Iehova Ena Ura Do Oi Karaia, A?

Tanikiu badina oi ese nega oi atoa inai buklet oi duahia, unai amo ai Iehova ena Witnes taudia, emai gaukara, bona emai orea oi dibaia namonamo. Ai laloa buklet ese oi ia durua dainai oi diba, daidia be hari Iehova ena ura idia karaia noho. Oi ai hagoadaia Dirava dibaia karana oi goadalaia noho, oi dibaia gaudia be emu famili bona turadia dekenai oi harorolaia, bona hanaihanai emai kongrigeisen heboudia dekenai oi mai.​—Heberu 10:23-25.

Iehova oi dibaia namonamo neganai, do oi laloparara Ia be oi ia lalokau henia bada. Unai ese emu lalona do ia hamarerea dainai, do oi gaukara goada dala idauidau ai do oi hahedinaraia Ia oi lalokau henia. (1 Ioane 4:8-10, 19) To edena bamona emu mauri lalonai oi hahedinaraia diba, oi ura Dirava oi lalokau henia? Dahaka dainai oi ura bada Dirava ena kara maoromaoro taravatudia oi badinaia? Bona dahaka ese oi do ia durua ai ida Dirava ena ura ita karaia hebou totona? Emu Baibel tisa be mai moale ida oi do ia durua unai henanadai edia haere oi dibaia totona, unai amo oi bona emu famili be “Dirava ena lalokau lalonai do umui noho. Bona . . . mauri hanaihanai umui abia” diba.​—Iuda 21.

Ai ura hereva momokani dekenai emu diba oi habadaia noho. Unai dainai, oi ai noia oi stadilaia buka ma ta be . . . “Dirava Ena Lalokau Lalonai Do Umui Noho”