadi mai edia kala idauidau, dava bada nadi idauidau, bona nadi kavabu idauidau momo herea lau henia. 3 Ma danu, egu Dirava ena ruma lau lalokau henia dainai,+ ruma helagana totona lau hegaegaelaia gaudia ibounai amo, lau ese sibona egu golo bona siliva be egu Dirava ena ruma totona lau henia,+ 4 hegeregere Opiri+ amo 3,000 golo talent* bona 7,000 siliva talent goevana lau abia, unai idia gaukaralaia daiutu idauidau edia haba* koua totona, 5 golo gaukara totona idia gaukaralaia golo bona siliva gaukara totona idia gaukaralaia siliva, bona imana amo gaukara idauidau idia karaia tatau ese idia gaukaralaia gaudia totona. Hari dina daika ia ura Iehova dekenai harihari gauna ta ia henia?”+

6 Vadaeni bese kwaradia edia iduhu gunalaia taudia, Israela iduhu idauidau edia gunalaia taudia, tuari orea taudia 1,000 ta ta edia biagudia bona tuari orea taudia 100 ta ta edia biagudia,+ bona king ena gaukara idia gunalaia taudia+ ese harihari gaudia idia henia. 7 Bona idia ese Dirava momokanina ena ruma haginia gaukarana dekenai idia henia gaudia be inai: 5,000 golo talent,* 10,000 dariki,* 10,000 siliva talent, 18,000 kopa talent, bona 100,000 auri talent. 8 Taunimanima ese edia dava bada nadi idauidau be Iehova ena ruma ai dava bada kohu haboua gabuna dekenai idia abia lao, unai be Geresone tauna Ieiele ese ia naria.+ 9 Taunimanima idia moale badina mai edia kudouna ibounai ida Iehova dekenai unai harihari gaudia idia henia,+ bona king Davida ia moale bada herea.

10 Bena hebou taudia vairanai Davida ese Iehova ia hanamoa. Davida ia gwau: “Emai tamana Israela ena Dirava Iehova e, oi ai hanamoa ela bona hanaihanai. 11 Iehova e, emu siahu+ bona goada+ bona hairai be bada herea momokani,+ badina guba bona tanobada ai idia noho gaudia be oiemu.+ Iehova e, basileia be oiemu.+ Oi sibona be unai gaudia ibounai edia Biaguna. 12 Taga bona hairai be oi amo,+ bona oi ese gau ibounai oi lohiaia,+ bona emu siahu be bada herea,+ bona oi ese taunimanima dekenai ladana bada oi henia+ bona goada oi henia diba.+ 13 Bona emai Dirava e, oi ai tanikiu henia bona emu ladana hairaina ai hanamoa.

14 “Bona lau be daika bona egu taunimanima be daidia, ai ese unai bamona harihari gaudia be oi dekenai ai henia diba? Badina gau ibounai be oi amo, bona emu imana amo ai abia gaudia be oi dekenai ai henia noho. 15 Emu vairanai ai be idau tano taudia bamona ai noho, emai sene tamadia ibounai bamona.+ Badina emai mauri inai tanobada ai be kwadogi sibona,+ helaro be lasi. 16 Iehova emai Dirava e, ai hegaegaelaia dava bada kohu ibounai be oiemu, unai gaudia amo emu ladana helagana totona emu ruma ta do ai haginia. 17 Egu Dirava e, lau diba momokani oi be kudouna oi tahua+ bona ta ena badinaia karana dekenai oi moale.+ Mai momokani ida,* lau ese inai gau ibounai lau henia, bona hari emu taunimanima idia mai iniseni oi dekenai harihari gaudia idia henia totona lau itaia neganai, lau moale bada. 18 Iehova, emai sene taudia Aberahamo, Isako, bona Israela edia Dirava e, mani emu taunimanima oi durua, unai amo mai edia ura goadana bona kudouna ibounai ida oi idia hesiai henia.+ 19 Bona egu natuna Solomona oi durua, unai amo mai ena kudouna ibounai+ ida oi emu oda herevadia, hadibaia herevadia bona taravatu ibounai ia badinaia.+ Ia oi durua unai ibounai ia karaia bona lau hegaegaelaia gaudia ia gaukaralaia dubu ia haginia totona.”+

20 Bena Davida ese idia hebou taudia ibounai dekenai ia gwau: “Iehova emui Dirava hanamoa.” Bona taunimanima ibounai ese edia sene taudia edia Dirava Iehova idia hanamoa bona idia tui diho bona tano dekenai edia vairana idia atoa diho, Iehova bona king vairanai. 21 Bona unai dina bona murina dinana ai idia ese Iehova dekenai boubou gaudia bona gabua bouboudia idia henia noho.+ Iehova dekenai idia henia gaudia be, boromakau natudia 1,000, mamoe tau 1,000, mamoe natudia 1,000, bona edia wain bouboudia danu.+ Idia ese Israela taudia ibounai totona boubou gaudia momo herea idia henia.+ 22 Unai dina ai idia be mai moale bada ida Iehova ena vairanai idia aniani bona idia inuinu noho,+ bona idia ese Iehova ena vairanai Davida ena natuna Solomona idia abia hidi bona king ai idia halaoa,+ bona Sadoka be hahelaga tauna ai idia halaoa.+ 23 Bona Solomona be Iehova ena terona ai king ai ia lao,+ ena tamana Davida ena gabuna ia abia, bona king gaukara ia karaia namonamo, bona Israela taudia ibounai be ia idia badinaia. 24 Gunalaia taudia ibounai,+ tuari taudia goadadia,+ bona King Davida ena natudia memero ibounai+ be King Solomona idia kamonai henia. 25 Bona Israela taudia ibounai edia vairanai Iehova ese Solomona ia hanamoa bada bona king siahuna ia henia, Israela ai guna unai bamona king ta dekenai ia vara lasi.+

26 Iese ena natuna Davida be Israela ibounai ia lohiaia, 27 bona Israela ia lohiaia ena daudau be lagani 40. Heberona ai lagani 7 ia lohia,+ bona Ierusalema ai lagani 33 ia lohia.+ 28 Bona ia mauri daudau, taga bona hairai ia abia, bona ia buruka momokani neganai ia mase.+ Bona ena natuna Solomona be king ai ia lao.+ 29 King Davida ena sivarai, matamana amo ela bona dokona, be peroveta taudia Samuela bona Natana,+ bona matahanai itaia tauna Gado+ ese idia sivarailaia, 30 bona idia ese iena lohia dalana, iena siahu, bona ia bona Israela dekenai bona edia badinai idia noho basileiadia dekenai idia vara gaudia idia sivarailaia danu.