KAHANA 6

Noa Ena Negai Idia Vara Karadia amo Dahaka Ita Dibaia?

Dirava ese kara dika taudia ia hadikaia ore, to Noa bona ena famili ia hamauridia. Genese 7:11, 12, 23

Lagatoi ia hure oho, abata badana lalonai kara dika taudia idia mase, gwau-edeede anerudia edia tanobada tauanina idia rakatania

Medu be dina 40 bona hanuaboi 40 ia diho, bona ranu ese tanobada ibounai ia koua. Kara dika taudia ibounai idia mase.

Gwau-edeede anerudia be tanobada tauanidia idia rakatania bona demoni ai idia lao.

Noa, ena ruma bese, bona animal lagatoi amo idia rakalasi, bona kevau guba ai ia hahedinarai

Lagatoi lalonai idia noho taudia idia roho mauri. Ena be lagani momo murinai Noa bona ena famili idia mase, to gabeai, Dirava ese do ia hatoredia isi lou bena do idia mauri hanaihanai.

Dirava ese kara dika taudia do ia hadikaia ore lou bona taunimanima namodia do ia hamauria. Mataio 24:37-39

Satani bona ena demoni ese dala idauidau idia gaukaralaia taunimanima idia hakaua kerere

Satani bona demoni be taunimanima idia koia noho.

Noa ena negai bamona, hari inai negai, momo be Iehova ena hakaua hereva namodia idia dadaraia. Kahirakahira, Iehova ese kara dika taudia ibounai do ia hadikaia ore.—⁠2 Petero 2:5, 6.

Iehova Ena Witnes taudia ese tau ta idia haroro henia totona Baibel idia gaukaralaia; tau ta ese baibel ia duahia

Taunimanima haida be Noa bamona. Idia be Dirava idia kamonai henia bona Iena ura idia karaia; idia be Iehova ena Witnes taudia.